ایپوا (EPWA) کے یومِ تاسیس پر خراجِ تحسین
اشاعت کی تاریخ: 1st, December 2025 GMT
data-id="863a0a8" data-element_type="widget" data-widget_type="theme-post-content.default">
پوری ٹیم کو خراجِ عقیدت
ای او بی آئی پنشنرز ویلفیئر ایسوسی ایشن (EPWA) پاکستان بھر کے ای او بی آئی پنشنرز کی واحد نمائندہ اور رجسٹرڈ تنظیم ہے، جو ریٹائرڈ بزرگوں، بیوہ پنشنرز اور محنت کش طبقے کے حقوق کے لیے مسلسل جدوجہد کر رہی ہے۔
قیام اور مقاصد
ایپوا کے قیام کا بنیادی مقصد پنشنرز کو ان کے جائز حقوق دلوانا، آگاہی پروگرامز کے ذریعے معلومات فراہم کرنا، اور ان مسائل کو اجاگر کرنا ہے جنہیں عموماً نظر انداز کر دیا جاتا ہے۔ ساتھ ہی پنشنرز کی فی سبیل اللہ خدمت کو اپنا مشن بنایا گیا۔
چھٹا یومِ تاسیس … 8 نومبر 2025
الحمد للہ، ای او بی آئی پنشنرز ویلفیئر ایسوسی ایشن اپنی چھٹی سالگرہ مناتے ہوئے اس عزم کی تجدید کرتی ہے کہ یہ جدوجہد اسی خلوص، محبت اور خدمت کے جذبے کے ساتھ جاری رہے گی۔
تنظیم کا باقاعدہ قیام 2019 میں عمل میں آیا، تاہم اس کی فکری بنیادیں 2017 سے ہی رکھی جا چکی تھیں۔
ایپوا کی جانب سے جاری پریس ریلیز میں کہا گیا ہے کہ:
’’یومِ تاسیس کو یومِ عہد کے طور پر منائیں… ان پانچ سالوں میں ہم نے کیا کھویا اور کیا پایا، اس پر غور کریں اور ان تمام بزرگوں کو یاد رکھیں جنہوں نے اس پودے کو لگایا اور آبیاری کی۔‘‘
بانی اراکین کو خراجِ عقیدت
ایپوا کے قیام میں جن شخصیات نے نمایاں کردار ادا کیا ان میں:
مرحوم شکیل احمد خان (سینئر صحافی، حیدرآباد)
مرحوم قاضی سراج (انچارج صفحہ محنت )
مرحوم صلاح الدین صدیقی (پہلے جنرل سیکرٹری)
مرحوم خالدیار خان
مرحوم شفیق غوری (صدر سندھ لیبر فیڈریشن)
اللہ تعالیٰ ان تمام بانی اراکین کی مغفرت فرمائے اور ان کے درجات بلند کرے۔ آمین۔
اسی طرح ہمارے بزرگ ساتھی مشیر احمد، معروف شاعر اوسط جعفری اور دیگر رفقا کی فکری رہنمائی اور مشوروں سے تنظیم کو مضبوط بنیادیں میسر آئیں۔
ایپوا کا کردار اور خدمات
ایپوا نے ای او بی آئی شوشل پنشنرز میں آگاہی پیدا کرنے، مسائل اجاگر کرنے اور پرائیویٹ اداروں کے ملازمین کو ریٹائرمنٹ کے بعد حاصل ہونے والی سہولتوں سے روشناس کرانے میں اہم کردار ادا کیا۔
گزشتہ 5سالوں میں بہت سے مسائل حل ہوئے، تاہم اب بھی پنشن کو کم از کم رائج تنخواہ کے مساوی کروانے کا مطالبہ باقی ہے۔
تنظیم کے قائدین، بالخصوص اسرار ایوبی ، شاہد غزالی اور دیگر ممبران کی رہنمائی اور محنت سے یہ کارواں مزید آگے بڑھا ہے۔
ایپوا کے چیئرمین اظفر شمیم نے تمام اراکین اور معاونین کا شکریہ ادا کیا جنہوں نے اس تنظیم کو اس مقام تک پہنچانے میں کردار ادا کیا۔
سلیم اختر … خدمت کا پیکر
ایپوا کے سرگرم رہنما سلیم اختر نے ہمیشہ فی سبیل اللہ خدمت کو اپنا مقصدِ حیات بنایا۔
انہوں نے کسی مالی مفاد کے بغیر خالص نیت سے بیوہ پنشنرز اور بزرگ محنت کشوں کے حقوق کے لیے جدوجہد کی۔
ان کی کاوشوں سے نہ صرف بے شمار مسائل حل ہوئے بلکہ پورے ملک میں ای او بی آئی نظام میں بہتری کے لیے آواز بلند ہوئی۔
ایپوا کی آگاہی مہمات کے نتیجے میں فارمولا پنشن کے تحت بہت سے پنشنرز کو ان کے بقایا جات ملے۔
اس میں خاص طور پر اسٹیل مل، نیشنل ریفائنری، اور شوگر ملز جیسے اداروں کا ذکر نمایاں ہے، جہاں ایپوا کی کوششوں سے حقیقی نتائج سامنے آئے۔
سلیم اختر کا پیغام
ہم ایپوا کے پلیٹ فارم سے فی سبیل اللہ کام کر رہے ہیں۔
کیونکہ یہ خدمت صرف ایک فرض نہیں بلکہ عبادت ہے۔
متین خان کی شاندار خدمت کو خراجِ تحسین
متین خان کا نعرہ’’ہم ایپوا (EPWA) کے جھنڈے تلے سب ایک ہیں‘‘
پورے ایپوا خاندان کے اتحاد اور یکجہتی کی بہترین مثال بن چکا ہے۔
انہوں نے نہ صرف پنشنرز کے مسائل کو اجاگر کیا بلکہ ان کی حوصلہ افزائی میں بھی بھرپور کردار ادا کیا۔
حال ہی میں ایک پنشنر جو شدید بیماری اور مایوسی کا شکار تھے،
عبدالمتین نے ان سے ملاقات کی، ان کی ہمت بندھائی، اور ایپوا کے جذبے سے انہیں نئی زندگی کا حوصلہ دیا۔
ایسی شخصیات ہی تنظیم کی اصل طاقت ہوتی ہیں ۔
جو دوسروں کے دکھ کو اپنا دکھ سمجھتی ہیں اور خدمتِ خلق کو اپنا مشن بناتی ہیں۔
سلام ہے عبدالمتین کی انسان دوستی، خدمت اور اخلاص کو۔
دعا و خراجِ تحسین
یومِ تاسیس کے موقع پر تمام ارکان، پنشنرز، اور وابستگان
ایپوا ٹیم کی خالص نیت، خدمت، اور قربانیوں کو خراجِ تحسین پیش کرتے ہیں۔
اللہ تعالیٰ اس کارِ خیر کو دوام عطا فرمائے۔
اور تمام اراکین کو صحت، ہمت اور کامیابیاں عطا کرے۔
ذریعہ: Jasarat News
کلیدی لفظ: کردار ادا کیا او بی ا ئی کو خراج کو اپنا
پڑھیں:
پیپلز پارٹی کا 58ویں یومِ تاسیس، صدرِ مملکت کا پارٹی کے بانی رہنماؤں کو زبردست خراجِ عقیدت
ویب ڈیسک: صدرِ مملکت آصف علی زرداری نے پاکستان پیپلز پارٹی (پی پی پی) کے 58ویں یومِ تاسیس کے موقع پر پارٹی کے بانی رہنماؤں کو زبردست خراجِ عقیدت پیش کرتے ہوئے جمہوریت، سماجی انصاف اور عوامی بااختیاری کے عزم کو ایک بار پھر دہرایا ہے۔
اپنے پیغام میں انہوں نے کہا کہ پیپلز پارٹی کے 58ویں یومِ تاسیس پر ہم اپنے بانی چیئرمین شہید ذوالفقار علی بھٹو اور شہید محترمہ بے نظیر بھٹو کو خراجِ تحسین پیش کرتے ہیں جن کے وژن، جرات اور قربانیوں نے پاکستان کی جمہوری بنیادوں کو مضبوط کیا اور آنے والی نسلوں کو حوصلہ دیا۔
پیٹرولیم مصنوعات کی قیمتوں میں 6 روپے 35 پیسے تک کمی کا امکان
صدر زرداری نے پارٹی کی تاریخی جدوجہد کو اجاگر کرتے ہوئے کہا کہ پیپلز پارٹی نے ہر دور میں قوم کو درپیش چیلنجز کا سامنا کیا۔ جب ملک میں آمریت کا راج تھا، پیپلز پارٹی نے جمہوری مزاحمت کی علامت بن کر عوام کے حقوق کی بحالی کے لیے جدوجہد کی۔
انہوں نے کہا کہ پارٹی نے ہمیشہ جمہوری نظام کو مستحکم کرنے، قومی یکجہتی کو فروغ دینے اور سیاسی عمل کو صحیح سمت میں رکھنے میں کلیدی کردار ادا کیا۔
انہوں نے شہید ذوالفقار علی بھٹو کے دور کے اہم اقدامات یاد کرتے ہوئے کہا کہ پاکستان کو 1973 کا متفقہ آئین بھٹو شہید کی قیادت میں ملا، جو آج بھی ہماری جمہوریت کی اساس ہے۔
بالی وو ڈ فلم کا ٹریلر ریلیز، چودھری اسلم شہید کی اہلیہ کی کڑی تنقید
پیپلز پارٹی وفاق کی مضبوطی، گلگت بلتستان اور آزاد کشمیر میں اصلاحات، ملک کے ایٹمی پروگرام کی بنیاد اور زمین، محنت کشوں، تعلیم اور سماجی انصاف کے شعبوں میں انقلابی اصلاحات پر فخر کرتی ہے۔
صدر زرداری نے ایم آر ڈی، اے آر ڈی، چارٹر آف ڈیموکریسی، 18ویں ترمیم اور نیشنل ایکشن پلان جیسے اہم جمہوری مراحل میں پارٹی کے مرکزی کردار کا بھی حوالہ دیا۔
انہوں نے کہا کہ پیپلز پارٹی ہمیشہ مزدوروں، کسانوں، خواتین، اقلیتوں اور پسے ہوئے طبقات کی آواز رہی ہے، اور یہی شاملیتی سوچ پارٹی کے سیاسی فلسفے کی بنیاد ہے۔
ڈکی بھائی کی رہائی کے بعد پہلی مرتبہ میڈیا کے سامنے آگئے
صدر زرداری نے اپنے کارکنوں کو پیغام دیتے ہوئے کہا کہ آئیں اس دن کے موقع پر ہم جمہوریت، سماجی انصاف، مساوات اور عوامی بااختیاری کے عزم کو ایک بار پھر تازہ کریں، خصوصاً خواتین اور اقلیتوں کی شمولیت جن کی شرکت ایک پرامن اور تکثیری پاکستان کے لیے ناگزیر ہے۔
انہوں نے کہا کہ میں پارٹی کارکنوں سے اپیل کرتا ہوں کہ وہ جمہوری اتحاد کو برقرار رکھیں، وفاق کی حفاظت کریں اور روادار، ترقی پسند پاکستان کے لیے کام کریں۔
سہیل آفریدی کا احتجاج کے لئے ہر گاؤں سے بندےاڈیالہ جیل لانےکاحکم
آغاقادرداد کھجورمارکیٹ میں زہریلی فاسفورس بھٹیوں کا انکشاف