بدین، لاڑسجاگ تحریک کی اپیل پر منشیات فروشوں کیخلاف احتجاج
اشاعت کی تاریخ: 1st, December 2025 GMT
data-id="863a0a8" data-element_type="widget" data-widget_type="theme-post-content.default">
بدین(نمائندہ جسارت )بدین میں منشیات کے بڑھتے ہوئے کاروبار کے خلاف لاڑ سجاگ تحریک کی اپیل پر بدین پریس کلب کے سامنے مظاہرہ احتجاجی مظاہرہ کیا گیا۔ مظاہرے کی قیادت سیاسی سماجی کاروباری شخصیات خلیفہ طارق میمن ، سید زین شاہ، شجاعت خواجہ ، کاشف قمرانی یاسین کھٹی اور دیگر رہنماؤں نے کی۔ مظاہرے سے خطاب کرتے ہوئے مقررین سید زین شاہ، خلیفہ طارق میمن، کاشف قمرانی ، یاسین کھٹی، اعجاز چانڈیو، دلبر سندھی چانڈیو سمیت دیگر رہنماؤں نے کہا کہ بدین ضلع میں گٹکا، آئس، چرس، ٹھری ، سفینہ سمیت خطرناک منشیات کی سرعام فروخت نے نوجوان نسل کو تباہی کے دہانے پر پہنچا دیا ہے۔ رہنماؤں نے الزام لگایا کہ سیاسی سرپرستی کے باعث منشیات فروشوں کا مکروہ دھندا عروج پر ہے اور نتیجتاً نوجوان نسل بیماریوں، جرائم اور سماجی بگاڑ کا شکار ہو رہی ہے۔ انہوں نے کہا کہ منشیات کے آزادانہ استعمال اور فروخت کے باعث کینسر سمیت خطرناک امراض میں اضافہ جبکہ ضلع کے شہروں اور دیہات میں گلیاں، بازار اور سڑکیں بھی غیر محفوظ ہوچکی ہیں۔ شہری خوف و ہراس میں زندگی گزار رہے ہیں۔احتجاجی رہنماؤں نے افسوس کا اظہار کرتے ہوئے کہا کہ بااثر منشیات ڈیلروں کی پشت پناہی کے باعث صورتحال اس حد تک بگڑ چکی ہے کہ یہ عناصر پولیس کی موجودگی میں بھی شہریوں کو گاڑیوں سے کچلنے جیسے سنگین جرائم کر کے آزاد گھومتے ہیں، مگر پولیس کارروائی سے گریزاں ہے۔ مظاہرین نے مطالبہ کیا کہ بدین ضلع سے منشیات کے اس ناسور کا خاتمہ کیا جائے اور منشیات فروشی میں ملوث بااثر ڈیلروں سمیت ان کے سہولت کاروں کو فوری گرفتار کیا جائے۔ نہیں تو ممبصورتِ دیگر احتجاج کا دائرہ مزید وسیع کیا جائے گا۔
ذریعہ: Jasarat News
کلیدی لفظ: رہنماو ں نے
پڑھیں:
کراچی میں پی ٹی آئی کا احتجاج، حلیم عادل شیخ زیر حراست
پریس کلب کے باہر پاکستان تحریک انصاف (پی ٹی آئی) کے کارکنوں نے احتجاج کیا، حلیم عادل شیخ اپنے رہنماؤں اور کارکنوں کے ساتھ مظاہرے کیلئے پہنچے تھے۔ اسلام ٹائمز۔ پاکستان تحریک انصاف (پی ٹی آئی) سندھ کے صدر حلیم عادل شیخ سمیت دیگر کو حراست میں لے لیا۔ کراچی پریس کلب کے باہر پاکستان تحریک انصاف (پی ٹی آئی) کے کارکنوں نے احتجاج کیا، حلیم عادل شیخ اپنے رہنماؤں اور کارکنوں کے ساتھ مظاہرے کیلئے پہنچے تھے۔ حلیم عادل شیخ کا کہنا تھا کہ اڈیالہ جیل میں قید بانی پی ٹی آئی سے ملاقاتیں نہ کروانے پر یہ مظاہرہ کیا جا رہا ہے۔ پولیس کا کہنا ہے کہ حراست میں لیے گئے افراد کو مختلف تھانوں میں منتقل کر دیا گیا۔
آغاقادرداد کھجورمارکیٹ میں زہریلی فاسفورس بھٹیوں کا انکشاف