پیپلز پارٹی کا یومِ تاسیس، رہنماؤں کا بانی چیئرمین اور شہید محترمہ کو خراج عقیدت
اشاعت کی تاریخ: 30th, November 2025 GMT
فائل فوٹو
پاکستان پیپلز پارٹی کے قیام کو 58 برس مکمل ہوگئے، پیپلز پارٹی کے رہنماؤں نے بانی چیئرمین ذوالفقار علی بھٹو اور شہید محترمہ بینظیر بھٹو کو خراج عقیدت پیش کیا۔
صدر آصف علی زرداری نے پیپلز پارٹی کے یومِ تاسیس پر بانی چیئرمین شہید ذوالفقار علی بھٹو اور شہید محترمہ بینظیر بھٹو کو خراجِ عقیدت پیش کرتے ہوئے کہا کہ پارٹی نے ہمیشہ جمہوری نظام کو مستحکم کرنے، اتحاد کو فروغ دینے اور سیاسی عمل کو درست راستے پر رکھنے کے لیے کام کیا۔
وزیراعلیٰ سندھ مراد علی شاہ نے پیپلز پارٹی کے یوم تاسیس پر عوام، جیالوں اور قیادت کو مبارکباد پیش کی اور کہا کہ پیپلز پارٹی نے ہمیشہ عوامی حقوق اور جمہوریت کے لیے جدوجہد کی ہے، ہمیشہ آمریت کا مقابلہ کر کے جمہوریت کی راہ ہموار کی۔
نائب صدر پیپلز پارٹی شیری رحمان نے کہا کہ پیپلز پارٹی نے مشکل ترین حالات میں بھی عدم تشدد کی سیاست کا علم بلند رکھا ہے، شہید محترمہ بینظیر بھٹو آمریت کے دور میں پرامن جدوجہد کےساتھ صوبوں کی زنجیر بن کر ابھریں۔
گورنر پنجاب سلیم حیدر خان نے پیپلز پارٹی کے یوم تاسیس کی تقریب سے خطاب میں کہا کہ بلاول بھٹو نے سفارتی سطح پر پاکستان کا کامیاب مقدمہ جیت کر عوام کے دلوں پر چھاپ چھوڑی ہے۔
انہوں نے کہا کہ پیپلز پارٹی واحد جماعت ہے جس نے ملک کے لیے سب سے زیادہ قربانیاں دیں، لوگ پیپلز پارٹی کو آنے والے الیکشن میں ووٹ کے ذریعے بھرپور نمائندگی دیں گے۔
پیپلز پارٹی پارلیمنٹرینز کی مرکزی ترجمان شازیہ مری نے یومِ تاسیس پر کہا کہ شہید بھٹو نے ہر پاکستانی کو سیاست میں حصہ لینے کا حق دیا، شہید محترمہ بینظیر بھٹو نے شہید بھٹو کی تحریک کو آگے بڑھایا۔
سندھ کے سینئر وزیر شرجیل انعام میمن نے کہا کہ آج کے دن ہم اپنے شہیدوں، کارکنوں اور قائدین کو سلام پیش کرتے ہیں۔
وزیر بلدیات سندھ ناصر حسین شاہ نے کہا کہ آج کا دن یاد دلاتا ہے کہ شہید ذوالفقار بھٹو نے پاکستان کی سیاست کو وقار، ہمت اور سچائی کے نئے معنی دیے۔
.ذریعہ: Jang News
کلیدی لفظ: شہید محترمہ بینظیر بھٹو پیپلز پارٹی کے نے کہا کہ بھٹو نے
پڑھیں:
پیپلز پارٹی کی تاریخ قربانیوں اور شہادتوں سے بھری ہوئی ہے، وقار مہدی
ایک بیان میں پی پی سینیٹر نے کہا کہ شہید محترمہ بینظیر بھٹو پہلی خاتون وزیر اعظم بنی، بحالی جمہوریت کی بات کرنے پر پارٹی کی قیادت کو شہید کیا گیا، کراچی میں پیپلز پارٹی نے بڑے جلسے کئے ہیں اور اتوار کا ہونے والا جلسہ بھی ایک عظیم جلسہ ثابت ہوگا۔ اسلام ٹائمز۔ پاکستان پیپلز پارٹی کے رہنما سینیٹر سید وقار مہدی نے کہا کہ پیپلز پارٹی کی تاریخ قربانیوں اور شہادتوں سے بھری ہوئی ہے، شہید ذوالفقار علی بھٹو کی ملک کے لئے خدمات ناقابل فراموش ہیں، شہید ذوالفقار علی بھٹو نے کو آئین دیا جس نے ملک کو جوڑ کر رکھا ہوا ہے۔ وقار مہدی نے کہا کہ شہید محترمہ بینظیر بھٹو پہلی خاتون وزیر اعظم بنی، بحالی جمہوریت کی بات کرنے پر پارٹی کی قیادت کو شہید کیا گیا۔ انہوں نے کہا کہ کراچی میں پیپلز پارٹی نے بڑے جلسے کئے ہیں اور اتوار کا ہونے والا جلسہ بھی ایک عظیم جلسہ ثابت ہوگا۔
عمران خان کی عدم پیروی پر مسترد کی گئی پٹیشن سماعت کے لیے مقرر کرنے کا حکم