جسارت کے سابق نیوز ایڈیٹر سید عبدالحفیظ نوری انتقال کرگئے
اشاعت کی تاریخ: 1st, December 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) کراچی پریس کلب کے سینئر ممبر، کے یو جے دستور کے سابق صدر روزنامہ جسارت کے سابق نیوز ایڈیٹر اور روزنامہ جنگ سے وابستہ سینئر صحافی سید عبدالحفیظ نوری انتقال کر گئے۔ مرحوم کی نماز جنازہ اتوار کو بعد نماز ظہر جامع مسجد عبداللہ اپارٹمنٹ میں ادا کی گئی۔ نماز جنازہ میں کراچی پریس کلب کے سیکرٹری سہیل افضل خان، ممبر گورننگ باڈی قاضی محمد یاسر، سابق سیکرٹری محمد رضوان بھٹی، سابق جوائنٹ سیکرٹری عابد حسین، کے یوجے دستور کے صدر نصر اللہ چودھری، جوائنٹ سیکرٹری عبدالرحمن، سابق صدور خلیل احمد ناصر، ریاض ساگر،سینئر صحافی عطاء محمد تبسم ،جماعت اسلامی کراچی کے ترجمان زاہد عسکری ،سماجی رہنما عبدالستار شیخ سمیت صحافیوں، مرحوم کے عزیز و اقارب اور شہریوں کی ایک بڑی تعداد نے شرکت کی۔ بعد ازاں انہیں مقامی قبرستان میں سپرد خاک کردیا گیا۔ کراچی پریس کلب کے صدر فاضل جمیلی، سیکرٹری سہیل افضل خان ،مجلس عاملہ اور کے یوجے دستور کے صدر نصر اللہ چودھری، سیکرٹری ریحان خان چشتی اور مجلس عاملہ نے مشترکہ بیان میں سید عبدالحفیظ نوری کے انتقال پر گہرے رنج و غم کا اظہار کرتے ہوئے کہا کہ مرحوم صحافتی برادری میں اپنے وسیع تجربے، اصول پسندی اور صحافت سے طویل وابستگی کے باعث انتہائی قدر و احترام کی نظر سے دیکھے جاتے تھے۔ انہوں نے کئی دہائیوں تک مختلف قومی اخبارات میں اپنی پیشہ ورانہ صلاحیتوں کا لوہا منوایا اور متعدد نوآموز صحافیوں کی تربیت میں اہم کردار ادا کیا۔ انہوں نے کہا کہ مرحوم ایک ذمہ دار، با اصول اور وضع دار صحافی تھے۔انہوں نے دعا کی کہ اللہ پاک مرحوم کو اپنے جوار رحمت میں اعلی مقام عطاء فرمائے اور لواحقین کو صبر جمیل دے۔ آمین یارب العالمین
ذریعہ: Jasarat News
پڑھیں:
شکارپور روڈ پر بااثر افراد نے زمین پرقبضہ کرلیا، امین اللہ مغل
data-id="863a0a8" data-element_type="widget" data-widget_type="theme-post-content.default">
سکھر (نمائندہ جسارت )سکھر کے علاقے شکارپور روڈ نزد دادو چوک کے رہائشی امین اللہ مغل ولد غلام فرید مغل نے بااثر افراد کی جانب سے اراضی پر مبینہ غیر قانونی قبضے کے خلاف سکھر پریس کلب کے باہر احتجاج کیا۔احتجاج کرنے والے متاثرہ شہری کا کہنا تھا کہ بااثر افراد نے اْس کے مکان نمبر D-1345 کی 25×3 گز اراضی پر غیر قانونی قبضہ کررکھا ہے۔ امین اللہ مغل کے مطابق اس حوالے سے اس نے متعدد مرتبہ تحریری شکایات درج کرائیں، جس پر سٹی سروے اور مختیار کار کی جانب سے تیار کردہ مشترکہ رپورٹ میں بھی واضح طور پر لکھا گیا ہے کہ متعلقہ قبضہ غیر قانونی ہے۔
گولارچی، محتسب اعلیٰ کی کچہری ، شہریوں نے شکا یتوں کے انبار لگا دیے