data-id="863a0a8" data-element_type="widget" data-widget_type="theme-post-content.default">
تازہ ترین تحقیق نے بچوں کے اسکرین ٹائم سے متعلق عام تاثر کی نفی کردی۔بین الاقوامی یونیورسٹی کے محققین نے 18 سال سے کم عمر1 لاکھ 33 ہزار سے زائد بچوں اور نوجوانوں کے ڈیٹا کا تجزیہ کیا جس کے حیران کن نتائج سامنے آئے۔تحقیق کے مطابق صحت و فٹنس سے جڑی ایپ اور آن لائن پروگرام جیسے ڈیجیٹل ٹولز بچوں اور نوجوانوں کی صحت پر مثبت اثرات چھوڑ رہے ہیں۔تحقیق کے مطابق ڈیجیٹل ٹولز استعمال کرنے والے بچے روزانہ 10 سے 20 منٹ اضافی جسمانی سرگرمی کرتے ہوئے پائے گئے۔ کچھ پروگراموں سے بچوں کے بیٹھے رہنے کی عادت میں بھی کمی واقع ہوئی اور وہ معمول کے اعتبار سے روزانہ 20 سے 25 منٹ کم بیٹھے۔تحقیق میں بتایا گیا کہ ان شرکاء کی خوراک میں بہتری آئی۔ ان غذاؤں میں پھل ، سبزیاں اور کم چکنائی والی غذائیں شامل تھیں۔مزید برآں ، وزن میں تبدیلی معمولی نوعیت کی رہی مگر جسمانی وزن اور چربی دونوں میں مستقل بہتری دیکھی گئی۔ البتہ، نیند پر کوئی خاص اثرات سامنے نہیں آئے۔
ذریعہ: Jasarat News
پڑھیں:
اسلام آباد ائرپورٹ :جعلی پاسپورٹ اسٹیمپ استعمال کرنے کی کوشش ناکام
data-id="863a0a8" data-element_type="widget" data-widget_type="theme-post-content.default">
251201-08-21
اسلام آباد ( نمائندہ جسارت) وفاقی تحقیقاتی ادارے (ایف آئی اے)کے امیگریشن یونٹ نے اسلام آباد انٹرنیشنل ائرپورٹ پر جعلی پاسپورٹ اسٹیمپ استعمال کرنے کی کوشش ناکام بنا دی۔ ایف آئی اے کے ایک اہلکار نے اے پی پی کو بتایا کہ امین خان اور حبیب اللہ نامی مسافروں کو ملائیشیا جانے والی بین الاقوامی پرواز سے اتار دیا گیا۔ اہلکار نے کہا کہ دونوں افراد پشاور اور بنوں کے رہائشی ہیں۔ انہوں نے بتایا کہ ایف آئی اے امیگریشن افسران نے مسافروں کے پاسپورٹس میں جعلی روانگی اور ملایئشیا میں آمد کے اسٹیمپ کی موجودگی کا پتا لگایا جو ان کے سفر کی تاریخ کو جعلی ثابت کرنے کی کوشش تھی۔ اہلکار نے مزید کہا کہ دونوں مسافروں کو مزید قانونی کارروائی کے لیے ایف آئی اے اینٹی ہیومن ٹریفکنگ سرکل اسلام آباد کے حوالے کر دیا گیا ہے۔ تفتیش کے دوران مزید گرفتاریاں اور قانونی کارروائی متوقع ہیں۔
گولارچی، محتسب اعلیٰ کی کچہری ، شہریوں نے شکا یتوں کے انبار لگا دیے