کمشنر سیسی کے دورے اور ملاقاتیں
اشاعت کی تاریخ: 1st, December 2025 GMT
data-id="863a0a8" data-element_type="widget" data-widget_type="theme-post-content.default">
کمشنر سیسی ہادی بخش کلہوڑو نے ڈائریکٹر پروکیورمنٹ ڈاکٹر محمد اکرم کے ہمراہ ایس ایس لانڈھی اسپتال اور کڈنی سینٹر لانڈھی کا دورہ کیا۔ دورے کے دوران انہوں نے دونوں اداروں کے متعلقہ تمام شعبہ جات کا معائنہ کیا اور داخل مریضوں سے ملاقات کرکے ان سے کسی شکایت یا مسئلے کے بارے میں دریافت کیا۔ نیز فراہم کی جانے والی طبی سہولیات کا جائزہ لیا۔ مریضوں نے اپنے علاج اور دستیاب سہولیات پر اطمینان کا اظہار کیا۔
دورے کے دوران سابق میڈیکل ایڈوائزر ڈاکٹر عمر چنہ نے بھی معزز کمشنر سے ملاقات کی اور کڈنی سینٹر لانڈھی کی خدمات میں بہتری کے لیے اپنی قیمتی تجاویز پیش کیں۔ انہوں نے سیسی کے ریٹائرڈ ملازمین کو درپیش چند مسائل کی نشاندہی بھی کی، جس پر کمشنر نے مکمل تعاون کی یقین دہانی کرواتے ہوئے کہا کہ اس ادارے کی خدمت کرنے والے ریٹائرڈ ملازمین ہماری قیمتی اثاثہ ہیں۔ ان کے مسائل کو جلد حل کیا جائے گا۔
بعدازاں لانڈھی ایسوسی ایشن آف ٹریڈ اینڈ انڈسٹری کے وفد نے جس میں شاہ زمان اور ڈاکٹر مبارک شامل تھے، نے کمشنر سے ملاقات کی اور ادارے کی خدمات میں بہتری کے لیے اپنے بھرپور تعاون کی یقین دہانی کرائی۔
اس کے علاوہ مزدوروں کے وفد نے ایک محسن خان کی قیادتِ میں کمشنر سیسی سے ملاقات کی اور علاج و معالجہ کی فراہمی کے نظام سے متعلق اپنے چند تحفظات پیش کیے۔ کمشنر نے انہیں مزید بہتری کی یقین دہانی کرواتے ہوئے کہا کہ ادارہ فراہم کی جانے والی خدمات کے معیار کو بہتر بنانے کے لیے پرعزم ہے۔
آخر میں نمائندگان نے اس بات کو سراہا کہ عام تعطیل کے باوجود کمشنر نے ذاتی طور پر اسپتالوں کا دورہ کیا جو صحت کی خدمات میں بہتری، مسائل کے بروقت حل اور عوامی فلاح کے لیے ان کی دِلچسپی، محنت اور عزم کا واضح ثبوت ہے۔
ذریعہ: Jasarat News
پڑھیں:
چیئرمین سینیٹ یوسف رضا گیلانی سے جرمن و الجیرین سفیروں کی ملاقاتیں
اسلام آباد(نیوز ڈیسک) الجیریا کے سفیر برائے پاکستان ابراہیم رُومانی اور جرمنی کی سفیر انا لیپل نے چیئرمین سینیٹ سید یوسف رضا گیلانی سے پارلیمنٹ ہاؤس میں ملاقات کی۔
سینیٹ سیکرٹریٹ کی جانب سے جاری اعلامیے کے مطابق الجیریا کے سفیر برائے پاکستان ابراہیم رُومانی نے پالیمنٹ ہاؤس میں ملاقات کی، جس میں دوطرفہ تعلقات، پارلیمانی تعاون، علاقائی صورتحال اور باہمی دلچسپی کے امور پر تفصیلی تباد لہ خیال کیا گیا، چیئرمین سینیٹ نے سفیر کا پرتپاک خیرمقدم کرتے ہوئے بین الپارلیمانی اسپیکرز کانفرنس میں الجیریا کی فعال شرکت کو سراہا۔
انہوں نے کہا کہ الجیریا کے وفد کی شرکت پاکستان اور الجیریا کے درمیان دیرینہ دوستی، باہمی احترام اور مشترکہ اصولوں کی عکاس ہے، چیئرمین سینیٹ نے اعلیٰ سطح کے روابط بڑھانے، باقاعدہ پارلیمانی وفود کے تبادلوں اور بڑھتے ہوئے باہمی روابط کے اہمیت کو اجاگر کیا۔
الجیریا کے سفیر نے الجیریا کی قیادت کا خصوصی پیغام چیئرمین سینیٹ تک پہنچایا اور الجیریا کی سینیٹ کے صدرِ کی جانب سے چیئرمین گیلانی کو دورے کی باضابطہ دعوت بھی پیش کی۔
اعلامیے کے مطابق سفیر نے چیئرمین سینیٹ سید یوسف رضا گیلانی کی قیادت اور ان کے وژن کو بھی سراہا اور علاقائی امن، ترقی اور تعمیری پارلیمانی روابط کے لیے ان کی کوششوں کی تعریف کی۔
بعدازاں، جرمنی کی سفیر انا لیپل نے بھی چیئرمین سینیٹ سید یوسف رضا گیلانی سے ملاقات کی۔
اعلامیے کے مطابق چیئرمین سینیٹ نے پاکستان اور جرمنی کے دیرینہ تعلقات کی اہمیت کو اجاگر کرتے ہوئے کہا کہ دونوں ممالک کے درمیان پارلیمانی سفارت کاری، اقتصادی تعاون اور دفاعی شراکت داری میں مزید پیش رفت کی ضرورت ہے۔
انہوں نے ادارہ جاتی تعاون سی اہمیت پر زور دیتے ہوئے کہا کہ پاکستان میں جرمنی کے لیے پارلیمانی فرینڈشپ گروپ پہلے ہی فعال ہے۔ انہوں نے کہا کہ پاکستان کی تمام سیاسی جماعتوں کے ارکانِ پارلیمنٹ جرمنی کے ساتھ تعاون کو مزید گہرا کرنے کے خواہاں ہیں، انہوں نے عوامی سطح پر روابط کے فروغ کے لیے پارلیمانی سفارت کاری سے استفادہ کرنے کی اہمیت کو اجاگر کیا۔
چیئرمین سینیٹ نے موسمیاتی تبدیلی کو دونوں ممالک کی مشترکہ ترجیح قرار دیتے ہوئے ’کلائمیٹ اینڈ انرجی پارٹنرشپ کو بڑھانے کے لیے اقدامات پر زور دیا، انہوں نے قابلِ تجدید توانائی اور گرین انرجی کے شعبوں میں وسیع مواقع کی نشاندہی بھی کی۔
چیئرمین سینیٹ نے فنی و پیشہ ورانہ تربیت میں تعاون بڑھانے کا مطالبہ کرتے ہوئے کہا کہ پاکستانی تربیت یافتہ نوجوان جرمن لیبر مارکیٹ کے لیے مؤثر کردار ادا کر سکتے ہیں۔
چیئرمین سینیٹ نے پاکستان کے لیے جی ایس پی پلس اسٹیٹس کے حصول میں جرمنی کی مستقل حمایت پر شکریہ ادا کیا، انہوں نے تجارتی شعبے میں تعاون کے مزید اضافے مزید اضافے پر زور دیتے ہوئے جرمن کاروباری اداروں کو پاکستان میں سرمایہ کاری کے مواقع سے فائدہ اٹھانے کی دعوت دی۔
آغاقادرداد کھجورمارکیٹ میں زہریلی فاسفورس بھٹیوں کا انکشاف