پریم یونین کا اجتماع عام کے مرکزی کیمپ میں مشاورتی اجلاس
اشاعت کی تاریخ: 1st, December 2025 GMT
data-id="863a0a8" data-element_type="widget" data-widget_type="theme-post-content.default">
جماعت اسلامی کے کل پاکستان اجتماع عام کے موقع پرنائب امیر جماعت اسلامی و ناظم اجتماع عام لیاقت بلوچ کی موجودگی میں پریم یونین کے ملک بھر سے ہر سطح کے ذمہ داران اور کارکنان کا مشاورتی اجلاس صدر پریم یونین شیخ محمد انور کی صدارت میں اجتماع گاہ کے مرکزی کیمپ میں منعقد ہوا۔ اجلاس میں امیر جماعت اسلامی شمالی پنجاب و نائب ناظم اجتماع عام ڈاکٹر طارق سلیم، سیکرٹری جنرل الخدمت و نائب ناظم اجتماع عام سید وقاص انجم جعفری نے بھی شرکت کی، جبکہ چیف آرگنائزر خالد محمود چوہدری، ڈویژنل صدور محمد ارشد یوسف زئی، ڈاکٹر اشتیاق عرفان، محمد انور خان، مرکزی ذمہ داران داؤد الرحمن، خرم منظور، اللہ بخش مری، جنید خرم، چیئرمین لاہور ڈویژن محمد ریاض آسی، بلوچستان، پشاور، راولپنڈی سمیت ملک بھر سے عبداللہ شہوانی، غیاث الدین نور زء (دالبندین)، حاجی فضل الرحمن (چمن)، عبدالشکور عباسی، خضر حیات، ملک
طاہر، نقیب خان، محمد خالد (پشاور) ارشد خان، عاقل خان کاکڑ، فضل خان، خالد گجر، عثمان بلوچ اور دیگر نے شرکت کی۔ اس موقع پر لیاقت بلوچ نے پریم یونین کے صدر شیخ محمد انور کی اجتماع عام کے لیے کوششوں کو سراہتے ہوئے کہاکہ پریم یونین کے ملک بھر کے کارکنان نے شیخ محمدانور کی قیادت میں اجتماع عام کی کامیابی کے لیے دن رات محنت کی ہے اسے ہمیشہ یاد رکھا جائے گا۔ شیخ محمدانور نے پورے پاکستان سے لاہور کے لیے خصوصی ٹرینیں چلوانے اور شیڈول ٹرینوں میں ایڈوانس بکنگ کے ذریعے کراچی، حیدرآباد، سکھر سمیت ملک بھر سے تیس ہزار سے زائد مردوخواتین کو اجتماع عام میں شرکت کے لیے لاہور پہنچانے میں اہم کردار ادا کیا۔ جماعت اسلامی کو پریم یونین اور شیخ محمدانور پر فخر ہے۔ انہوں نے کہا کہ پاکستان کے 25 کروڑ عوام سمیت ملک بھر کے مزدوروں
کے تمام مسائل کاحل ’’بدل دونظام‘‘ تحریک میں موجود ہے۔ شیخ محمدانور نے کہاکہ پریم یونین اجتماعِ عام کی شاندار اور تاریخی کامیابی پر دل کی گہرائیوں سے مبارکباد پیش کرتی ہے۔ یہ کامیابی ایک روشن مستقبل، مضبوط عزم اور اجتماعی جدوجہد کا واضح ثبوت ہے۔ہم امید کرتے ہیں کہ یہ جذبہ اسی طرح سامنے آتا رہے گا اور ہمارے اجتماعی سفر کو کامیابیوں کی نئی منزلوں تک پہنچائے گا۔ اللہ تعالیٰ اس جدوجہد کو قبول فرمائے اور قوم و ملک کے لیے خیر و برکت کا ذریعہ بنائے۔یہ اجتماع اس بات کا اعلان ہے کہ قوم باشعور ہے اور مثبت تبدیلی کے لیے تیار ہے۔ پریم یونین اس جدوجہد میں ہر قدم پر عوام کے ساتھ کھڑی ہے۔ان شاء اللہ یہ سفر آنے والے دنوں میں مزید کامیابیوں کی بنیاد بنے گا۔اس موقع پر شیخ محمد انور نے امیر جماعت اور لیاقت بلوچ کو ’’بدل دو نظام‘‘ تحریک میں پریم یونین کے بھرپور کردار ادا کرنے کا یقین دلایا۔
ذریعہ: Jasarat News
کلیدی لفظ: پریم یونین کے جماعت اسلامی ملک بھر کے لیے
پڑھیں:
ملک کا سب سے بڑا افغان مہاجر کیمپ خالی، گھروں کی مسماری شروع
چاغی (نیوزڈیسک): ملک کا سب سے بڑا افغان مہاجرین کیمپ خالی کر دیا گیا، اور گھروں کی مسماری شروع کر دی گئی۔ذرائع کے مطابق ضلعی انتظامیہ اور دالبندین رائفل کی کارروائیوں میں چاغی بلوچستان میں گردی جنگل مہاجر کیمپ مکمل طور پر خالی کر دیا گیا ہے۔
ضلعی انتظامیہ چاغی اور دالبندین رائفل نے گردی جنگل کیمپ میں تمام مہاجرین کو رجسٹریشن کے بعد افغانستان روانہ کر دیا، مہاجرین کے انخلا کے بعد انتظامیہ نے کیمپ میں خالی گھروں اور دکانوں کو مسمار کرنے کا عمل بھی شروع کر دیا ہے۔
ایک فوٹیج بھی سامنے آئی ہے جس میں دیکھا گیا کہ گردی جنگل کیمپ میں خالی مکانات کی توڑ پھوڑ جاری ہے، کیمپ کے تمام افغان مہاجرین کو باقاعدہ دستاویزی کارروائی کے بعد افغانستان واپس روانہ کیا گیا ہے۔
بلوچستان میں سردی کی شدت میں اضافہ، قلات میں درجہ حرارت منفی 6 ریکارڈ
گردی جنگل کیمپ سب سے بڑا افغان مہاجرین کیمپ تھا جس میں 70 ہزار افغان مہاجرین رہائش پذیر تھے، کیمپ سے تمام 70 ہزار مہاجرین کو واپس بھیجا جا چکا ہے۔
ذرائع کا کہنا ہے کہ انتظامیہ کے مطابق 26 نومبر 2025 سے لجّے افغان مہاجر کیمپ میں بھی کارروائیوں کا آغاز کر دیا گیا ہے، ضلعی انتظامیہ کے مطابق تمام کارروائیاں ریاستی پالیسی کے مطابق کی جا رہی ہیں، لجّے کیمپ خالی ہونے کے بعد وہاں موجود غیر قانونی ڈھانچوں کو بھی ہٹا دیا جائے گا۔
آغاقادرداد کھجورمارکیٹ میں زہریلی فاسفورس بھٹیوں کا انکشاف