سینٹ: انسانی حقوق ترمیمی بل منظور، سوال کی اجازت نہ ملنے پر اپوزیشن کا احتجاج
اشاعت کی تاریخ: 5th, December 2025 GMT
اسلام آباد (خبر نگار) سینٹ اجلاس میں اپوزیشن رکن سینیٹر مشال یوسفزئی کو سوال کرنے کی اجازت نہ ملنے پر اپوزیشن نے ایوان میں احتجاج کیا جس پر ڈپٹی چیئرمین سینٹ نے سینیٹر مشال یوسفزئی کا مائیک بند کرا دیا۔ سینیٹر مشال یوسفزئی نے کورم کی نشاندہی کر دی۔ ڈپٹی چیئرمین نے ایوان میں گنتی کی ہدایت کر دی جس پر سینیٹ اجلاس کا کورم پورا نکلا ڈپٹی چیئرمین نے کہا کہ جس نے اجلاس کورم کی نشاندہی کی اس کا اجلاس میں داخلہ منع ہے۔ سینیٹر مشال یوسفزئی کی جانب سے سینیٹر طلحہ محمود کے بارے ریمارکس دیئے گئے جس میں کہا گیا کہ ان کا تعلق کوہستان سے ہے لیکن ان کے دل میں چترال کا بہت درد ہے سینیٹر مشال یوسفزئی نے کہا کہ یہ اپنے بیٹے کو الیکشن لڑوانا چاہتے ہیں، اس لئے سیاسی سٹنٹ کر رہے ہیں۔ سینیٹر مشال یوسفزئی کے کلمات پر حکومتی سینیٹرز نے احتجاج کیا۔ ڈپٹی چیئرمین نے سینیٹر مشال یوسفزئی کا مائیک بند کروا کے کلمات کارروائی سے حذف کرا دئیے۔ سینٹ کے قواعد و ضوابط اور طریق کار میں ترمیم کی تحریک سینیٹر شہادت اعوان نے پیش کی۔ ڈپٹی چیئرمین سینٹ نے قواعد و ضوابط میں ترمیم کی سفارش قائمہ کمیٹی کو بھیج دی۔ وفاقی وزیر قانون اعظم نذیر تارڑ نے قومی کمشن برائے انسانی حقوق ترمیمی بل2025 ء پیش کیا جو منظورکر لیا گیا۔ سینٹ اجلاس میں ڈپٹی چیئرمین سیدال خان نے کہا کہ سینٹ میں قومی ہیروز اور اداروں کے خلاف ایوان میں بات نہیں ہو گی۔ ڈپٹی چیئرمین سینٹ کے ریمارکس پر ایوان مین شور شرابہ کیا۔ سینیٹر نورالحق قادری نے کہا کہ ڈپٹی چیئرمین سینٹ آپ زبان بندی کرنا چاہتے ہیں۔ ڈپٹی چیئرمین سیدال خان نے کہا کہ اظہار رائے پر پابندی قبول نہیںہے۔ سینیٹر ایمل ولی نے سوال کیا کہ قومی ہیروز کون ہیں، بعد ازاں سینٹ اجلاس جمعہ (آج) دن ساڑھے دس بجے تک کے لیے ملتوی کر دیا گیا۔
.
ذریعہ
ذریعہ: Nawaiwaqt
کلیدی لفظ: سینیٹر مشال یوسفزئی ڈپٹی چیئرمین سینٹ نے کہا کہ
پڑھیں:
25 جولائی کو گریٹر اقبال پارک میں پیپلز پارٹی کے جلسہ ؛ بلاول بھٹو ویڈیو لنک سے خطاب کریں گے ؛فیصل میر
سٹی 42: 25 جولائی کو گریٹر اقبال پارک میں پیپلز پارٹی کے جلسے کی تیاریاں آخری مراحل میں داخل ہوگیا ۔
صدر پیپلز پارٹی لاہور فیصل میر دیگر مقامی قائدین اور کارکنان کے ہمراہ گریٹر اقبال پارک پہنچ گئے ۔ مینار پاکستان، صدر پیپلز پارٹی لاہور فیصل میر نے میڈیا سے گفتگو کرتے ہوئے کہا جلسے کی اجازت دینے پر وزیراعلی مریم نواز کے مشکور ہیں۔پرنسپل سیکرٹری نے ہمیں بتایا کہ اجازت دے دی گئی ہے۔جلسے کی تاحال زبانی اجازت دی گئی ہے تحریری اجازت ابھی نہیں دی گئی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
جلسے کی اجازت دے کر مریم نواز نے جمہوری روایات کو پروان چڑھایا ہے۔آج 23 جولائی کو آئے ہیں ساری رات یہیں ہیں۔جلسے کے دوران صدر آصف علی زرداری کی سالگرہ کا کیک کاٹیں گے۔
25 جولائی کو جلسہ 8 بجے شروع ہو گا۔بلاول بھٹو وڈیو لنک سے خطاب کریں گے۔راجہ پرویز اشرف، حسن مرتضی قمر زمان کائرہ و دیگر قائدین خطاب کریں گے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی