کپِل شرما شو میں جگہ کیوں نہیں ملی؟ راکھی ساونت کا اہم انکشاف
اشاعت کی تاریخ: 28th, November 2025 GMT
بھارتی اداکارہ اور رقاصہ راکھی ساونت نے حال ہی میں کپل شرما کے شو کا حصہ نا بننے پر کھل کر بات کیی کہ وہ کبھی بھی کپل شرما کے شو کا حصہ کیوں نہیں بن سکیں۔
راکھی ساونت کے مطابق کپِل شرما انہیں اس خوف سے اپنے شو میں شامل نہیں کرتے کہ وہ انہیں اوور شائن کر دیں گی۔ انہوں نے کہا کہ ’کپل شرما اسی کو شو میں لاتا ہے جو اس کی چمچہ گیری کرتا ہے بھائی میں تیری چمچہ گیری کر لوں گی‘۔
یہ بھی پڑھیں: ‘ایلون مسک نے 5 لاکھ درہم کا لباس تحفے میں دیا’، دلچسپ دعوؤں سے بھرپور راکھی ساونت کی ویڈیو وائرل
اداکارہ کا کہنا تھا کہ ’میں نے کپل کو کتنی بار بولا کہ مجھے اپنے کامیڈی شو میں بلاؤ کیونکہ دنیا کہتی ہے کہ تم کامیڈی شو میں آؤ تمہاری کامیڈی اچھی ہے لیکن کپل کو مسئلہ ہوتا ہے کہ میں اس کو اوور شائن کر دوں گی، وہ کہتا ہے تمہیں شو میں لوں گا تو تم ہی دکھوگی، ہم نہیں دکھیں گے‘۔
راکھی ساونت نے دورانِ گفتگو اپنے ماضی کی جدوجہد کا ذکر کرتے ہوئے بتایا کہ وہ محض 10 برس کی عمر میں ایک کیٹرر کے ساتھ روزانہ کی اجرت پر کام کرتی تھیں۔ انہوں نے انکشاف کیا کہ 1991 میں انیل امبانی اور اداکارہ ٹینا منیم کی شادی میں انہوں نے 50 روپے یومیہ پر ویٹریس کے طور پر خدمات انجام دی تھیں۔
یہ بھی پڑھیں: ’ڈونلڈ ٹرمپ میرے حقیقی والد ہیں‘، راکھی ساونت کا حیران کن دعویٰ
واضح رہے کہ راکھی ساونت 2014 میں کامیڈی نائٹس وِد کپِل میں بطور مہمان شریک ہو چکی ہیں، جہاں ان کی موجودگی کو ناظرین نے خوب پسند کیا تھا۔ اس کے بعد متعدد سوشل میڈیا صارفین نے مطالبہ کیا تھا کہ انہیں شو میں مستقل جگہ دی جائے۔
راکھی ساونت نے انٹرٹینمنٹ انڈسٹری میں آئٹم گرل کے طور پر آغاز کیا اور چند فلموں میں بھی اداکاری کی۔ فلموں کے علاوہ راکھی ٹیلی ویژن کی دنیا میں بے حد کامیاب رہی ہیں۔ ان کے مشہور شوز میں بگ باس 1، بگ باس 14، ناچ بلیے 3 وغیرہ شامل ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بالی ووڈ دی گریٹ کپل شرما شو راکھی ساونت کپل شرما کپل شرما شو.ذریعہ: WE News
کلیدی لفظ: بالی ووڈ دی گریٹ کپل شرما شو راکھی ساونت کپل شرما کپل شرما شو راکھی ساونت کپل شرما
پڑھیں:
کیا انوشکا شرما کرکٹ کی دنیا میں قدم رکھنے والی ہیں؟
کرکٹ کی معروف ویب سائٹ کی ایک مختصر سی ٹوئٹ نے سوشل میڈیا پر تہلکہ مچادیا۔
گزشتہ روز کرک انفو نے بھارتی ویمنز لیگ کے آکشن کے دوران ایک ذو معنی ٹوئٹ کرکے صارفین کو حیرت میں مبتلا کردیا۔
ٹوئٹ میں صرف اتنا لکھا کہ ’انوشکا شرما کو 45 لاکھ روپے میں جی جی نے خرید لیا‘۔
Anushka Sharma goes to GG for INR 45 Lakh #WPLAuction
— ESPNcricinfo (@ESPNcricinfo) November 27, 2025صارفین میں فوری طور پر تجسس پیدا ہوا اور بہت سے لوگوں نے یہ گمان کیا کہ یہ خبر بالی ووڈ اداکارہ اور سابق بھارتی کپتان ویرات کوہلی کی اہلیہ انوشکا شرما سے متعلق ہے۔
تاہم حقیقت اس کے برعکس تھی، یہ معاملہ دراصل بھارتی لیگ کے لیے ہونے والی حالیہ نیلامی سے متعلق تھا، جو دہلی میں منعقد ہوئی۔
نیلامی کے دوران جس کھلاڑی نے سب کی توجہ حاصل کی، وہ مدھیہ پردیش کی ابھرتی ہوئی کرکٹر انوشکا شرما تھیں، جن کا نام اداکارہ سے مشابہت رکھتا ہے۔
یہ 22 سالہ بیٹر اپنی جارحانہ بیٹنگ اور آف اسپن بولنگ کی وجہ سے مقامی سرکٹ میں پہچانی جاتی ہیں۔
انوشکا شرما کی بنیادی قیمت 10 لاکھ روپے مقرر تھی، جس کے بعد گجرات جائنٹس نے انہیں 45 لاکھ میں حاصل کر لیا۔
ٹرائی نیشن سیریز: سری لنکا کے خلاف میچ سے قبل شاہین آفریدی ا نجری کا شکار