شرمیلا فاروقی کو پارلیمنٹ لاجز کا ماحول جیل جیسا کیوں لگا؟
اشاعت کی تاریخ: 26th, November 2025 GMT
قومی اسمبلی کے ارکان چاروں صوبوں سے منتخب ہو کر آتے ہیں۔ اراکین اور ان کی فیملیز کے لیے پارلیمنٹ ہاؤس کے بالکل سامنے پارلیمنٹ لاجز قائم ہیں جہاں مختلف فلیٹس میں اراکین رہائش پذیر ہیں۔ اس رہائش کا کرایہ بھی اراکین سے وصول کیا جاتا ہے جبکہ رکن کی مدت ختم ہونے کے بعد یہ فلیٹ، جسے لاج کہا جاتا ہے، واپس لے لیا جاتا ہے۔
یہ بھی پڑھیں:گرفتار پی ٹی آئی ارکان قومی اسمبلی کے لیے پارلیمنٹ لاجز کو سب جیل قرار دینے کا فیصلہ
پارلیمنٹ لاجز کی تعمیر چونکہ دہائیوں قبل ہوئی تھی اور بروقت مرمت نہ ہونے کے باعث اکثر و بیشتر اراکین اس کی خراب صورتحال، صفائی ستھرائی کے فقدان اور سیکیورٹی انتظامات پر سوال اٹھاتے رہتے ہیں۔ آج بھی قومی اسمبلی کی قائمہ کمیٹی برائے داخلہ کے اجلاس میں ارکانِ پارلیمنٹ نے اس معاملے پر شدید برہمی کا اظہار کرتے ہوئے پارلیمنٹ لاجز کو ’جیل جیسا ماحول‘ قرار دے دیا۔
پیپلزپارٹی کی رکنِ قومی اسمبلی شرمیلا فاروقی نے سخت الفاظ میں پارلیمنٹ لاجز کی صورتحال بیان کرتے ہوئے کہا کہ پارلیمنٹ لاجز کی حالت ایسی ہے جیسے ہم سرکاری جیل میں آگئے ہوں۔ اس گندگی کے ماحول میں خواتین وہاں نہیں رہ سکتیں۔ وہاں ایسے لوگ رہ رہے ہیں جن کا پارلیمنٹ سے کوئی تعلق نہیں۔
ان کا کہنا تھا کہ میرا پہلا دن تھا اور میں گھبرا گئی۔ میرا خیال ہے کہ وہاں تو مرد بھی محفوظ نہیں۔ چیئرمین سی ڈی اے فون نہیں اٹھاتے، اس لیے یہاں سب کچھ بتا رہی ہوں۔ اگر حالت ایسی رہی تو بہت شور مچاؤں گی۔
یہ بھی پڑھیں:شرمیلا فاروقی کی مکیش امبانی سے ملاقات، سوشل میڈیا پر ملاقات سے متعلق کیا کہا؟
چیئرمین سی ڈی اے نے وضاحت دی کہ پارلیمنٹ لاجز کی مرمت و تزئین و آرائش کے لیے سمری وزارتِ خزانہ کو بھجوائی جاچکی ہے جو التوا کا شکار ہے، جس پر شرمیلافاروقی نے کہا کہ کم ازکم صفائی تو کروا دیں، رینوویشن بعد میں بھی ہوسکتی ہے۔
رکنِ اسمبلی نبیل گبول نے بھی پارلیمنٹ لاجز کے ناقص انتظامات پر سی ڈی اے کو تنقید کا نشانہ بنایا اور کہا کہ چیئرمین سی ڈی اے کو چار بار فون کیا، انہوں نے کال نہیں اٹھائی۔ ہمارے لاجز کی لفٹ 4 دن سے بند ہے، اس کا ذمہ دار کون ہے؟ کمیٹی نے ہدایت جاری کی کہ کنٹریکٹرز حکومتی مقررہ ویجز پر ملازمین کو چیک کے ذریعے تنخواہیں دیں اور کسی بھی صورت کم اجرت پر کام نہ لیا جائے۔
کمیٹی اجلاس میں پولیس کے رویے پر بھی تنقید کی گئی۔ رکنِ کمیٹی آغا رفیع اللّٰہ نے گزشتہ اجلاس کے منٹس کی توثیق سے انکار کرتے ہوئے کہا کہ میں قرآن پاک پر حلف دیتا ہوں کہ یہ سب جھوٹ ہے، میں منٹس کنفرم نہیں کرسکتا۔ کیا نظام اتنا کھوکھلا ہے کہ اگر ایک ایس ایچ او کو کسی کی سپورٹ حاصل ہو تو اسے کوئی نہیں پوچھتا؟ ایس ایچ او کیسے لوگوں کو اٹھاتا ہے، مارتا ہے، ایف آئی آر درج کرتا ہے لیکن کوئی پوچھنے والا نہیں؟
سیکریٹری داخلہ نے معاملے کی انکوائری کے لیے آئی جی اسلام آباد کو طلب کرنے کی تجویز دیتے ہوئے کہا کہ بغیر مؤقف سنے کسی نتیجے پر نہیں پہنچ سکتے، جس پر آغا رفیع اللّٰہ نے شکوہ کیا کہ آئی جی اسلام آباد تو اتنے مضبوط ہیں کہ فون تک نہیں اٹھاتے۔ کمیٹی نے آئندہ اجلاس میں آئی جی سے رپورٹ طلب کرلی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پارلیمنٹ لاجز چیئرمین سی ڈی اے رکنِ اسمبلی نبیل گبول شرمیلا فاروقی.
ذریعہ
ذریعہ: WE News
کلیدی لفظ: پارلیمنٹ لاجز چیئرمین سی ڈی اے رکن اسمبلی نبیل گبول شرمیلا فاروقی پارلیمنٹ لاجز کی چیئرمین سی ڈی اے شرمیلا فاروقی قومی اسمبلی کہا کہ کے لیے
پڑھیں:
ایران عرب ممالک پر نہیں بلکہ شیطانی اور دہشتگردی کے اڈوں پر حملے کر رہا ہے، علامہ رمضان توقیر
ایس یو سی کے مرکزی رہنماء نے رہبر معظم آیت اللہ سید مجتبیٰ خامنہ ای سے تجدیدِ عہد کا اظہار بھی کیا اور اس عزم کا اعادہ کیا گیا کہ حق، عدل، وحدتِ امت اور مظلوموں کی حمایت کے اصولوں پر ثابت قدم رہتے ہوئے اسلامی اقدار کے فروغ کے لیے اپنی ذمہ داریاں ادا کرتے رہیں گے۔ اسلام ٹائمز۔ ڈیرہ اسماعیل خان جامعۃ النجف کوٹلی امام حسین میں گرمیوں کی چھٹیوں سے استفادہ کرتے ملت جعفریہ کے بچوں کے لیے پرنسپل جامعتہ النجف علامہ محمد رمضان توقیر کی نگرانی بیس روزہ دین شناسی شارٹ کورس کا اہتمام کیا گیا۔ جس میں ڈیرہ شہر اور مضافات سے کثیر تعداد میں بچوں نے شرکت کی۔اس دین شناسی شارٹ کورس میں بچوں کو قرآن وحدیث،وضو،صوم ،صلوات اور بنیادی فقہی احکام سے روشناس کرایا گیا۔ جس میں جامعتہ النجف کے دیگر مدرسین محنت و لگن کے ساتھ بچوں کی رہنمائی کرتے رہیں۔ دین شناسی شارٹ کورس کے آخر میں مدرسین نے اپنی محنت اور طلاب کرام کی کارکردگی کو جانچنے کے لیے بچوں سے امتحان لیا۔اساتذہ کی محنت اور بچوں کی محنت قابلِ تعریف تھی۔تقسیم تقریب انعامات کا اہتمام کیا گیا۔
پرنسپل جامعہ علامہ محمد رمضان توقیر نے تقریب سے خطاب کرتے ہوئے اساتذہ کی محنت اور طلاب کرام کی امتحانات میں تسلی بخش نتائج کو سراہتے ہوئے کہا کہ انشاء اللہ اس طرح دین مبین کی خدمت کا سلسلہ جاری رکھیں گے اور ملت کے جوانوں کی دینی تعلیم و تربیت کے لیے ہمہ وقت کوشاں رہیں گے۔ اس موقع پر رہبرِ انقلاب کی دینی و انقلابی خدمات اور ایران کی استقامت اور ثابت قدمی کو خراجِ عقیدت پیش کیا۔ اسی قرآن و سنت کی آگاہی اور خدا تعالیٰ کی وحدانیت کے پختہ عقیدہ کی وجہ سے ایران کی حکومت اور عوام شیطان بزرگ کے خلاف استقامت اور جرات کا مظاہرہ کرتے ہوئے دن بدن حاوی ہوتی جا رہا ہے، جو قابلِ تعریف ہے۔ لیکن کچھ ناقدین آج بھی ایران کی استقامت اور کامیابیوں سے پریشان ہیں اور شیطان بزرگ کی خوشنودی کے لیے ایران پر تنقید کر رہے ہیں کہ ایران عرب ممالک پر حملہ کر رہا ہے۔
علامہ محمد رمضان توقیر نے کہا کہ ایران عرب ممالک پر نہیں بلکہ شیطانی اور دہشتگردی کے اڈوں پر حملے کر رہا ہے۔ اس موقع پر نئے رہبر آیت اللہ سید مجتبیٰ خامنہ ای سے تجدیدِ عہد کا اظہار بھی کیا گیا اور اس عزم کا اعادہ کیا گیا کہ حق، عدل، وحدتِ امت اور مظلوموں کی حمایت کے اصولوں پر ثابت قدم رہتے ہوئے اسلامی اقدار کے فروغ کے لیے اپنی ذمہ داریاں ادا کرتے رہیں گے۔ تقریب تقسیم انعامات میں مدرسین اور معززین علاقہ نے شرکت کی اور امتحان میں نمایاں پوزیشن حاصل کرنے والے طلاب کرام کو انعامات سے نوازا گیا اور انکی حوصلہ افزائی کی گئی۔ امتِ مسلمہ کے اتحاد، ایران کی فتح و نصرت، پاکستان کی سلامتی اور شہدائے اسلام، بالخصوص رہبر شہید کے لئے دعا کی گئی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار