بانی پی ٹی آئی کے ساتھ جیل مینوئل کے مطابق سلوک ہو رہا ہے، ملک احمد خان
اشاعت کی تاریخ: 28th, November 2025 GMT
ملک احمد خان - فائل فوٹو
اسپیکر پنجاب اسمبلی ملک احمد خان نے کہا ہے کہ بانی پی ٹی آئی کے ساتھ جیل میں سلوک جیل مینوئل کے مطابق ہو رہا ہے۔
لاہور میں پریس کانفرنس کرتے ہوئے انہوں نے کہا کہ نواز شریف اور شہباز شریف سے بھی جیل قانون کے تحت ہی سلوک کیا گیا تھا، لیکن جیل کے باہر ہلڑ بازی کرنا قانونی طور پر غلط ہے۔
ملک احمد خان کا کہنا تھا کہ نواز شریف کا بیان سیاق و سباق سے ہٹ کر بیان کیا گیا، انہوں نے یہ نہیں کہا کہ کسی کو الٹا لٹکا دو۔ نواز شریف نے اس بات پر دکھ کا اظہار کیا کہ معاشی طور پر ترقی کرتے پاکستان کو کس طرح روکا گیا؟
ان کا مزید کہنا تھا کہ پنجاب اسمبلی کی کارکردگی بہت بہتر رہی ہے، حلقے اور عوام کے مسائل کو اسمبلی میں حل کرنے کے لیے اقدامات کیے ہیں۔
.
ذریعہ
ذریعہ: Jang News
کلیدی لفظ: ملک احمد خان
پڑھیں:
کے پی اسمبلی میں حکومتی ناراض ارکان کا مذاکرات سے انکار
پشاور:خیبرپختونخوا اسمبلی میں ناراض حکومتی ارکان کے ساتھ مفاہمت نہ ہوسکی ناراض ارکان نے کسی بھی قسم کے مذاکرات سے انکار کرتے ہوئے آئندہ کے لائحہ عمل کے لیے آج اجلاس طلب کرلیا۔
ایکسپریس نیوز کے مطابق خیبرپختونخوا اسمبلی میں حکومتی ارکان کا ناراض گروپ اپنے مطالبات پر ڈٹ گیا، ناراض ارکان سے سابق اسپیکر اسد قیصر اور سابق صوبائی وزیر شوکت یوسفزئی نے بھی رابطہ کیا ہے لیکن ناراض ارکان نے حکومت کے علاقہ کسی سے بھی مذاکرات سے انکار کردیا۔
ناراض ارکان کا کہنا ہے کہ ہمیں وزیراعلی سہیل آفریدی کی جانب سے یقین دہانی چاہیے، ایک ناراض رکن نے بتایا کہ ہمارا کوئی فارورڈ بلاک نہیں اگر فارورڈ بلاک بنتا ہے تو یہ عمران خان کے خلاف ہوگا ہم حکومت کے پالیسیوں سے ناراض ہیں مرکزی قیادت کو بتایا دیا گیا ہے اور انھیں خط بھی لکھا گیا ہے لیکن پارٹی چیئرمین کی جانب سے کوئی جواب نہیں ملا، ناراض ارکان نے آئندہ کے لائحہ عمل کے لیے اجلاس آج دوبارہ طلب کرلیا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ