’ہر بار پہلے سے بڑی اوپننگ ملی‘، کیفے پر فائرنگ کے واقعات پر کپل شرما کا ردِعمل
اشاعت کی تاریخ: 26th, November 2025 GMT
معروف کامیڈین کپل شرما کے کینیڈا میں واقع کیفے Kap’s Cafe پرتین بار فائرنگ کا واقعہ پیش آیا ہے تاہم اس میں کوئی جانی نقصان نہیں ہوا۔
اداکار و کامیڈیئن کپل شرما نے کینیڈا میں اپنے کیفے پر ہونے والی فائرنگ کے واقعات پر بات کرتے ہوئے کہا کہ وہ ان دھمکیوں سے نہیں ڈرتے۔ ان کا کہنا تھا کہ واقعے کے بعد کینیڈا میں حکومتی سطح پر اس معاملے پر توجہ بڑھی ہے۔
VIDEO | Comedian Kapil Sharma recalls shooting incident at his Vancouver cafe.
Sharma's Kap's Cafe, which opened in Surrey, British Columbia, in July, was first targeted by unknown people on July 10, followed by two more attacks on August 7 and October 16. No one was injured in… pic.twitter.com/l7n1lCiU91
— Press Trust of India (@PTI_News) November 26, 2025
کپل شرما سے ان کی نئی آنے والی فلم کس کس کو پیار کروں 2 کے ٹریلر لانچ کے موقع پر جب ان سے فائرنگ کے واقعات پر سوال کیا گیا تو انہوں نے کہا کہ ’میرا خیال ہے کہ وہاں کے قوانین اور پولیس کے پاس شاید اتنی طاقت نہیں کہ وہ ایسے واقعات کو روک سکیں۔ لیکن جب ہمارا کیس ہوا تو وہ فیڈرل حکومت تک گیا اور کینیڈین پارلیمنٹ میں اس پر بحث ہوئی‘۔
انہوں نے مزید کہا کہ ہر فائرنگ کے بعد ہمارے کیفے کو پہلے سے زیادہ بڑی اوپننگ ملی۔ تو سب ٹھیک ہے اگر خدا میرے ساتھ ہے۔
یہ بھی پڑھیں: ’تیار رہیں گولیاں کہیں سے بھی آ سکتی ہیں‘، کپل شرما کے کیفے پر تیسری بار فائرنگ
واضح رہے کہ کپل شرما اپنی آنے والی فلم کس کس کو پیار کروں 2 کے ساتھ بطور ہیرو بڑی اسکرین پر واپسی کر رہے ہیں۔ انوکلپ گوسوامی کی ہدایت کاری میں بننے والی اس فلم کی پروڈکشن رتن جین، گنیش جین اور عباس مستان کے بینر تلے ہوئی ہے۔
فلم کی کاسٹ میں منجوت سنگھ، ہیرا وارینہ، تردھا چوہدری، پارول گلّاتی اور عائشہ خان شامل ہیں۔ فلم 12 دسمبر کو سنیما گھروں میں ریلیز کی جائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بالی ووڈ کپل شرما کس کس سے پیار کروں 2
ذریعہ
ذریعہ: WE News
کلیدی لفظ: بالی ووڈ کپل شرما کس کس سے پیار کروں 2 فائرنگ کے کپل شرما
پڑھیں:
مستونگ میں فائرنگ،سیشن جج گن مین سمیت شہید،2 افراد زخمی
مستونگ میں فائرنگ سے سیشن جج عبدالحکیم کاکڑ اوران کے گن مین شہید جبکہ ایڈیشنل سیشن جج طارق لاشاری سمیت دو افراد شدید زخمی ہوگئے.وزیراعلیٰ بلوچستان اور وزیر داخلہ نے واقعے کی مذمت کرتے ہوئے فوری کارروائی کا حکم دیا۔ضلع مستونگ میں قومی شاہراہ پرنامعلوم مسلح افراد کی فائرنگ کے نتیجے میں سیشن جج عبدالحکیم کاکڑ اور ان کے گن مین شہید ہوگئے، جبکہ ایڈیشنل سیشن جج طارق لاشاری سمیت دو افراد شدید زخمی ہوگئے۔ڈپٹی کمشنر مستونگ بہرام سلیم کے مطابق سیشن جج عبدالحکیم کاکڑ کوئٹہ سے مستونگ جا رہے تھے کہ راستے میں ان کی گاڑی پر نامعلوم مسلح افراد نے فائرنگ کردی۔واقعے کے بعد لاشوں اور زخمیوں کو فوری طور پر اسپتال منتقل کردیا گیا، جبکہ قانون نافذ کرنے والے اداروں نے علاقے کو گھیرے میں لے کر تحقیقات اور حملہ آوروں کی تلاش شروع کردی۔بلوچستان بار کونسل نے حملے کو نظام انصاف پر دہشت گرد حملہ قرار دیتے ہوئے شدید مذمت کی. واقعے کے خلاف صوبہ بھر میں دو روزہ عدالتی ہڑتال اور تین روزہ سوگ کا اعلان کیا، جبکہ ججز، وکلاء اور شہریوں کے تحفظ کے لیے مؤثر اقدامات اور ملوث عناصر کی فوری گرفتاری کا مطالبہ کیا۔
دوسری جانب وزیراعلیٰ بلوچستان میر سرفراز بگٹی اور صوبائی وزیر داخلہ میر ضیاء اللہ لانگو نے بھی واقعے کی شدید مذمت کرتے ہوئے شہداء کے لواحقین سے اظہار تعزیت کیا اور حملہ آوروں کو جلد قانون کے کٹہرے میں لانے کی ہدایت کی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار