فلائی جناح نے کراچی سے جدہ کے لیے روزانہ نان اسٹاپ پرواز کا اعلان کر دیا
اشاعت کی تاریخ: 28th, November 2025 GMT
پاکستانی ایئرلائن ’فلائی جناح‘ نے اعلان کیا ہے کہ وہ 10 دسمبر 2025 سے کراچی اور جدہ کے درمیان روزانہ نان اسٹاپ پروازیں شروع کر رہی ہے۔
ترجمان کے مطابق یہ نئی سروس نہ صرف ایئرلائن کے بڑھتے ہوئے بین الاقوامی نیٹ ورک کو مزید مضبوط بنائے گی بلکہ پاکستان اور سعودی عرب کے درمیان براہِ راست فضائی رابطہ بھی بہتر کرے گی۔
ایئرلائن کا کہنا ہے کہ نئی پرواز دونوں ممالک کے درمیان سفر کرنے والے مسافروں کو زیادہ سہولت اور بہتر شیڈول فراہم کرے گی، جب کہ عمرہ و زیارت کے سفر کرنے والوں کے لیے بھی یہ نیا روٹ انتہائی فائدہ مند ثابت ہو گا۔
یہ بھی پڑھیں:فلائی جناح نے دبئی اور لاہور کے درمیان براہ راست پروازوں کا آغاز کر دیا
ایئرلائن نے مسافروں کو مشورہ دیا ہے کہ وہ اپنی نشستیں پہلے سے بک کروائیں کیونکہ نئی سروس کے باعث بکنگ میں اضافہ متوقع ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جدہ روزانہ پرواز فلائی جناح کراچی.ذریعہ: WE News
کلیدی لفظ: روزانہ پرواز فلائی جناح کراچی فلائی جناح کے درمیان
پڑھیں:
ساؤتھ پنجاب کی ایئرلائن پہلی اڑان کب بھرے گی؟
ساؤتھ ایئر لائن کے نام سے پاکستان میں ایک نئی نجی ایئرلائن کا آغاز جلد ہونے جا رہا ہے، جس کا مقصد ساؤتھ پنجاب کے چھوٹے اور پسماندہ علاقوں کو ملک کے بڑے معاشی مراکز سے جوڑنا ہے۔ یہ نئی ایئر لائن فضائی سفر کو سستا، قابلِ رسائی اور مؤثر بنانے کا ارادہ رکھتی ہے تاکہ پسماندہ علاقوں کے طلباء، کاروباری افراد اور مزدوروں کو آسان سفری سہولت فراہم کی جا سکے۔
یہ بھی پڑھیں:کراچی کے بجائے جدہ لے جانے کا معاملہ: سندھ ہائیکورٹ کا ایئر سیال اور ایف آئی اے کو نوٹس
ساؤتھ ایئر کا باضابطہ افتتاح 25 نومبر 2025 کو ملتان میں چیئرمین سینیٹ سید یوسف رضا گیلانی نے کیا۔ ان کا کہنا تھا کہ ساؤتھ ایئر لائن کا آغاز علاقائی رابطے، شمولیت اور ملک بھر میں خدمات تک رسائی بڑھانے کے لیے ایک تاریخی قدم ہے جو دیرینہ علاقائی خلا کو پُر کرنے میں مدد دے گا۔ ان کے مطابق یہ ایئرلائن چھوٹے اور دور دراز شہروں کے لیے بہتر سفری آپشنز فراہم کرے گی اور ترقی کی نئی راہیں کھولے گی۔
یوسف رضا گیلانی نے کہا کہ ایئر لائن جنوبی پنجاب کو اندرون سندھ، بلوچستان کے کچھ حصوں اور خیبر پختونخوا سے جوڑے گی۔ بہتر رسائی وسائل، تعلیم اور عوامی خدمات کے فروغ میں اہم کردار ادا کرے گی جو قومی یکجہتی میں بھی حصہ ڈالے گی۔
انہوں نے ایئرلائن انتظامیہ کو ہدایت کی کہ کرایے مناسب رکھے جائیں تاکہ تمام طبقات کے شہری اس سے فائدہ اٹھا سکیں۔ ان کا کہنا تھا کہ ساؤتھ ایئر کے کم کرایے قانون سازوں کے لیے بھی ریلیف فراہم کریں گے جنہیں مہنگے سفری اخراجات کا سامنا ہوتا ہے۔
یہ بھی پڑھیں:پی آئی اے کا طیارہ ایک ہفتے میں دوسری بار گراؤنڈ کردیا گیا
سول ایوی ایشن کے ذرائع کے مطابق ایئر ساؤتھ کو لائسنس جاری ہو چکا ہے اور یہ 15 دسمبر سے اپنا فلائٹ آپریشن شروع کر رہی ہے۔ ابتدائی مرحلے میں ایئرلائن محدود روٹس پر کام کرے گی اور ساؤتھ پنجاب کو سندھ، خیبر پختونخوا اور بلوچستان سے جوڑے گی۔
مستقبل میں ایئرلائن کا ہدف پاکستان کے شمالی علاقوں، جیسے گلگت، چترال اور اسکردو کے لیے پروازوں کا آغاز بھی ہے۔ آغاز میں ملتان سے کراچی کے لیے سروس شروع کی جائے گی۔
ذرائع کے مطابق ایس او ایس (سیکیورٹی آرگنائزنگ سسٹم) گروپ اس منصوبے میں سرمایہ کاری کر رہا ہے۔ ایس او ایس کمپنی 1994 میں ملتان میں قائم ہوئی تھی اور سیکیورٹی، کیش اِن ٹرانزٹ، کیش مینجمنٹ، اے ٹی ایم ریپلینشمنٹ، فارن کرنسی اور قیمتی اشیا کی درآمد و برآمد جیسے شعبوں میں خدمات فراہم کرتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ساؤتھ ایئر ساؤتھ پنجاب یوسف رضا گیلانی
آئی ایم ایف کی رپورٹ نے حکومت کے کرتوت واضح کر دیے؛پی ٹی آئی