اسلام آباد ایئرپورٹ پر ٹریفک کنٹرولر کی بروقت مداخلت، غیر ملکی طیارہ حادثے سے بچ گیا
اشاعت کی تاریخ: 25th, November 2025 GMT
اسلام آباد انٹرنیشنل ایئرپورٹ پر غیر ملکی ایئر لائن کے ایک مسافر طیارے کو اس وقت خوفناک حادثے سے بچا لیا گیا جب لینڈنگ کے دوران جہاز غلط اور بند رن وے کی طرف بڑھ رہا تھا۔
یہ بھی پڑھیں: اسلام آباد پرواز کے لیے تیار جہاز سے گاڑی ٹکرا گئی، طیارے کو جزوی نقصان
میڈیا رپورٹس کے مطابق ایئر ٹریفک کنٹرولر کی بروقت مداخلت نے ایک بڑے سانحے کا راستہ روک دیا۔
غلط رن وے پر اپروچمذکورہ ایئرلائن کی پرواز نے لینڈنگ کے لیے رن وے 28 رائٹ کی بجائے غلطی سے 28 لیفٹ کی اپروچ بنائی جو کہ مرمت کے لیے مکمل طور پر بند تھا۔
کنٹرول ٹاور پر موجود ایئر ٹریفک کنٹرولر نے فوراً پائلٹ کو غلط سمت کی نشاندہی کی۔
پائلٹ کا اصرار اور آخری لمحے کی کارروائیذرائع کے مطابق پائلٹ مسلسل یہ دعویٰ کرتا رہا کہ وہ درست رن وے کی طرف بڑھ رہا ہے۔
مزید پڑھیے:ملائیشیا میں روکا گیا پی آئی اے کا طیارہ وطن واپس روانہ
تاہم ایئر ٹریفک کنٹرولر نے عین وقت پر پائلٹ کو لینڈنگ روک کر گو اراؤنڈ (دوبارہ چکر لگانا) کرنے کی ہدایت دی جس کے باعث طیارہ لینڈنگ روک کر دوبارہ فضا میں اٹھ گیا۔
رن وے پر گاڑیوں اور عملے کی موجودگیاس وقت رن وے 28 لیفٹ پر مرمتی کام جاری تھا اور وہاں متعدد گاڑیاں اور عملہ موجود تھا۔
اگر بوئنگ 777 طیارہ اس بند رن وے پر اتر جاتا تو شدید نوعیت کا حادثہ پیش آ سکتا تھا جس میں زمینی عملہ اور طیارے کے سیکڑوں مسافر خطرے میں پڑ جاتے
دوسری کوشش میں محفوظ لینڈنگایئر ٹریفک کنٹرولر کی ہدایات پر عمل کرتے ہوئے طیارے نے فضا میں چکر لگایا اور دوسری کوشش میں رن وے 28 رائٹ پر کامیابی سے اور محفوظ انداز میں لینڈ کر لیا۔
نوٹم جاری تھا، رن وے بند ہونے سے پائلٹ کو آگاہی موجودایوی ایشن حکام کا کہنا ہے کہ رن وے 28 لیفٹ کی بندش کے حوالے سے نوٹم پہلے ہی جاری کیا جا چکا تھا اور پائلٹ کو اس کی معلومات موجود ہونا لازمی تھیں اس لیے معاملے کی مزید انکوائری کی جا رہی ہے۔
مزید پڑھیں:
ائیرپورٹس اتھارٹی نے واقعے کا نوٹس لے لیاترجمان پاکستان ایئرپورٹس اتھارٹی کے مطابق واقعے کا باقاعدہ نوٹس لیتے ہوئے ذمہ داری طے کرنے کے لیے تحقیقاتی کارروائی شروع کر دی گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام آباد ایئرپورٹ پاکستان سول ایوی ایشن اتھارٹی طیارہ حادثے سے بچ گیا غلط رن وے غیر ملکی طیارہ.ذریعہ: WE News
کلیدی لفظ: اسلام ا باد ایئرپورٹ پاکستان سول ایوی ایشن اتھارٹی طیارہ حادثے سے بچ گیا غلط رن وے غیر ملکی طیارہ ایئر ٹریفک کنٹرولر پائلٹ کو رن وے 28 کے لیے
پڑھیں:
60 سالہ پائلٹ کی ایئر ہوسٹس سے مبینہ جنسی زیادتی کا واقعہ، مقدمہ درج
بھارت کی ایک نجی ایوی ایشن کمپنی کے 60 سالہ پائلٹ پر گزشتہ ہفتے فائیو اسٹار ہوٹل میں جہاز کے عملے کی 26 سالہ ممبر سے مبینہ زیادتی کے الزام میں مقدمہ درج کر لیا گیا ہے۔
پولیس کے مطابق واقعہ 18 نومبر کو پیش آیا، ملزم روہت ساران اپنے ساتھی پائلٹ اور متاثرہ خاتون کے ساتھ حیدرآباد سے چارٹرڈ فلائٹ کے ذریعے بنگلورو پہنچا تھا اور ان کا ہوٹل میں قیام تھا۔
یہ بھی پڑھیے: آر ایس ایف نے 300 خواتین کو ہلاک، متعدد کیساتھ جنسی زیادتی کی، سوڈانی وزیر کا دعویٰ
متاثرہ خاتون نے الزام لگایا کہ پائلٹ انہیں سگریٹ پینے کے بہانے اپنے کمرے کے قریب لایا اور زبردستی اندر لے جا کر اس کے ساتھ زیادتی کی۔
متاثرہ خاتون نے ایوی ایشن کمپنی کے انتظامیہ کو واقعے سے آگاہ کیا اور پولیس اسٹیشن میں زیرو ایف آئی آر درج کرائی۔
پولیس کے مطابق متاثرہ کی شکایت پر بھارتیہ نیایا سنگھیتا کی دفعہ 63 (ریپ) کے تحت مقدمہ درج کیا گیا ہے اور کیس کو مزید تحقیقات کے لیے بنگلورو سٹی کے ہلسورو پولیس اسٹیشن منتقل کر دیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
کراچی: بدر کمرشل فیز 5 میں خاتون کی موت کیسے ہوئی؟ گُتھی نہ سلجھی