جناح انٹرنیشنل ایئرپورٹ کراچی میں نئے ٹاور اور فائر اسٹیشن کے تعمیراتی منصوبے کا آغاز
اشاعت کی تاریخ: 28th, November 2025 GMT
پاکستان ایئرپورٹس اتھارٹی (PAA) نے جناح انٹرنیشنل ایئرپورٹ کراچی میں جدید ایئر ٹریفک کنٹرول (ATC) ٹاور اور ریسکیو اینڈ فائر فائٹنگ اسٹیشن (RFFS) کی تعمیر کے بڑے منصوبے کا باضابطہ آغاز کر دیا ہے۔
اس منصوبے کا مقصد ایئرپورٹ کی فضائی ٹریفک مینجمنٹ، آپریشنل سیفٹی اور مجموعی کارکردگی کو بین الاقوامی معیار کے مطابق بہتر بنانا ہے۔ منصوبے کا ڈیزائن مرحلہ 6 ماہ میں مکمل کیا جائے گا، جس کے بعد 24 ماہ پر مشتمل تعمیراتی کام شروع ہوگا۔
مزید پڑھیں: مسافروں کی کلیئرنس اب چند منٹوں میں مکمل، لاہور ایئرپورٹ پر جدید ’سیلف بورڈنگ مشینیں‘ لگ گئیں
جدید انفراسٹرکچر کی تعمیر ایم ایم پاکستان اور اسپین کی معروف کمپنی ’کیموسیا اینڈ فیر بینکس آرکیٹیکٹس‘ کے اشتراک سے کی جا رہی ہے۔ 3 مجوزہ مقامات کے مفصل تجزیے کے بعد ATC ٹاور اور فائر اسٹیشن کے لیے بہترین مقامات منتخب کر لیے گئے ہیں، جو موجودہ آپریشنل ضروریات، سیفٹی اسٹینڈرڈز اور مستقبل کی ایوی ایشن ضروریات سے ہم آہنگ ہیں۔
پاکستان ایئرپورٹس اتھارٹی کا یہ اقدام ملک کے فضائی انفراسٹرکچر کو جدید خطوط پر استوار کرنے اور بین الاقوامی سطح پر ہم آہنگ ایوی ایشن سہولتوں کی فراہمی کے وسیع ویژن کا حصہ ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایئر ٹریفک کنٹرول پاکستان ایئرپورٹس اتھارٹی جناح انٹرنیشنل ایئرپورٹ کراچی.
ذریعہ
ذریعہ: WE News
کلیدی لفظ: ایئر ٹریفک کنٹرول پاکستان ایئرپورٹس اتھارٹی جناح انٹرنیشنل ایئرپورٹ کراچی منصوبے کا
پڑھیں:
کراچی، شہر کے مختلف علاقوں میں پولیس مقابلے، 5 ڈاکو زخمی حالت میں گرفتار
کراچی:شہر قائد کے مختلف علاقوں میں پولیس نے مبینہ مقابلوں کے دوران چار ملزمان کو زخمی حالت میں گرفتار کر لیا جبکہ ایک فرار ہونے والے مبینہ ڈاکو کو شہریوں نے پکڑ کر تشدد کے بعد پولیس کے حوالے کر دیا۔
پولیس اور چھیپا حکام کے مطابق اورنگی ٹاؤن تھانے کی حدود میں سیکٹر 8، اللہ والا کالج کے قریب مبینہ پولیس مقابلے میں ایک مبینہ ڈاکو زخمی حالت میں گرفتار کیا گیا۔
زخمی ملزم کو عباسی شہید اسپتال منتقل کیا گیا جہاں اس کی شناخت سبیل کے نام سے ہوئی۔ ملزم کے قبضے سے اسلحہ اور دیگر سامان بھی برآمد کیا گیا۔
ادھر بوٹ بیسن تھانے کی حدود میں کلفٹن، عبداللہ شاہ غازی مزار پل کے قریب مبینہ مقابلے کے دوران ایک مبینہ ڈاکو پولیس کی فائرنگ سے زخمی ہو گیا، جس کی شناخت مانی کے نام سے ہوئی۔
اسے جناح اسپتال منتقل کر دیا گیا۔ اس دوران فرار ہونے کی کوشش کرنے والے دوسرے مبینہ ملزم کو شہریوں نے پکڑ کر تشدد کا نشانہ بنایا بعد ازاں اسے پولیس کے حوالے کر دیا گیا۔ زخمی ملزم کی شناخت سکندر کے نام سے کی گئی۔
دوسری جانب شرافی گوٹھ پولیس نے کورنگی سنگر چورنگی کے قریب راڈو بیکری کے علاقے میں مبینہ مقابلے کے بعد ایک مبینہ ڈاکو اویس کو زخمی حالت میں گرفتار کیا۔ ملزم کو جناح اسپتال منتقل کیا گیا جبکہ اس کے قبضے سے اسلحہ اور دیگر سامان بھی برآمد ہوا۔
اسی طرح قائدآباد تھانے کی حدود میں لانڈھی شیر پاؤ کالونی، مولیٰ مدد قبرستان کے قریب مبینہ پولیس مقابلے میں ایک اور مبینہ ڈاکو زخمی حالت میں گرفتار کیا گیا۔
چھیپا حکام کے مطابق زخمی ملزم کو جناح اسپتال منتقل کیا گیا جہاں اس کی شناخت وارث خان کے نام سے ہوئی۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی