حکومت قومی اسمبلی اجلاس میں کورم پورا کرنے میں ناکام
اشاعت کی تاریخ: 28th, November 2025 GMT
---فائل فوٹو
صدرِ مملکت آصف علی زرداری کی جانب سے آج طلب کیا گیا قومی اسمبلی کا اہم اجلاس کورم پورا نہ ہونے کے سبب ملتوی کرنا پڑ گیا۔
اسپیکر سردار ایاز صادق کی زیر ِصدارت قومی اسمبلی کا اجلاس شروع ہوتے ہی اپوزیشن رکن اور پی ٹی آئی کے رہنما محبوب جان نے کورم کی نشاندہی کی۔
اسپیکر ایاز صادق کے گنتی کے حکم پر اراکین کی گنتی کی گئی پر کورم پورا نہ نکلا۔
اسپیکر نے کورم پورا ہونے تک قومی اسمبلی کا اجلاس ملتوی کر دیا۔
حکومتی اور اتحادی جماعتوں کے ارکان کی تعداد قومی اسمبلی میں 240 ہے جبکہ قومی اسمبلی کے اجلاس کے کورم کے لیے 84 ارکان کی ایوان میں موجودگی ضروری ہے۔
یاد رہے کہ 22 نومبر کو حکومت نے اہم قانون سازی کے لیے قومی اسمبلی اور سینیٹ کے اجلاس ایک روز میں طلب کیے تھے۔
واضح رہے کہ حکومت نے حال ہی میں آئین میں 27ویں ترمیم قومی اسمبلی و سینیٹ سے منظور کروائی ہے جس میں وفاقی آئینی عدالت کے قیام سمیت دیگر اہم امور شامل تھے۔
.ذریعہ: Jang News
کلیدی لفظ: قومی اسمبلی کورم پورا
پڑھیں:
پی ٹی آئی کے کمیٹیوں سے استعفے، پنجاب کا احتسابی نظام متاثر
پاکستان تحریک انصاف کی جانب سے پارلیمانی کمیٹیوں سے مستعفی ہونے کی حکمت عملی عوامی مسائل کا سبب بنتی جارہی ہے جس کے باعث پنجاب اسمبلی میں متعدد ماہ سے پبلک اکاؤنٹس کمیٹی ون (پی اے سی 1) کا کوئی اجلاس منعقد نہیں ہو سکا۔
یہ بھی پڑھیں: پی ٹی آئی قیادت کے موجود ہونے کے باوجود ن لیگ ضمنی انتخابات جیت جاتی، رانا ثنااللہ
ذرائع کے مطابق پی اے سی 1 کے اجلاس سابق اپوزیشن لیڈر احمد خان بھچر کی نااہلی کے بعد سے رکے ہوئے ہیں جبکہ طویل عرصے تک نئے اپوزیشن لیڈر کا تقرر بھی نہ ہو سکا۔
بعد ازاں نئے اپوزیشن لیڈر معین ریاض قریشی نے عہدہ سنبھالنے کے باوجود پی اے سی 1 کا ایک بھی اجلاس بلائے بغیر چیئرمین شپ سے استعفیٰ دے دیا۔
معین قریشی کا استعفیٰ اس وقت اسپیکر پنجاب اسمبلی کی منظوری کا منتظر ہے۔
مزید پڑھیے: پی ٹی آئی والے منشیات کے دھندے میں ملوث ہیں، اختیار ولی کا دعویٰ
اسمبلی ذرائع کا کہنا ہے کہ اسپیکر ملک محمد احمد خان نے اپوزیشن کو اپنے استعفوں پر نظرِ ثانی کا موقع دے رکھا ہے تاہم اپوزیشن تاحال اسپیکر کو اپنے حتمی فیصلے سے آگاہ نہیں کر سکی۔
مزید پڑھیں: ٹرولنگ کی کبھی حمایت نہیں کی، بیرسٹر گوہر پی ٹی آئی ٹرولز کے خلاف بول پڑے
سیاسی حکمت عملی اور مسلسل تعطل کے باعث صوبے میں احتسابی عمل مہینوں سے رکا ہوا ہے جبکہ روایت کے مطابق پی اے سی 1 کی چیئرمین شپ ہمیشہ اپوزیشن کے پاس ہی رہتی آئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پنجاب احتسابی نظام پی ٹی آئی پی ٹی آئی کے کمیٹیوں سے استعفے
دہلی دھماکہ کو لیکر مجرموں کو سزا اور کشمیریوں کا تحفظ ضروری ہے، الطاف بخاری