فیض حمید 9 مئی کی منصوبہ بندی سے متعلق شواہد دیں گے، فیصل واوڈاکاانکشاف
اشاعت کی تاریخ: 12th, December 2025 GMT
سٹی42: باخبرسیاستدان سینیٹر فیصل واوڈا نے انکشاف کیا ہے کہ سیاسی سرگرمیوں مین ملوث ہونے اور دوسرے جرائم مین سزا پانے والے آئی ایس آئی کے سابق ڈی جی فیض حمید 9 مئی کو ریاست کے اداروں اور قومی علامتوں پر منظم حملوں کی منصوبہ بندی سے متعلق شواہد دیں گے۔
ایک نیوز چینل کے پروگرام میں گفتگو کرتے ہوئے فیصل واوڈا نے کہا کہ فیض حمید کو ابھی ایک کیس میں سزا ہوئی ہے اور پوری پی ٹی آئی کمپرومائزڈ ہے۔
کشمیر میں بارش نہ ہونے کے سبب خشک سالی, خطرے کی گھنٹی بجا دی گئی
فیصل واوڈا نے کہا کہ تفتیش کا دائرہ کار بہت وسیع کیا جا رہا ہے، جج، بیوروکریٹس اور وی لاگرز جو بھی ملوث تھے سب کا ٹرائل ہوگا، شواہد اور گواہی کا سلسلہ ابھی جاری ہے۔
انہوں نے دعویٰ کیا کہ فیض حمید گواہی دینے جا رہے ہیں کہ عمران خان بطور وزیر اعظم کیا ہدایات دیتے تھے، وہ 9 مئی کی منصوبہ بندی سے متعلق بھی شواہد دیں گے، جس نے جو جرم کیا ہے اس کی سزا ملے گی۔
ان کا مزید کہنا تھا کہ پی ٹی آئی کہہ رہی ہے مائنس ہو چکا ہے اور لاتعلقی بھی کر رہے ہیں۔
انگاروں پر چلنے والے آٹھ انسانوں کے ساتھ "سوشل میڈیا انصاف" کے بعد کیا ہوا؟
فیصل واوڈا نے یہ بھی انکشاف کیا کہ ایک شخص کی سینیٹرشپ جانے والی ہے، شیخ وقاص اکرم بھی طرم خان بنے ہوئے ہیں۔
خیبر پختونخوا میں گورنر راج کے بارے میں ان کا کہنا تھا کہ گورنر راج اور پابندی تاخیر ہو سکتی ہے کیونکہ پارٹی لیٹ گئی ہے، آج یہ کہہ رہے ہیں بات چیت کیلیے تیار ہیں گورنر راج ختم نہیں لیکن تاخیر ہو سکتی ہے، پی ٹی آئی لیٹ گئی عمران خان کو مائنس کر دیا ہے۔
Waseem Azmet.ذریعہ: City 42
کلیدی لفظ: فیصل واوڈا نے فیض حمید
پڑھیں:
جنرل فیض حمید کو سزا، ’ 9 مئی کے کیسز ابھی باقی ہیں‘، فیصل واوڈا
سینیٹر فیصل واوڈا نے سابق ڈی جی آئی ایس آئی لیفٹیننٹ جنرل (ر) فیض حمید کو سنائی جانے والی 14 سال قید بامشقت کی سزا پر ردعمل دیتے ہوئے کہا ہے کہ 9 مئی کے مقدمات ابھی باقی ہیں اور جس سیاسی جماعت نے وہ سب کیا، اس کا انجام واضح نظر آ رہا ہے۔
نجی ٹیلیویژن پر گفتگو کرتے ہوئے فیصل واوڈا نے کہا کہ ان کی بات درست ثابت ہوئی ہے کہ فیض حمید کو پھانسی کی سزا نہیں بلکہ 14 سال قید بامشقت سنائی گئی ہے۔
یہ بھی پڑھیں:آفیشل سیکرٹ ایکٹ کی خلاف ورزی ثابت،جنرل فیض حمید کو 14 سال قید بامشقت کی سزا سنا دی گئی، آئی ایس پی آر
انہوں نے کہا کہ 9 مئی کے کیسز کے فیصلے ابھی آنے ہیں، جن واقعات میں تباہی مچائی گئی، ریاست، سیاست، عدلیہ اور جمہوریت کو نقصان پہنچایا گیا، میڈیا پر قبضے کی کوشش کی گئی۔ ان کے مطابق اس فیصلے سے واضح ہو گیا ہے کہ پاکستان سے بڑا کوئی نہیں، اور سزا و جزا کی بنیاد رکھ دی گئی ہے۔
فیصل واوڈا کا کہنا تھا کہ 9 مئی کا ٹرائل ابھی جاری ہے جس کی سزا کم از کم 14 سال ہے۔ جو سیاسی جماعت ان کیسز میں ملوث تھی، جو ڈرامے بازی پی ٹی آئی اور اس کے بانی نے کی، جس بربریت سے لوگوں کو مروایا گیا، اداروں، شہیدوں اور یادگاروں کو نقصان پہنچایا گیا، وہ اس وقت لوگوں کو یہی سمجھا رہے تھے کہ اس راستے کی کوئی واپسی نہیں۔
انہوں نے مزید کہا کہ ان کے اپنے آدمی کا ٹرائل بھی نہیں روکا گیا، جو کہ ملکی تاریخ میں پہلے کبھی نہیں ہوا۔ مسئلہ سزا اور جزا ہی کا تھا اور فیلڈ مارشل عاصم منیر نے اس کی بنیاد اپنے ادارے کے اندر سے رکھی ہے۔
واضح رہے کہ سابق ڈی جی آئی ایس آئی لیفٹیننٹ جنرل (ر) فیض حمید کو 14 سال قید بامشقت کی سزا سنائی گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
9 مئی عاصم منیر فیصل واوڈا فیض حمید فیلڈ مارشل
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر