پیاس نہ لگنا تشویش ناک ہے
اشاعت کی تاریخ: 14th, December 2025 GMT
data-id="863a0a8" data-element_type="widget" data-widget_type="theme-post-content.default">
عمومی طور پہ پیاس سردیوں میں کم ہوجاتی ہے یہ بات کہی جاتی ہے کہ جسم کو پانی کی ضرورت نہیں رہی اس لئے پیاس محسوس نہیں ہوئی۔حالانکہ یہ جسم کا خاموش اشارہ ہوتا ہے کہ وہ آہستہ آہستہ ڈی ہائیڈریشن یعنی پانی کی کمی کا شکار ہورہا ہے وہی ڈی ہائیڈریشن جو تھکن، سر درد، سستی، خشک جلد اور کمزوری کی بڑی وجہ بنتی ہے۔سرد موسم میں ٹھنڈی ہوا کے باعث سانس کی نمی تیزی سے خارج ہوتی ہے، ہونٹ پھٹتے ہیں، جلد خشک ہوتی ہے، اور جسم کے خلیے پانی مانگتے ہیں مگر ہم محسوس نہیں کرتے۔ یہی وہ وقت ہے جب جسم اندرونی طور پر ایک نرمی، ایک نمی اور ایک ہلکی سی توجہ چاہتا ہے۔ماہرین کے مطابق سردیوں میں نیم گرم پانی، سوپ، یخنی، ہرڑب بوٹیاں، تازہ پھل، سبزیاں، اور ہربل چائے پانی کی کمی کو پورا کرنے میں حیرت انگیز کردار ادا کرتی ہیں۔ یہ ناصرف جسم کو گرم رکھتی ہیں بلکہ اندرونی خشکی کو کم کرکے مدافعتی نظام مضبوط کرتی ہیں، جس سے بیمار پڑنے کے امکانات کم ہوجاتے ہیں۔ایسے افراد جو تھکن، بلڈ پریشر، گردوں کے مسائل یا خشک جلد کا شکار ہیں ان کے لیے سردیوں میں پانی کی مناسب مقدار ایک ڈھال کا کام کرتی ہے۔ وقتا فوقتا نیم گرم پانی پینا بھی جسم میں جان ڈال دیتا ہے اور خلیوں کو تازگی ملتی ہے۔استعمال کا بہترین طریقہ نہایت آسان ہےصبح اٹھتے ہی آدھا گلاس نیم گرم پانی دن بھر ہر ایک گھنٹے بعد چند گھونٹ پانی کھانے کے ساتھ یخنی یا سوپ کا اضافہ اور رات سونے سے پہلے ایک کپ ہربل چائے وغیرہ ۔یہ چند چھوٹی چھوٹی عادتیں جسم میں نمی واپس لاتی ہیں، جلد کو چمک دیتی ہیں اور سردیوں کی سستی کو حیرت انگیز طور پر کم کردیتی ہیں۔اپنی سردیوں کا آغاز مناسب پانی کے استعمال سے کریں کیونکہ کبھی کبھی جسم کو صرف تھوڑی مقدار میں نمی، گرمی، اور توجہ ہی جوانی جیسی تازگی واپس دلانے کے لیے کافی ہوتی ہے۔
ذریعہ
ذریعہ: Jasarat News
کلیدی لفظ: پانی کی
پڑھیں:
چینی چڑیا گھر میں جانور گرمی کی شدید لہر سے کیسے محفوظ رہتے ہیں؟
چین کے جنوب مغربی شہر چونگ چنگ میں شدید گرمی کے پیش نظر چونگ چنگ چڑیا گھر نے جانوروں کو محفوظ اور آرام دہ رکھنے کے لیے خصوصی انتظامات کیے ہیں۔ پانڈا، ہاتھی، دریائی گھوڑوں اور دیگر جانوروں کو ٹھنڈے پانی، پھلوں اور جدید کولنگ سسٹمز کے ذریعے گرمی سے بچانے کی کوششیں جاری ہیں۔
سرکاری خبر رساں ادارے شِنہوا کے مطابق چونگ چنگ چڑیا گھر میں دیوقامت پانڈا، ہاتھی، دریائی گھوڑے اور دیگر جانوروں کو شدید گرمی سے بچانے کے لیے ٹھنڈے پانی کے تالاب، مصنوعی بارش (مسٹنگ سسٹم)، سایہ دار مقامات اور خصوصی خوراک کا انتظام کیا گیا ہے۔
چڑیا گھر میں موجود دیوقامت پانڈا دن کے گرم اوقات میں پانی کے تالابوں میں وقت گزار رہے ہیں، جبکہ ان کے باڑوں میں مسلسل پانی کی باریک پھوار چلائی جا رہی ہے تاکہ درجہ حرارت کم رکھا جا سکے۔
اسی طرح دریائی گھوڑوں اور ہاتھیوں کو جسمانی درجہ حرارت متوازن رکھنے کے لیے تربوز اور دیگر پانی سے بھرپور پھل کھلائے جا رہے ہیں، جبکہ ان کے لیے نہانے اور پانی میں رہنے کے اضافی انتظامات بھی کیے گئے ہیں۔
ماہرین کے مطابق پانڈا نسبتاً ٹھنڈے موسم کے جانور ہیں اور شدید گرمی ان کی صحت، خوراک اور روزمرہ سرگرمیوں پر منفی اثر ڈال سکتی ہے۔ اسی وجہ سے چین کے مختلف چڑیا گھروں میں موسمِ گرما کے دوران کولنگ سسٹمز، برف کے بلاکس، ایئر کنڈیشنڈ انڈور حصوں اور پانی سے بھرپور غذا کا استعمال معمول کا حصہ بن چکا ہے۔
چونگ چنگ چین کے گرم ترین شہروں میں شمار ہوتا ہے، جہاں موسمِ گرما میں درجہ حرارت اکثر 40 ڈگری سینٹی گریڈ کے قریب یا اس سے بھی زیادہ پہنچ جاتا ہے۔ حالیہ برسوں میں شدید گرمی کی لہروں کے باعث مقامی انتظامیہ نے نہ صرف شہریوں بلکہ جنگلی اور قید جانوروں کے تحفظ کے لیے بھی خصوصی منصوبے نافذ کیے ہیں۔
چڑیا گھر کی انتظامیہ کا کہنا ہے کہ موسمِ گرما کے دوران جانوروں کی صحت کی مسلسل نگرانی کی جا رہی ہے اور ضرورت کے مطابق ان کے ماحول، خوراک اور طبی نگہداشت میں تبدیلیاں کی جاتی ہیں تاکہ شدید گرمی کے باوجود انہیں کسی قسم کی تکلیف یا صحت کے خطرات کا سامنا نہ کرنا پڑے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارت سے جنگ اور افغانستان میں کارروائی خارج ازامکان نہیں، وزیردفاع