سوڈان میں ڈرون حملہ، یو این امن مشن کے 6 بنگلادیشی ارکان جاں بحق
اشاعت کی تاریخ: 14th, December 2025 GMT
data-id="863a0a8" data-element_type="widget" data-widget_type="theme-post-content.default">
سوڈان میں ڈرون حملے کے نتیجے میں بنگلادیش سے تعلق رکھنے والے اقوام متحدہ کے امن مشن کے چھ اہلکار جاں بحق ہو گئے۔
اقوام متحدہ کے مشن کے مطابق ہفتے کے روز سوڈان کے خطے کوردوفان میں ہونے والے ایک ڈرون حملے میں بنگلادیشی یو این امن دستے کے چھ ارکان جان کی بازی ہار گئے۔
حملے میں کوردوفان ریجن میں قائم اقوام متحدہ کے مشن کے کیمپ کو نشانہ بنایا گیا، جس کے نتیجے میں مزید چھ اہلکار زخمی ہوئے، جن میں سے چار کی حالت تشویشناک بتائی جاتی ہے۔ تمام زخمیوں کا تعلق بھی بنگلادیش سے ہے۔
بنگلا دیش کے عبوری سربراہ محمد یونس نے واقعے کی شدید مذمت کرتے ہوئے اقوام متحدہ سے مطالبہ کیا ہے کہ زخمی بنگلادیشی اہلکاروں کو فوری اور ہر ممکن امداد فراہم کی جائے۔
دوسری جانب اقوام متحدہ کے سیکرٹری جنرل انتونیو گوتریس نے امن مشن کے اہلکاروں پر حملے کی سخت مذمت کرتے ہوئے کہا کہ ایسے حملے ناقابلِ جواز ہیں اور انہیں جنگی جرائم کے زمرے میں شمار کیا جا سکتا ہے۔
سوڈانی فوج نے اس حملے کا الزام باغی گروہ ریپڈ سپورٹ فورس (آر ایس ایف) پر عائد کیا ہے، جبکہ آر ایس ایف کی جانب سے تاحال اس واقعے پر کوئی فوری ردعمل سامنے نہیں آیا۔
واضح رہے کہ سوڈانی فوج اور آر ایس ایف کے درمیان گزشتہ دو برس سے زائد عرصے سے خانہ جنگی جاری ہے، جس میں اب تک ہزاروں افراد ہلاک ہو چکے ہیں۔
ذریعہ: Jasarat News
کلیدی لفظ: اقوام متحدہ کے مشن کے
پڑھیں:
نیروبی: وفاقی وزیر برائے موسمیاتی تبدیلی مصدق ملک اقوام متحدہ کی ماحولیاتی اسمبلی میں اظہار خیال کررہے ہیں
data-id="863a0a8" data-element_type="widget" data-widget_type="theme-post-content.default">
251214-8-11