ڈالرز ذخائر میں گراوٹ کا سلسلہ پھر سے شروع
اشاعت کی تاریخ: 9th, January 2025 GMT
لاہور (اردو پوائنٹ تازہ ترین اخبار۔ 09 جنوری 2024ء ) ڈالرز ذخائر میں گراوٹ کا سلسلہ پھر سے شروع، مسلسل تیسرے ہفتے زرمبادلہ ذخائر میں کمی ہونے کا انکشاف، اسٹیٹ بینک نے زرمبادلہ ذخائر کے اعداد و شمار جاری کر دیے۔ تفصیلات کے مطابق اسٹیٹ بینک آف پاکستان نے بتایا کہ زرمبادلہ کے ذخائر میں گزشتہ ایک ہفتے کے دوران میں مزید کمی آگئی ہے۔ مرکزی بینک سے جاری اعداد وشمار کے مطابق زرمبادلہ کے سرکاری ذخائر ایک ہفتے کے دوران ایک کروڑ 50 لاکھ ڈالر کمی سے 11 ارب 69 کروڑ 52 لاکھ ڈالر کی سطح پر آگئے ہیں۔
اعداد وشمار میں بتایا گیا کہ 3 جنوری کو زرمبادلہ کے سرکاری ذخائر کی مجموعی مالیت 16 ارب 37 کروڑ 78 لاکھ ڈالر ریکارڈ کی گئی۔ اسی طرح کمرشل بینکوں کے پاس 4 ارب 68 کروڑ 26 لاکھ ڈالر کے ذخائر موجود ہیں۔(جاری ہے)
واضح رہے کہ 3 ہفتوں کے دوران ملک کے زرمبادلہ ذخائر میں مجموعی طور پر نصف ارب ڈالرز سے زائد کی کمی ہو چکی۔ اس سے قبل گزشتہ ہفتے کی رپورٹ میں بتایا گیا تھا کہ ایک ہفتے کے دوران زرمبادلہ کے سرکاری ذخائر میں 14 کروڑ 30 لاکھ ڈالر کی کمی ریکارڈ کی گئی، مجموعی ذخائر 16 ارب 40 کروڑڈالر کی سطح پر آگئے۔
اسٹیٹ بینک کی جانب سے جاری کردہ زرمبادلہ ذخائر کے ہفتہ وار اعدادوشمار کے مطابق 27 دسمبر کو ختم ہونے والے ہفتے میں زرمبادلہ کے سرکاری ذخائر میں 14 کروڑ 30 لاکھ ڈالر کی کمی ریکارڈ کی گئی۔ کمی کے بعد زرمبادلہ کے سرکاری ذخائر 11 ارب 71 کروڑ 5 لاکھ ڈالر کی سطح پر آگئے، جبکہ کمرشل بینکوں کے پاس 4 ارب 69 کروڑ 82 لاکھ ڈالر کے ذخائر موجود ہیں۔ اسٹیٹ بینک کے مطابق 27 دسمبر 2024 کو زرمبادلہ ذخائر کی مجموعی مالیت 16 ارب 40 کروڑ 87 لاکھ ڈالر تھی۔ جبکہ اس سے پچھلے ہفتے میں بھی ملکی زرمبادلہ ذخائر میں 26 کروڑ ڈالرز سے زائد کی بڑی کمی ہوئی تھی۔ 26 دسمبر 2024 کو اسٹیٹ بینک کی جانب سے جاری کردہ رپورٹ میں بتایا گیا کہ ملکی ڈالر ذخائر میں ایک ہفتے میں 26کروڑ ڈالر کی کمی ہوگئی۔ 26 دسمبر کو جاری کردہ اعدادو شمار کے مطابق اسٹیٹ بینک کے ڈالر ریزرو 22کروڑ 80لاکھ ڈالر کم ہو کر 11ارب 85کروڑ ڈالر رہ گئے۔بینکوں کے ڈالر ڈیپازٹس 3.4کروڑ ڈالر کی کمی سے 4ارب 52کروڑ ڈالر رہ گئے۔ معاشی ماہرین کے مطابق امپورٹ بل میں نمایاں اضافے کی وجہ سے مارکیٹ میں ڈالرز کی طلب میں اضافہ ہوا ہے۔ اسی باعث ناصرف زرمبادلہ ذخائر پر دباو بڑھا ہے، ساتھ ساتھ پاکستانی روپے پر بھی دباو بڑھ رہا ہے۔ مارکیٹ میں ڈالرز کی طلب بڑھنے کی وجہ سے ناصرف زرمبادلہ ذخائر میں کمی ہو رہی ہے، ساتھ ساتھ کرنسی مارکیٹ میں پھر سے پاکستانی روپیہ ہر گزرتے دن کے ساتھ کمزور ہونا شروع ہو گیا ہے۔
ذریعہ: UrduPoint
کلیدی لفظ: زرمبادلہ ذخائر میں کے مطابق کے دوران کمی ہو
پڑھیں:
آئی ایم ایف صومالیہ کو 3 کروڑ ڈالر جاری کریگا
data-id="863a0a8" data-element_type="widget" data-widget_type="theme-post-content.default">
آئی ایم ایف صومالیہ کو 3 کروڑ ڈالر جاری کریگا
موغادیشو: عالمی مالیاتی فنڈ کا کہنا ہے کہ اس نے صومالیہ کے ساتھ کیے گئے معاہدے کے مطابق صومالیہ کو 3 کروڑ امریکی ڈالر جاری کرے گا۔
بین الاقوامی میڈیا کے مطابق عالمی مالیاتی فنڈ اب صومالیہ کے ساتھ اسٹاف سطح کا معاہدہ طے کرنے کے بعد صومالیہ کو3 کروڑ امریکی ڈالر جاری کرے گا۔ اعلیٰ حکام کے مطابق مذکورہ امداد کا مقصد ایکسٹینڈڈ کریڈٹ فیسیلٹی (ای سی ایف) پروگرام کے تحت چوتھے جائزے کی تکمیل ہے۔ واضح رہے کہ معاہدہ 16 ستمبر سے 8 اکتوبر تک ہونے والے مذاکرے کے بعد طے پایا تھا، جس کی قیادت صومالیہ کے لیے آئی ایم ایف مشن چیف ران بی نے کی۔
رپورٹ کے مطابق معاہدے کی منظوری آئی ایم ایف کے ایگزیکٹو بورڈ سے مشروط تھی، جس کے بعد صومالیہ کو 3 کروڑ ڈالر جاری کیے جائیں گے۔ یہ بات بھی علم میں رہے کہ غیر ملکی امداد میں کٹوتیوں کے منفی اثرات کو کم کرنے اور اصلاحاتی کوششوں کی حمایت کے لیے صومالیہ 4 کروڑ ڈالر کی اضافی مالی معاونت کی درخواست کی ہے۔
کراچی میں جاری ترقیاتی منصوبے پائیدار ترقی کیلئے اہم ہوں گے، شرجیل میمن