کراچی: 7 سالہ بچہ لاپتہ، والد کو بھتے کی کالز موصول
اشاعت کی تاریخ: 9th, January 2025 GMT
علامتی فوٹو
نارتھ کراچی میں 7 سالہ بچہ پراسرار طور پر غائب ہوگیا، بچے کے لاپتہ ہونے پر والدین غم سے نڈھال ہیں، پولیس نے واقعے کا مقدمہ درج کرلیا ہے۔
پولیس کا کہنا ہے کہ بچے کے والد کو مختلف موبائل نمبروں سے بھتے کے پیغامات ملے، موبائل فون نمبروں کی معلومات حاصل کرلی گئیں، جن نمبروں سے میسجز ملے وہ پنجاب اور بلوچستان کے ہیں۔
پولیس کا مزید کہنا ہے کہ میسج کرنے والوں نے سوشل میڈیا پلیٹ فارم سے بچے کے والد کا نمبر حاصل کیا، فلیٹ میں بنی پانی کی ٹنکیاں بھی چیک کرلی گئیں، ابھی تک بچے صارم کا کچھ پتا نہیں چل سکا، تحقیقات جاری ہیں۔
نارتھ کراچی سیکٹر فائیو کے کا رہائشی 7 سالہ صارم دو روز پہلے فلیٹوں میں بنے مدرسے گیا لیکن پھر گھر واپس نہ پہنچ سکا، بچے کے بھائی نے بتایا کہ دونوں بھائی مدرسے سے ساتھ ہی نکلے تھے لیکن بڑا بھائی گھر پہنچ گیا چھوٹا لاپتہ ہوگیا۔
ایس ایس پی ایس آئی یو نے کہا کہ ملزمان اے ٹی ایم کو ہیک کرکے بینک کے باہر موجود رہتے، جیسے ہی شہری اے ٹی ایم استعمال کرتا اس کا کارڈ مشین میں پھنس جاتا۔
صارم کے والدین نے اسکی گمشدگی پر تھانہ بلال کالونی میں اغواء کی دفعہ کے تحت مقدمہ درج کروادیا۔
پولیس نے رہائشی عمارت کے تمام فلیٹس میں سرچ آپریشن کیا ساتھ ہی قریب موجود گٹر اور زیر زمین ٹینک کو بھی دیکھا گیا لیکن بچے کا کچھ پتا نہیں چل سکا۔
پولیس کے مطابق ہر پہلو سے چھان بین کی جارہی ہے امید ہے بچہ جلد مل جائے گا۔
.ذریعہ: Jang News
پڑھیں:
پسند کی شادی کرنے پر میاں بیوی قتل؛ سابق منگیتر ملوث نکلا
پسند کی شادی کرنے والے میاں بیوی کو گولیاں مار کر قتل کردیا گیا۔ واردات میں سابق منگیتر ملوث نکلا۔
پولیس کے مطابق قتل کا واقعہ دولت پور کے نواحی گاؤں اللہ دتہ کلیار میں پیش آیا، جہاں پسند کی شادی کرنے والے میاں بیوی کو گولیاں مار کر بے دردی سے قتل کر دیا گیا۔
واقعہ اس وقت پیش آیا جب ایک شخص نے گھر میں گھس کر دونوں کو گولیوں کا نشانہ بنایا۔ جاں بحق ہونے والوں کی شناخت 35 سالہ غلام مرتضیٰ کلیار اور 32 سالہ منیراں کلیار کے نام سے ہوئی ہے۔
پولیس کا کہنا ہے کہ ابتدائی تحقیقات کے مطابق دہرے قتل کی واردات میں مقتولہ کا سابق منگیتر ملوث ہے، جو ان کی پسند کی شادی سے سخت ناراض تھا۔ مقتولین نے کچھ عرصہ قبل ہی اپنی مرضی سے شادی کی تھی جس پر مبینہ قاتل دل برداشتہ تھا۔
پولیس نے لاشوں کو پوسٹ مارٹم کے لیے دیہی مرکز صحت شاہپور جہانیاں منتقل کر دیا ہے اور مزید تفتیش جاری ہے۔
بلوچستان میں دہشتگردی کے نیٹ ورکس کے پیچھے بھارت کا ہاتھ ہے، فیلڈ مارشل