نریندر مودی کا مقبوضہ کشمیر کا دورہ, آزاد کشمیر میں شدید احتجاج
اشاعت کی تاریخ: 13th, January 2025 GMT
مظفرآباد: پاسبان حریت جموں و کشمیر کی اپیل پر آج دارالحکومت سمیت آزاد کشمیر کے مختلف شہروں میں مودی کے دورے کے خلاف احتجاج کیا گیا۔
بھارتی وزیراعظم نریندر مودی کا آج ہزاروں قابض فوجیوں کے پہرے میں مقبوضہ کشمیر کا دورہ کررہے ہیں جب کہ اس موقع پر پاسبان حریت جموں و کشمیر کی اپیل پر آج دارالحکومت سمیت آزاد کشمیر کے مختلف شہروں میں دورے کے خلاف احتجاج کیا گیا ہے۔پاسبان حریت کے زیرِ اہتمام اولڈ سیکرٹریٹ میں شہریوں نے نریندر مودی کے خلاف شدید احتجاج کیا جب کہ مظاہرین نے نریندر مودی کے دورے کے خلاف سیاہ جھنڈے لہرا کر اور ٹائر جلا کر احتجاج کیا گیا۔کشمیری شہریوں نے نریندر مودی اور بھارتی فوج کے خلاف شدید نعرے بازی کی، مظاہرین نے بینرز اٹھا رکھے تھے جن پر درج تھا ’’مودی کشمیر میں ناپسندیدہ ترین شخص‘‘ ہے۔نریندر مودی کے خلاف مظاہرے کی قیادت چیئرمین پاسبان حریت عزیر احمد غزالی، عثمان علی ہاشم اور دیگر پارٹیوں کے رہنماؤں نےکی۔چیئرمین پاسبان حریت عزیر احمد غزالی نے مظاہرے سے خطاب میں کہا کہ نریندر مودی مقبوضہ جموں و کشمیر کو فوجی اڈہ بنانے کی کوشش کررہا ہے جس کو کشمیری عوام مسترد کرتے ہیں۔انہوں نے کہا کہ مقبوضہ کشمیر میں فوجی مقاصد کے لیے بنائی جا رہی ریلوے لائن ، سڑکیں اور ٹنلز کی وجہ سے کسانوں کی ہزاروں ایکڑ زمینیں تباہ کی جارہی ہیں۔عزیر احمد غزالی کا کہنا تھا کہ مودی نے مقبوضہ جموں و کشمیر کو جیل میں تبدیل کرکے دس لاکھ فوجیوں کے دباؤ شہری آزادیوں کو بری طرح متاثر کیا ہے، نریندر مودی ہزاروں کشمیری نوجوانوں کا قاتل ہے جب کہ کشمیری عوام دورے سے کوئی تعلق نہیں۔چیئرمین پاسبان حریت کہتے ہیں کہ مودی حکومت نے 5 اگست 2019 کو کشمیریوں سے شناخت چھین لی تھی، مودی حکومت نے ہی کشمیر کا ریاستی تشخص ختم کرکے اسے دولخت کیا تھا۔انہوں نے یہ بھی کہا کہ کشمیری نوجوانوں سے نوکریاں اور روزگار کے مواقع نریندرا مودی کی حکومت نے چھین لیئے ہیں جب کہ مودی کی ظالمانہ اقدامات کی وجہ سے کشمیر میں غربت و افلاس تیزی سے بڑھ رہی ہے۔عزیر احمد غزالی کا کہنا ہے کہ مودی حکومت کشمیریوں سے زمینیں چھیننے اور جائیدادیں ضبط کرنے جیسے بدترین اقدامات کررہی ہے۔ آزادی، حقوق اور انصاف مانگنے والے کشمیریوں کو مودی حکومت جیلوں میں قید کر رہی ہے۔
دوسری جانب احتجاج سے خطاب میں دیگر مقررین نے کہا کہ مودی حکومت کشمیر میں اسلامی شناخت پر حملہ آور ہے۔پاسبان حریت کے زیرِ اہتمام نریندر مودی کے دورے کے خلاف مظاہرین نے شہر کی مرکزی شاہراہ پر مارچ کیا۔ پاسبان حریت جموں کشمیر کی اپیل پر آزاد کشمیر کے مختلف اضلاع میرپور، ڈھڈیال، کوٹلی، باغ اور نیلم میں احتجاجی مظاہرے کیے جا رہے ہیں۔
ذریعہ: Nawaiwaqt
کلیدی لفظ: عزیر احمد غزالی نریندر مودی کے دورے کے خلاف پاسبان حریت احتجاج کیا مودی حکومت کہ مودی کہا کہ
پڑھیں:
آزاد کشمیر ہمیں جہاد سے ملا اور باقی کشمیر کی آزادی کا بھی یہ ہی راستہ ہے، شاداب نقشبندی
سربراہ پاکستان سنی تحریک نے کہا کہ 78 سال سے جاری حق خود ارادیت کے درس سے کشمیریوں کو کچھ حاصل نہیں ہوا، آزاد کشمیر ہمیں جہاد سے ملا اور باقی کشمیر کی آزادی کا بھی یہ ہی راستہ ہے، افواج پاکستان کشمیر کی آزادی کیلئے جب بھی علم جہاد بلند کریگی پوری قوم شانہ بشانہ کھڑی ہوگی۔ اسلام ٹائمز۔ سربراہ پاکستان سنی تحریک محمد شاداب رضا نقشبندی کا کہنا تھا کہ مقبوضہ کشمیر پاکستان کا ہے، بھارت ظلم و بربریت فوری بند کردے، پاکستان سنی تحریک اسلام و ملک دشمنوں اور مقبوضہ کشمیر میں ظالموں کے خلاف سیسہ پلائی دیوار ثابت ہوگی، فلسطین اور بھارت میں مسلم نسل کشی اور انسانیت سوز مظالم کھلی دہشتگردی ہے، مقبوضہ کشمیر کے عوام کے ساتھ ہیں بھارت کا ظالمانہ و غاصبانہ اور انسانیت دشمن دہشتگردانہ چہرہ بے نقاب ہوچکا ہے، مقبوضہ جموں کشمیر کی آزادی کیلئے بھارت کو منہ توڑ جواب دینے کا وقت آگیا ہے، پاکستان کے عوام کشمیریوں کے ساتھ ہیں اور ان کی سیاسی و اخلاقی حمایت جاری رکھیں گے، دھونس دھمکیوں اور گیدڑ بھبکیوں کا دور گذر گیا بھارت کو ہر سطح پر شکست دیں گے۔ ان خیالات کا اظہار انہوں نے مقبوضہ کشمیر میں بھارتی مظالم کی شدید مذمت کرتے ہوئے کیا۔
محمد شاداب رضا نقشبندی نے کہا کہ بھارت میں مسلمانوں پر زمین تنگ کی جارہی ہے، اقلیتیں غیر محفوظ اور بھارتی مظالم کی انتہا ہوچکی ہے، اقلیتوں کی نسل کشی معمول بن گئی ہے۔ انہوں نے کہا کہ 78 سال سے جاری حق خود ارادیت کے درس سے کشمیریوں کو کچھ حاصل نہیں ہوا، آزاد کشمیر ہمیں جہاد سے ملا اور باقی کشمیر کی آزادی کا بھی یہ ہی راستہ ہے، افواج پاکستان کشمیر کی آزادی کیلئے جب بھی علم جہاد بلند کریگی، پوری قوم شانہ بشانہ کھڑی ہوگی، اقوام متحدہ میں قرارداد صرف بھارتی قبضے کا بہانا تھا جو 78 سال پہلے ہی اپنا مقصد پورا کرچکی ہے، کشمیر اور فلسطین کی آزادی کا سورج انشا اللہ جلد طلوع ہونیوالا ہے، ظلم و جبر کرنیوالے اللہ کے عذاب سے کسی طور بھی نہیں بچ سکیں گے، مسئلہ کشمیر و فلسطین کے حل کیلئے فی الفور اور بلاتفریق اقوام متحدہ کردار ادا کرے۔
سدرہ بی بی قتل کیس میں بڑی پیشرفت: گرفتار 2 ملزمان کی ضمانت منظور، فوری رہائی کا حکم