پاکستانیوں کیلئے ویزوں کا اجرا آسان کردیا ہے،بنگلادیشی ہائی کمشنر
اشاعت کی تاریخ: 14th, January 2025 GMT
لاہور (کامرس ڈیسک ) بنگلہ دیش کی موجودہ حکومت نے پاکستانیوں کے لیے ویزا کے عمل کو سادہ کر دیا ہے تاکہ دونوں ممالک کے تجارتی اور اقتصادی تعلقات کو مزید مستحکم کیا جا سکے۔یہ بات پاکستان میں بنگلہ دیش کے ہائی کمشنر اقبال حسین خان نے لاہور چیمبر آف کامرس اینڈ انڈسٹری میں خطاب کرتے ہوئے بتائی۔ لاہور چیمبر کے صدر میاں ابوذر شاد نے اپنے خطاب میں دونوں ممالک کے درمیان تجارت و سرمایہ کاری سمیت دیگر امور پر اظہار خیال کیا۔بنگلہ دیش کے اعزازی قونصل جنرل قاضی ہمایوں فرید، اسلام آباد میں بنگلہ دیش کے ہائی کمیشن کی فرسٹ سیکرٹری مس خدیجہ اختر، لاہور چیمبر کے ایگزیکٹو کمیٹی ممبران، شیخوپورہ چیمبر کے صدر چوہدری عارف حسین اور گوجرانوالہ چیمبر کے سینئر وائس پریزیڈنٹ احمد نوید رانجھا نے بھی اجلاس سے خطاب کیا۔ہائی کمشنراقبال حسین خان نے کہا کہ بنگلہ دیش حکومت نے ویزا کے عمل کو سادہ کرتے ہوئے پاکستانی ہیڈ آف مشنز کیلئے ڈھاکا سے کلیئرنس ختم کر دی ہے۔انہوں نے مزید کہا کہ دونوں ممالک کے درمیان تجارت اور سرمایہ کاری میں اضافہ کرنا آئندہ کی ترجیحات میں شامل ہے جس کے لیے لاہور چیمبر کا تعاون اہم کردار ادا کرے گا۔انہوں نے کہا کہ بنگلہ دیش پاکستان کے ساتھ تعلقات کو مزید بہتر بنانے کا خواہاں ہے جو گزشتہ دہائی کے دوران زیادہ اطمینان بخش نہیں رہے۔ انہوں نے بتایا کہ بنگلہ دیش 180 ملین آبادی کے ساتھ بڑی کنزیومر مارکیٹ ہے جس سے پاکستان فائدہ اٹھا سکتا ہے۔انہوں نے کہا کہ بنگلہ دیش کے چیف ایڈوائزر ڈاکٹر محمد یونس علاقائی تعاون کو فروغ دینے کی اہمیت رکھتے ہیں۔ ہائی کمشنر نے جنوبی ایشیائی ممالک کے درمیان زیادہ تعاون کی ضرورت پر زور دیتے ہوئے سارک کو مزید فعال کرنے کی اہمیت پر زور دیا تاکہ علاقائی تجارت اور تعاون میں اضافہ ہو سکے۔انہوں نے کہا کہ دونوں ممالک کی ذمہ داری ہے کہ وہ موجودہ نسل کے لیے تجارتی مواقع پیدا کریں اور باہمی تعاون میں رکاوٹوں کو دور کریں۔انہوں نے کہا کہ لاہور چیمبر کا اہم کردار ہے جو پاکستان اور بنگلہ دیش کے درمیان تجارت اور سرمایہ کاری میں اضافہ کرنے میں مددگار ثابت ہوگا۔لاہور چیمبر کے صدر میاں ابوذر شاد نے تجارتی اعداد و شمار کا ذکر کیا اور بتایا کہ 2023-24 کے مالی سال میں پاکستان اور بنگلہ دیش کے درمیان دوطرفہ تجارت 718 ملین ڈالر رہی۔ پاکستان کی بنگلہ دیش کو برآمدات 661 ملین ڈالر کی تھیں جبکہ بنگلہ دیش سے درآمدات 57 ملین ڈالر کی تھیں۔
.ذریعہ: Jasarat News
کلیدی لفظ: انہوں نے کہا کہ بنگلہ دیش کے دونوں ممالک لاہور چیمبر کے درمیان چیمبر کے ممالک کے
پڑھیں:
روانڈا کی ہائی کمشنر کی چیئرمین سی ڈی اے سے ملاقات،دوطرفہ تعاون کو مزید مضبوط بڑھانے پر تبادلہ خیال
روانڈا کی ہائی کمشنر کی چیئرمین سی ڈی اے سے ملاقات،دوطرفہ تعاون کو مزید مضبوط بڑھانے پر تبادلہ خیال WhatsAppFacebookTwitter 0 23 July, 2025 سب نیوز
اسلام آباد(سب نیوز)جمہوریہ روانڈا کی ہائی کمشنر محترمہ فاتو ہریریمانا نے آج سی ڈی اے ہیڈکوارٹرز میں چیئرمین سی ڈی اے اور چیف کمشنر اسلام آباد محمد علی رندھاوا سے سی ڈی اے ہیڈ کوارٹرز میں ملاقات ہوئی، ملاقات میں باہمی دلچسپی کے مختلف امور خصوصا اسلام آباد شہر کی ترقی، انفراسٹرکچر کی بہتری اور سیاحت کے فروغ کے سلسلہ میں دوطرفہ تعاون کو مزید مضبوط بڑھانے پر تبادلہ خیال کیا گیا۔ مزید برآں پائیدار شہری ترقی اور خوشحالی پر خصوصی توجہ دی گئی۔ چیئرمین سی ڈی اے نے روانڈا کی ہائی کمشنر فاتو ہریریمانا کو سی ڈی اے کی مجموعی کارکردگی، خصوصا مکمل ہونے والے اہم ترقیاتی منصوبوں اور اسلام آباد میں جاری منصوبوں سے آگاہ کیا جن میں وفاقی دارالحکومت اسلام آباد کو ایک جدید، جامع اور ماحول دوست شہر میں تبدیل کرنے کے سلسلہ میں سی ڈی اے کا ویژن بھی شامل ہے۔
انہوں نے یہ بھی بتایا کہ سی ڈی اے ڈپلومیٹک انکلیو کی اپ لفٹنگ اور اسلام آباد میں سفاری پارک کے قیام کیلئے کاوشیں کی جارہی ہیں۔ انہوں نے کہا کہ سی ڈی اے سفاری پارک کے منصوبہ پر کام کررہا ہے تاکہ اسلام آباد کی خوبصورتی کی وجہ سے مستقبل میں اس کو سیاحت کا بہترین مرکز بنانے میں مدد مل سکے گی تاکہ شہریوں اور سیاحوں کیلئے تفریحی سہولیات میں مزید اضافہ کیا جاسکے۔ چیئرمین سی ڈی اے نے اسلام آباد اور روانڈا کے دارالحکومت کیگالی کے درمیان “سسٹر سٹی” تعلقات قائم کرنے کی تجویز کا خیر مقدم کیا۔ جس سے عوامی رابطوں، ثقافتی تبادلے اور بلدیاتی انتظام، شہری تجدید اور سبز شہری حل جیسے شعبوں میں تعاون کو فروغ دینے میں مدد ملے گی۔ انہوں نے کہا کہ جنگلی حیات کے تحفظ کے سلسلہ میں روانڈا کے تجربہ سے فائدہ اٹھایا جائے گا۔ روانڈا کی ہائی کمشنر فاتو ہریریمانا نے چیئرمین سی ڈی اے محمد علی رندھاوا کی قیادت میں اسلام آباد کو خوبصورت بنانے اور ترقیاتی منصوبوں کی تکمیل پر سی ڈی اے کی شاندار کارکردگی کو سراہا۔ انہوں نے اسلام کی تعمیر و ترقی اور ماحول دوست پودے لگانے کے عمل کو سراہا اور دوطرفہ تعاون بڑھانے میں روانڈا کی گہری دلچسپی کا اظہار کیا۔
ہائی کمشنر نے پاکستان کے دارالحکومت اسلام آباد کی ترقی کے انتظام کے تجربے سے سیکھنے میں بھی روانڈا کی دلچسپی ظاہر کی۔ دونوں فریقوں نے اسمارٹ سٹی ، سیاحت کی ترقی اور تعمیر کے شعبوں میں مہارت کے تبادلے اور باہمی دلچسپی کے شعبوں میں تعاون بڑھانے پر اتفاق کیا۔ ملاقات میں روانڈا اور پاکستان کے درمیان عوامی روابط کو مضبوط بنانے اور اداراتی تعلقات استوار کرنے کا مشترکہ عزم ظاہر کیا گیا۔ اختتام پر چیئرمین سی ڈی اے و چیف کمشنر اسلام آباد محمد علی رندھاوا نے دوستی کی علامت کے طور پر روانڈا کی ہائی کمشنر فاتو ہریریمانا کو ایک سووینیر پیش کیا، جو دونوں ممالک کے درمیان دیرپا شراکت داری کی خواہش کی عکاسی کرتا ہے۔ یہ اقدام باہمی احترام پر مبنی بین الاقوامی تعاون کیلئے پاکستان کے عزم کو ظاہر کرتا ہے۔ چیئرمین سی ڈی اے محمد علی رندھاوا نے اس امید کا اظہار کیا کہ مستقبل میں اسلام آباد اور روانڈا کے دارالحکومت کیگالی کے درمیان سسٹر سٹی تعلقات مزید روشن اور مستحکم ہونگے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرکوہستان کرپشن اسکینڈل، ملزمان کی جانب سے پلی بارگین کیلئے درخواستیں دائر کوہستان کرپشن اسکینڈل، ملزمان کی جانب سے پلی بارگین کیلئے درخواستیں دائر اسحاق ڈار جمعہ کو امریکی وزیر خارجہ مارکو روبیو سے اہم ملاقات کریں گے پاکستان اور بنگلا دیش کا سفارتی و سرکاری پاسپورٹ پر ویزا فری انٹری دینے کا فیصلہ بابوسر سیلابی ریلے میں بہنے والے 15 افراد تاحال لاپتا، سیاحوں سے گلگت کا سفر مؤخر کرنے کی اپیل اسلام آباد میں چینی مہنگی بیچنے والوں کے خلاف ضلعی انتظامیہ کا بھرپور ایکشن بارشوں سے اموات 242 تک جاپہنچیں، مون سون کا حالیہ اسپیل 25 جولائی تک جاری رہے گاCopyright © 2025, All Rights Reserved
رابطہ کریں ہمارے بارے ہماری ٹیم
ملک بھر میں ووٹر کی تعداد کتنی ہوگئی؟ رپورٹ سامنے آگئی