حکومت کے اندر اعتماد سازی کا فقدان ہے، شوکت یوسفزئی
اشاعت کی تاریخ: 15th, January 2025 GMT
لاہور:
رہنما مسلم لیگ (ن) رانا احسان افضل کا کہنا ہے کہ جب آپ ڈیڈ لائن اٹیچ کر لیتے ہیں اور کہتے ہیں کہ اگر اس ڈیٹ تک ہماری یہ بات نہ مانی گئی تو مذاکرات کو ختم سمجھیں یہ بلیک میل ہی ہے۔
ایکسپریس نیوز کے پروگرام اسٹیٹ کرافٹ میں گفتگوکرتے ہوئے انھوں نے کہا کہ اگر گورنمنٹ کے فیصلے کی بات کریں تو گورنمنٹ نے ان کی بانی سے ملاقات کرانے کی جو کمٹمنٹ کی تھی مذاکراتی کمیٹی کی ملاقات ہوگئی، ہماری طرف سے تو کوشش ہو رہی ہے، انفرادی طور پر لیڈروں کے خدشات آتے رہتے ہیں۔
رہنما تحریک انصاف شوکت یوسفزئی نے کہا کہ حکومت کے اندر اپنا اعتماد سازی کا فقدان ہے، وہ خود کنفیوژ ہے،وزیر اعظم نے خود مذاکرات کیلیے کمیٹی بنائی ہے۔
خواجہ آصف، مریم نواز اور اس طرح طلال چوہدری یہ اگر تنقید کرتے ہیں کہتے ہیں کہ یہ مذاکرات کامیاب نہیں ہو سکتے، کبھی کیا کہتے ہیں، کبھی کچھ کہتے ہیں تو میرے خیال میں اگر حکومت مخلص ہوتی اس کی نیت صاف ہوتی تو سب کو شٹ اپ کال دے سکتی تھی کہ ایسے بیان نہ دیں تو شاید اس طرف سے بھی نہ ہوتا لیکن یہ شروع دن سے ایسی گفتگو کر رہے ہیں۔
سینئر صحافی احسان اللہ ٹیپو نے کہا کہ یکم جنوری کو کوہاٹ میں جو دونوں مقامی قبائل ہیں ان میں ایک معاہدہ ہوا، آپ نے دھرنے کا ذکر کیا ہے بگن کا علاقہ جو بہت زیادہ متاثر ہوا تھا وہاں ابھی بھی دھرنا ہو رہا ہے، اس معاہدے کو ہوئے تقریباً پندرہ دن ہو گئے ہیں، کل ہم نے کچھ ویڑول دیکھے کہ دونوں سائیڈ کے بنکروں کو بموں سے اڑا دیا گیا لیکن اطلاعات ہیں کہ ابھی بھی وہاں بنکر کافی تعداد میں مجود ہیں، دوسرا یہ کہ علاقے کو اسحلہ سے پاک کرنا بہت اہم اور ضروری ہے۔
.
ذریعہ
ذریعہ: Express News
پڑھیں:
سرکاری ملازمین کی تنخواہوں کے بعد پنشن میں بھی اضافہ
پشاور (نیوز ڈیسک) سرکاری ملازمین کے لیے بڑی خوشخبری آگئی، پنشن میں 7 فیصد اضافہ یکم جولائی 2026 سے نافذ العمل ہوگیا۔
تفصیلات کے مطابق خیبرپختونخوا حکومت نے صوبائی سرکاری پنشنرز کے لیے ایک اہم فیصلہ کرتے ہوئے نیٹ پنشن میں 7 فیصد اضافے کی منظوری دے دی ہے، جس کا باقاعدہ نوٹیفکیشن بھی جاری کر دیا گیا ہے۔
حکومتی اعلامیے میں کہا گیا کہ پنشن میں 7 فیصد اضافہ یکم جولائی 2026 سے نافذ العمل ہوگیا اور اس سے تمام صوبائی سرکاری پنشنرز مستفید ہو سکیں گے۔
محکمہ خزانہ خیبرپختونخوا کی جانب سے جاری کردہ نوٹیفکیشن میں پنشن میں اضافے کے حوالے سے اہم نکات اور شرائط واضح کی گئی ہیں۔
جس میں کہا ہے کہ یہ 7 فیصد اضافہ 30 جون 2026 تک حاصل کردہ نیٹ پنشن کی بنیاد پر دیا جائے گا اور یکم جولائی 2026 یا اس کے بعد ریٹائر ہونے والے سرکاری ملازمین بھی اس 7 فیصد اضافے کے حقدار ہوں گے۔
یہ اضافہ فیملی پنشن اور کمپیشنٹ الاؤنس کے کیسز پر بھی یکساں طور پر لاگو ہوگا۔
اس کے علاوہ بیرون ملک مقیم صوبائی حکومت کے اہل پنشنرز بھی مقررہ شرائط و ضوابط کے تحت اس اضافے سے فائدہ اٹھا سکیں گے۔
نوٹیفکیشن میں واضح کیا گیا ہے کہ یہ 7 فیصد اضافہ پہلے سے ملنے والی کسی بھی “خصوصی اضافی پنشن” پر لاگو نہیں ہوگا۔
خیبرپختونخوا حکومت کے اس اقدام کو صوبے کے لاکھوں ریٹائرڈ ملازمین اور ان کے خاندانوں کے لیے موجودہ معاشی صورتحال میں ایک بڑا ریلیف قرار دیا جا رہا ہے۔
مزید پڑھیں۔سونے کی قیمت میں نمایاں کمی،فی تولہ نئی قیمت جانئے
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم