یار دلدار جاوید شہزاد کی وفات
اشاعت کی تاریخ: 15th, January 2025 GMT
یار دلدارجاوید شہزاد کی وفات کی خبر پیارے عمر فاروق نے دی تو خبر سنتے ہی ذہن سناٹے میں آگیا، ہمارا یار جاوید شہزاد اوصاف اور اے بی این نیوز کا شہزادہ اور چیف ایڈیٹر مہتاب خان صاحب کا فرستادہ تھا،کمال یہ کہ جاوید شہزاد سب صحافیوں میں مقبول اور ہر صحافی کا پیارا تھا، اسلام آباد دفتر میں اوصاف کے سینئر صحافی راجہ بشارت عباسی اور اس خاکسار کے درمیان کبھی کبھی مناظرانہ بحث طول پکڑتی تو جاوید شہزاد مسکراتے ہوئے ہم دونوں کی مدد کے لئے آن پہنچتے اور ہم ہنس ہنس کر لوٹ پوٹ ہوجاتے،جاوید شہزاد تقریباً چار دہائیوں سے صحافت کے شعبے سے منسلک تھا، اس کا صرف سیاستدانوں ہی نہیں بلکہ عسکری حلقوں سے بھی گہرا تعلق تھا،مگراس سب کے باوجود اس کا صحافیانہ بانکپن ہر قسم کے ’’تکبر‘‘سے کوسوں میل دور تھا، اس کی طبیعت اور لہجے میں عاجزی تھی،خوش اخلاقی کے ساتھ بولنا اس کا طرئہ امتیاز تھا، بے شک موت ایک اٹل حقیقت ہے،جاوید شہزاد نے پیر کے دن راولپنڈی کے قبرستان میں منوں مٹی کے نیچے دفن ہو کر پیچھے رہ جانے والے سب صحافیوں کے لئے یہ پیغام چھوڑ ا ہے،کہ آج اگر دفن ہونے کی باری میری تھی، تو کل تمہاری ہو گی، یہ لبرل وبرل سیکولر ’’ویکولر‘‘کچھ بھی نہیں ہے، ہم سب کی اصل یہی ہے جو آج تم نے میرا (جاوید شہزاد کا) جنازہ پڑھا،اور پھر زمین کے پیٹ میں دفن کر دیا، اس میں نہ کوئی جدت پسندی تھی اور نہ سیکولر ازم، بلکہ یہ سارا عمل تو آقا مولیٰ ﷺفرمان کے مطابق تھا۔
پیدائش کے بعد سب سے پہلے بچے کے ایک کان میں اذان اور دوسرے کان میں اقامت پڑھی جاتی ہے،یہ اذان اور اقامت اسلام ہے سیکولر لادینیت نہیں، اس لئے جدت پسندی اور پرویزی روشن خیالی کے چکر میں اپنی قبروں کے اندھیروں میں اضافہ کرنا کوئی دانشمندی نہیں،پیارا جاوید شہزاد تو آخرت کے سفر پر رخصت ہوا لیکن جاتے جاتے اپنے احباب کو پیغام دے گیا کہ دنیا کا سب سے خوبصورت دانشور اور تجزیہ نگار وہ ہے کہ جو اپنی قبر کو روشن اور میدان حشر کو سنوار لے،قبر کی روشنی ڈالروں ،پاونڈز اور درہم و دینار سے خریدی نہیں جا سکتی،قبر کی روشنی کسی پرمٹ پلاٹ یا جا ئیداد کی محتاج نہیں ہوتی،انسان ساری عمر جس بنگلے کو بنانے اور اس کے اندر قیمتی فرنیچر سجانے میں کھپا ڈالتا ہے،مرنے کے بعد اس بنگلے اور فرنیچر کا ایک تنکا بھی اس کے کام نہیں آتا،بلکہ گھر سے قبرستان تک لے اس کا جسد خاکی لے جانے کے لئے چارپائی بھی مسجد سے لائی جاتی ہے،افسوس کہ اس کے باوجود انسانوں سے اکڑ ہی ختم ہونے کا نام نہیں لیتی اور صحافیوں کی اکڑ تو الااماں والحفیظ،جیسے عوام سے اسلامی رویوں کی توقع رکھی جاتی ہے ،ایسے ہی صحافی کالم نگاروں ،تجزیہ نگاروں ،رپوٹروں،اینکرز اور اینکرنیوں اور ایڈیٹر وں کے رویے بھی اسلامی ہونا ضروری ہیں،ہر مسلمان صحافی کی صحافت اگر اسلام کے تابع ہو جاے تو کیا ہی بات ہے’’رزاق‘‘ اللہ تعالیٰ کی ذات ہے،رزق کا وعدہ اللہ کے ذمہ ہے،اس لئے نوٹوں کے لئے نظریات فروشی کے عذاب میں مبتلا ہو جانا کوئی عقلمندی نہیں،یاد رکھیے ’’نظریات فروشی‘‘اک ایسا عذاب ہے ،کہ جس کے عوض تھوڑے بہت ڈالر اگر آتے بھی ہیں تو غیرت وطہارت کے ساتھ ساتھ حق بات سمجھنے کی صلاحیت چھین لیتے ہیں،ہنستا مسکراتا جاوید شہزاد خاموش ہو گیا ،ہمیشہ ہمیشہ کے لئے خاموش ،مگر اپنے پیٹی بند بھائیوں سمیت سب کے لئے اس کا پیغام بہت واضح ہے اور وہ یہ کہ صحافیوں کی صفوں میں شامل بعض بہروپئے گستاخانِ رسول کے سہولت کار بنے ہوئے ہیں، قبر کی لحد میں اترنے کے بعد پتہ چلا کہ محبت رسول ﷺ تو قبر میں بھی کام اے گی اور حشر میں بھی،میرے یارو! ختم نبوت اور ناموس رسالتﷺکے تحفظ کا فر ض مرتے دم تک ادا کرتے رہنا،رسول اکرمﷺسے محبت تمام عبادات کی بنیاد ہے،ااسلام نے اپنے پیروکاروں کو یہ ضابطہ دیاہے کہ جو شخص جس سے محبت کرے گا اس کو اس کی رفاقت نصیب ہو گی ۔
حضرت انس رضی اللہ تعالیٰ عنہ سے مروی ہے کہ ایک شخص نے نبی کریم ﷺسے پوچھا ،یارسول اللہﷺقیامت کب آئے گی ؟ آپ ﷺنے فرمایا تونے قیامت کے لئے کیا تیاری کررکھی ہے؟عرض کیا میں نے روزقیامت کے لئے اتنی زیادہ نمازوں ، روزوں،اور صدقات کے ساتھ تیاری نہیں کی لیکن اللہ اور رسول سے محبت رکھتا ہوں ،آپ ﷺنے فرمایا تو اپنے محبوب کے ساتھ ہی ہوگا ۔(بخاری )حضور ﷺکی محبت اس قدراہم اور افضل واعظم ہے کہ خداوندقدوس ارشادفرماتے ہیں،ترجمہ ’’تم فرما دو اگر تمہارے باپ اوربیٹے اور تمہارے بھائی اور تمہاری عورتیں اور تمہاراکنبہ اور تمہاری کمائی کے مال اور وہ سوداجس کے نقصان کاتمہیں ڈرہے اور تمہارے پسند کے مکان یہ چیزیں اللہ اوراس کے رسولﷺ کی راہ میں لڑنے سے زیادہ پیاری ہوں تو راستہ دیکھ ،یہاں تک کہ اللہ اپنا حکم لائے‘‘ (سورہ توبہ)اس آیت کریمہ میں واضح طورپر معلوم ہواکہ جسے دنیا میں کوئی معززیا عزیز یا مال اللہ اور رسول سے زیادہ عزیزہووہ بارگاہ الٰہی میں مردودہے اورمستحق عذاب ہے۔بھلا وہ بھی کوئی انسان ہے کہ جو حضور ﷺکی نا مو س کا گستاخ ہے؟ایسے بدترین گستاخوں کے حقوق کی بات کرنے والے ننگ صحافت ہیں، ہماری ساری محبتوں کا مرکز و محور آقا و مولیٰ حضرت محمد کریم ﷺہونے چاہئیں ،کیونکہ ہر محبت کو فنا ہے ،بقاء صرف اللہ اور اس کے رسول ﷺکی محبت کو ہی حاصل ہے۔
میرے یارو!اپنے قلم ،زبانیں،تجزئیے سب دفاع ناموس رسالت ﷺکے لئے وقف کر دیجئے ،کیونکہ سیاستدانوں ،حکمرانوں ،اسٹیبلشمنٹ سب کے تعلق فانی جبکہ رسول اللہ ﷺسے محبت اور تعلق باقی بھی اور اخروی بھی،یا اللہ ہمارا جاوید شہزاد عاشق رسولؐ تھا،اپنے محبوب نبی ﷺکی محبت کی برکت سے اس کی بخششِ فرما دے۔( آمِین)
ذریعہ: Daily Ausaf
کلیدی لفظ: جاوید شہزاد اللہ اور کے ساتھ کے لئے
پڑھیں:
تجدید وتجدّْ
data-id="863a0a8" data-element_type="widget" data-widget_type="theme-post-content.default">
251103-03-9
4
مفتی منیب الرحمن
اس کائنات میں ایک اللہ تعالیٰ کا تشریعی نظام ہے‘ جس کے ہم جوابدہ ہیں اور اْس پر اْخروی جزا وسزا کا مدار ہے اور دوسرا تکوینی نظام ہے‘ جس میں بندے کا کوئی عمل دخل نہیں ہے‘ یہ سراسر اللہ تعالیٰ کی مشِیئت کے تابع ہے اور اس پر جزا وسزا کا مدار نہیں ہے۔ تکوینی نظام سبب اور مسبَّب اور علّت ومعلول کے سلسلے میں مربوط ہے۔ ’’سبب‘‘ سے مراد وہ شے ہے جو کسی چیز کے وجود میں آنے کا باعث بنے اور اْس کے نتیجے میں جو چیز وجود میں آئے‘ اْسے ’’مْسَبَّب‘‘ کہتے ہیں‘ اسی کو علّت ومعلول بھی کہتے ہیں لیکن منطق وفلسفہ میں دونوں میں معنوی اعتبار سے تھوڑا سا فرق ہے۔ اسی بنا پر اس کائنات کے نظم کو عالَم ِ اسباب اور قانونِ فطرت سے تعبیر کرتے ہیں۔
معجزے سے مراد مدعی ِ نبوت کے ہاتھ پر یا اْس کی ذات سے ایسے مافوقَ الاسباب امور کا صادر ہونا جس کا مقابلہ کرنے سے انسان عاجز آ جائیں۔ نبی اپنی نبوت کی دلیل کے طور پر بھی معجزہ پیش کرتا ہے۔ مادّی اسباب کی عینک سے کائنات کو دیکھنے والے کہتے ہیں: قانونِ فطرت اٹل ہے‘ ناقابل ِ تغیّْر ہے‘ لہٰذا قانونِ فطرت کے خلاف کوئی بات کی جائے گی تو اْسے تسلیم نہیں کیا جائے گا۔ چنانچہ منکرین ِ معجزات نے مِن جملہ دیگر معجزات کے نبیؐ کے معراجِ جسمانی کا بھی انکار کیا اور کہا: ’’رسول اللہؐ کا جسمانی طور پر رات کو بیت المقدس جانا اور وہاں سے ایک سیڑھی کے ذریعے آسمانوں پر جانا قانونِ فطرت کے خلاف اور عقلاً مْحال ہے۔ اگر معراج النبی کی بابت احادیث کے راویوں کو ثِقہ بھی مان لیا جائے تو یہی کہا جائے گا کہ اْنہیں سمجھنے میں غلطی ہوئی۔ یہ کہہ دینا کہ اللہ اس پر قادر ہے‘ یہ جاہلوں اور ’’مرفوع القلم‘‘ لوگوں کا کام ہے‘ یعنی ایسے لوگ مجنون کے حکم میں ہیں‘ کوئی عقل مند شخص ایسی بات نہیں کر سکتا۔ قانونِ فطرت کے مقابل کوئی دلیل قابل ِ قبول نہیں ہے۔ ایسی تمام دلیلوں کو اْنہوں نے راوی کے سَہو وخطا‘ دور اَز کار تاویلات‘ فرضی اور رکیک دلائل سے تعبیر کیا‘‘۔ (تفسیر القرآن) یہ سرسیّد احمد خاں کی طویل عبارت کا خلاصہ ہے۔ الغرض وہ معجزات پر ایمان رکھنے والوں کو جاہل اور دیوانے قرار دیتے ہیں‘ ہمیں وحی ِ ربانی کے مقابل عقلی اْپَج کی فرزانگی کے بجائے دیوانگی کا طَعن قبول ہے‘ کیونکہ قدرتِ باری تعالیٰ کی جلالت پر ایمان لانے ہی میں مومن کی سعادت ہے اور یہی محبت ِ رسولؐ کا تقاضا ہے۔ ان کی فکر کا لازمی نتیجہ یہ ہے: اللہ تعالیٰ قادرِ مطلق اور مختارِ کْل نہیں ہے‘ بلکہ العیاذ باللہ! وہ اپنے بنائے ہوئے قوانین ِ فطرت کا پابند ہے۔
ہم کہتے ہیں: بلاشبہ اسباب موثر ہیں‘ لیکن اْن کی تاثیر مشیئتِ باری تعالیٰ کے تابع ہے‘ لیکن یہ اسباب یا قانونِ فطرت خالق پر حاکم ہیں اور نہ وہ اپنی قدرت کے ظہور کے لیے ان اسباب کا محتاج ہے۔ وہ جب چاہے ان کے تانے بانے توڑ دے‘ معطَّل کر دے اور اپنی قدرت سے ماورائے اَسباب چیزوں کا ظہور فرمائے‘ مثلاً: عالَم ِ اسباب یا باری تعالیٰ کی سنّت ِ عامّہ کے تحت انسانوں میں مرد و زَن اور جانوروں میں مادہ ونَر کے تعلق سے بچہ پیدا ہوتا ہے لیکن اللہ تعالیٰ کی قدرت ان اسباب کی محتاج نہیں ہے‘ چنانچہ اْس نے سیدنا عیسیٰؑ کو بِن باپ کے‘ سیدہ حوا کو کسی عورت کے واسطے کے بغیر اور سیدنا آدمؑ کو ماں باپ دونوں واسطوں کے بغیر پیدا کر کے یہ بتا دیا کہ اْس کی قدرت ان اسباب کی محتاج نہیں ہے۔ لیکن غلام احمد پرویز اور مرزا غلام قادیانی وغیرہ سیدنا عیسیٰؑ کے بن باپ کے پیدا ہونے کو تسلیم نہیں کرتے‘ جبکہ اللہ تعالیٰ نے فرمایا: ’’بیشک (بن باپ کے پیدا ہونے میں) عیسیٰؑ کی مثال آدم کی سی ہے‘ اللہ نے انہیں مٹی سے پیدا فرمایا‘ پھر اْس سے فرمایا: ہو جا‘ سو وہ ہوگیا‘‘۔ (آل عمران: 59) الغرض یہود کی طرح انہیں عفت مآب سیدہ مریمؑ پر تہمت لگانا تو منظور ہے‘ لیکن معجزات پر ایمان لانا قبول نہیں ہے۔
قرآنِ کریم کی واضح تعلیم ہے کہ کسی کو دین ِ اسلام قبول کرنے پر مجبور نہیں کیا جائے گا۔ اللہ تعالیٰ کا ارشاد ہے: ’’دین (قبول کرنے) میں کوئی زبردستی نہیں ہے‘‘۔ (البقرہ: 256) مگر جو دائرۂ اسلام میں داخل ہوگیا ہو اْسے مسلمان رہنے کا پابند کیا جائے گا‘ اسی لیے اسلام میں اِرتداد موجب ِ سزا ہے‘ جبکہ موجودہ متجددین کے نزدیک ارتداد اور ترکِ اسلام کوئی جرم نہیں ہے۔ جمہورِ امت کے نزدیک کتابیہ عورت سے مسلمان مرد کا نکاح جائز ہے‘ لیکن مسلمان عورت کا کتابی مرد سے نکاح جائز نہیں ہے‘ مگر متجددین ائمۂ دین کے اجماعی موقف سے انحراف کرتے ہوئے اس نکاح کے جواز کے قائل ہیں۔
اگر آپ اس تجدّْدی فکر کی روح کو سمجھنا چاہیں تو وہ یہ ہے کہ جمہور امت وحی ِ ربانی کو حتمی‘ قطعی اور دائمی دلیل سمجھتے ہیں‘ جبکہ یہ حضرات اپنی عقلی اْپَج کو وحی کے مقابل لاکھڑا کرتے ہیں اور عقلی نتیجہ ٔ فکر کے مقابل انہیں وحی کو ردّ کرنے میں کوئی عار محسوس نہیں ہوتی۔ وحی بتاتی ہے کہ عاقل مومن کو وحی اور خالق کی مرضی کے تابع رہ کر چلنا ہے‘ جبکہ تجدّْد کے حامی کہتے ہیں: ’’میرا جسم میری مرضی‘‘۔ بعض متجدِّدین حدیث کو تاریخ کا درجہ دیتے ہیں‘ جو رَطب ویابس کا مجموعہ ہوتی ہے‘ اْن کے نزدیک حدیث سے کوئی عقیدہ ثابت نہیں ہوتا‘ ماضی میں ایسے نظریات کے حامل اپنے آپ کو اہل ِ قرآن کہلاتے تھے۔ اگر حدیث سے مطلب کی کوئی بات ثابت ہوتی ہو تو اپنی تائید میں لے لیتے ہیں اور اگر اْن کی عقلی اْپج کے خلاف ہو تو انہیں حدیث کو ردّ کرنے میں کوئی باک نہیں ہوتا۔ جبکہ احادیث ِ مبارکہ کی چھان بین اور صحت کو طے کرنے کے لیے باقاعدہ علوم اصولِ حدیث و اسمائْ الرِّجال وضع کیے گئے ہیں‘ جبکہ تاریخ کی چھان پھٹک اس طرح نہیں ہوتی۔ اللہ تعالیٰ نے فرمایا: ’’اور ہم نے آپ کی طرف ذِکر (قرآنِ کریم) اس لیے نازل کیا ہے کہ آپ لوگوں کو وہ احکام وضاحت کے ساتھ بتائیں جو اْن کی طرف اُتارے گئے ہیں اور تاکہ وہ غور وفکر کریں‘‘۔ (النحل: 44) الغرض قرآنِ کریم کی تبیِین کی ضرورت تھی اور اْس کے مْبَیِّن (وضاحت سے بیان کرنے والے) رسول اللہؐ ہیں۔ اگر شریعت کو جاننے کے لیے قرآن کافی ہوتا تو مزید وضاحت کی ضرورت نہ رہتی‘ اسی لیے قرآنِ کریم نے ایک سے زائد مقامات پر فرائضِ نبوت بیان کرتے ہوئے فرمایا: ’’اور وہ انہیں کتاب وحکمت کی تعلیم دیتے ہیں‘‘۔ اکثر مفسرین کے نزدیک حکمت سے مراد سنّت ہے۔
ایک صحابیہ اْمِّ یعقوب تک حدیث پہنچی‘ جس میں سیدنا عبداللہ بن مسعودؓ کی روایت کے مطابق رسول اللہؐ نے بعض کاموں پر لعنت فرمائی ہے۔ وہ عبداللہ بن مسعودؓ کے پاس آئیں اور کہنے لگیں: ’’میں نے دو جلدوں کے درمیان پورا قرآن پڑھا ہے‘ مجھے تو اس میں یہ باتیں نہیں ملیں‘‘۔ سیدنا عبداللہ بن مسعودؓ نے فرمایا: ’’اگر تْو نے توجہ سے قرآن پڑھا ہوتا تو تمہیں یہ باتیں مل جاتیں‘ کیا تم نے قرآن میں یہ آیت نہیں پڑھی: ’’اور جو کچھ تمہیں رسول دیں‘ اْسے لے لو اور جس سے وہ روکیں‘ اْس سے رک جائو‘‘۔ (الحشر: 7) اْمِّ یعقوب نے کہا: ’’کیوں نہیں! میں نے یہ آیت پڑھی ہے‘‘ تو ابن مسعودؐ نے فرمایا: رسول اللہؐ نے ان باتوں سے منع فرمایا ہے۔ اْس نے کہا: ’’میں نے دیکھا ہے کہ آپ کی اہلیہ یہ کام کرتی ہیں‘‘۔ عبداللہ بن مسعودؓ نے فرمایا: ’’جائو دیکھو‘‘۔ وہ گئی اور دیکھا کہ وہ ایسا کوئی کام نہیں کرتیں‘ عبداللہ بن مسعودؓ نے کہا: ’’اگر میری اہلیہ ایسے کام کرتیں تو میں اْن سے تعلق نہ رکھتا۔ (بخاری)۔
(جاری)
کیریبین میں امریکہ کی نئی مہم جوئی