پنشن کو کم از کم اجرت کے برابرکیاجائے‘ خالد خان
اشاعت کی تاریخ: 20th, January 2025 GMT
نیشنل لیبر فیڈریشن کراچی کے صدر خالد خان نے کہاکہ E.O.B.I سب جانتے ہیں کہ اس ادارہ میں اربوں روپے کی کرپشن کی گئی اور محنت کشوں کو بڑھاپے میں ملنے والی سہو لت سے بھی محروم کیاجارہاہے ادارہ کے چیئرمین اور بڑے افسران محل نمادفتروں میں بیٹھ کر عیاشیا ں کررہے ہیں اور ساتھ ہی ساتھ بڑی بڑی گاڑیوںکی کرپشن بھی کررہے ہیں جب کہ ان کا اصل کام فیکٹریوں اوراداروں میں کام کرنے والے ہر محنت کش کارجسٹریشن کرناہے تاکہ بڑھاپے میں اُس کو کچھ مالی سہارا مل سکے لیکن شومی قسمت کہ یہاں بھی مزدوروں کے ساتھ نازیباسلوک روا رکھا گیا ہے۔ رجسٹریشن کاعمل انتہائی سست اور ملی بھگت کے ساتھ کیا جاتا ہے۔ پنشن بک انتہائی دشواریوں کے بعد دی جاتی ہے جب کہ پروجیکٹرپر بریفنگ بڑی خوش نمادکھائی جاتی ہے ۔
آج بھی ہمارے ملک کے بزرگ پنشنرز
دربدرکی ٹھوکریں کھا رہے ہیں کوئی بھی ان بزرگ محنت کش پر رحم نہیں کھاتا پنشنرز کا پر سان حال نہیں۔ آج بھی ایک محنت کش اپنی فیکٹری سے اپنی عمرکے 60 سال پورے کرنے کے بعدجب EOBI کے ریجنل آفس سے رجوع کرتاہے تو اس عمررسیدہ شخص کو EOBI کے نمائندے کسی بھی طرح کا کوئی بھی تعاون نہیں کرتے ان کو صحیح معلومات بھی نہیں دی جاتی بلکہ ان بزرگ رہنما ئوں سے باربار ریجنل آفس کے چکرلگواتے ہیں۔ ان کی ماہانہ پنشن کے حوالے سے خاطرخواہ جواب نہیں دیتے بلکہ یوں کہیے کہ ان بوڑھے پنشنرزکے ساتھ بدتمیز ی سے پیش آتے ہیں۔
پنشن کومینمم ویج سے منسلک کیا جائے:۔ موجودہ مہنگائی میں10 ہزارروپے پنشن بہت کم ہے ۔قانون میں جوفارمولادیاہے اس کے مطابق بھی پنشن نہیں ملتی۔پنشن کو حاضروقت منیمم ویج کے برابر کیا جائے اورمینم ویج کی طرح ہرسال اضافہ کو یقینی بنایاجائے ۔
قانون میں ہے کہ اگرکسی بھی جگہ پر 5 یااس سے زیادہ مزدورکام کررہے ہیں تووہ رجسٹرہونا چاہیے یہEOBI کے ادارے کی ذمہ داری ہے کہ بڑے بڑے صنعتوں اور کاروباری اداروں کی رجسٹریشن کو یقینی بنائیں۔ جب کہ ایسانہیں بلکہ ہزاروں ملازمین کام کرتے ہیں اورچند سوملازمین رجسٹرڈ ہیں۔ جیسا کہ ایکسائیڈ بیٹری سائٹ ایریا فیروز ٹیکسٹائل ملز، لکی ٹیکسٹائل ملز، ارٹیسٹک ملز، ڈینم کلاتھنگ وغیرہ ماربل سیکٹر، پاور لومز، ہوزری گارمینٹس فیکٹریاں، بیکریاں اور نجی سیکورٹی گارڈ وغیرہ کمپنیاںشامل ہے ۔
پنشنرز کو دشواریوں کاسامنا :۔ محنت کشوںکو پنشن کیسوں میں غیر ضروری کاغذات طلب کرنے اورباربارچکرلگوانے کے عمل کی روک تھام کی جائے اور45 دن کا جو ٹائم دیتے ہیںاسی کے اندرپنشن بک ملنی چاہیے۔
لہٰذا نیشنل لیبرفیڈریشن موجودہ وفاقی حکومت سے یہ مطالبہ کرتی ہے کہ بوڑھے محنت کشوں ،بیوائوں اوریتیموں پررحم کھایا جائے اور انہیں ذلیل ورسوا ہونے سے بچایاجائے EOBI سے متعلق ان اہم مسائل پر غور وفکر کرتے ہوئے ان کو فوری حل کیاجائے۔ نیشنل لیبر فیڈریشن بوڑھے محنت کش پنشنرز کو تنہانہیں چھوڑے گی۔ NLF ان کے ساتھ شانہ بشانہ کھڑی ہے ۔ مزدوراس ادارہ سے بھی مایوس ہیں اس ادارے پر بھی خاص توجہ دے کر مزدوروں کی تیز ترین رجسٹریشن کرائی جائے اورسرمایہ داروں کے ظلم وبربریت سے نجات دلائی جائے۔
.ذریعہ: Jasarat News
پڑھیں:
نیشنل ڈیفنس یونیورسٹی میں مشق معرکہ بقا کیلئے سویلینز کی بھی نامزدگی
اسلام آباد:نیشنل ڈیفنس یونیورسٹی (این ڈی یو) میں فائنل مشق "معرکہ بقا" میں شرکت کے لیے 6 سویلین اراکین کی نامزدگی کردی گئی ہے۔
ایکسپریس نیوز کے مطابق یہ مشق معرکہ بقا نیشنل سیکیورٹی اینڈ وار کورس کا اہم حصہ ہے جو 26 مئی سے یکم جولائی 2025 تک این ڈی یو میں ہو رہی ہے، مشق معرکہ بقا کا صدارتی سیشن 16 جون کو ہوگا، جس میں 6 سول ارکان کو بھی مدعو کیا گیا ہے۔
نامزد افسران میں پاکستان ایڈمنسٹریٹو سروس کے سیکریٹری ای اینڈ پی خیبر پختونخوا محمد زبیر، پولیس سروس پاکستان کے او ایس ڈی محمد گوہر نفیس اور پولیس سروس پاکستان کے جوائنٹ ڈی جی انٹیلی جنس بیورو ثاقب اسماعیل میمن کو بھی نامزد کردیا گیا ہے۔
اسی طرح کامرس اینڈ ٹریڈ گروپ کے ڈائریکٹر جنرل ٹو وفاقی وزیرتجارت ڈاکٹر محمد عرفان، الیکشن کمیشن آف پاکستان کی ایڈیشنل ڈی جی (جی اینڈ ایس آئی) نگہت صدیقی اور سیکریٹریٹ گروپ کی جوائنٹ سیکریٹری ایکسپینڈیچر پلاننگ انیتا تراب بھی معرکہ بقا کے سیشن میں شرکت کریں گی۔
مزید بتایا گیا ہے کہ حکومت کی تمام نامزد افسران کو طے شدہ شیڈول کے مطابق مشق میں شرکت یقینی بنانے کی ہدایت کی گئی ہے۔
کراچی: معمار موڑ پر پولیس مقابلہ، 2 ڈاکو ہلاک