کراچی میں 11 روز تک لاپتہ رہنے والے صارم کو زیادتی کے بعد قتل کیا گیا، گردن ٹوٹی ہوئی تھی
اشاعت کی تاریخ: 20th, January 2025 GMT
کراچی:
نارتھ کراچی بیت النعم اپارٹمنٹ کے رہائشی کمسن صارم کو اغوا کے بعد زیادتی کا نشانہ بنا کر قتل کرنے کا تہلکہ خیز انکشاف سامنے آگئی۔
پولیس سرجن کی جانب سے مرتب کی جانے والی ابتدائی رپورٹ اینٹی وائلنٹ کرائم سیل پولیس کو فراہم کر دی گئی اس حوالے سے ایس ایس پی اینٹی وائلنٹ کرائم سیل انیل حیدر کے مطابق پولیس کو فراہم کی گئی رپورٹ میں بتایا گیا ہے کہ 7 سالہ صارم کو زیادتی کا نشانہ بنانے کی تصدیق کی گئی ہے جبکہ صارم کی گردن کی ہڈی بھی ٹوٹی ہوئی پائی گئی اور اُسے گلا دبا کر قتل کیا گیا۔
انیل حیدر کے مطابق صارم کو 5 روز قبل قتل کر کے اس کی لاش پھینکی گئی تھی اس رپورٹ کے حوالے سے پولیس سرجن ڈاکٹر سمیعہ سے رابطہ کیا تو انھوں نے ابتدائی رپورٹ اور کمسن صارم کے حوالے سے پولیس کی جانب سے دیئے جانے والے بیان کی تصدیق کرتے ہوئے مزید بتایا کہ ابھی کیمیکل ایگزامن رپورٹ آنا باقی ہے تاہم ابتدائی رپورٹ کے مطابق صارم سے زیادتی اور اس کی ہلاکت گلا دبا سے ہوئی تھی۔
واضح رہے کہ 7 سالہ صارم نارتھ کراچی سیکٹر فائیو کے بیت النعم اپارٹمنٹ کا رہائشی تھا جو 7 جنوری کو اپارٹمنٹ میں ہی قائم مدرسے سے اپنے بھائی کے ہمراہ پڑھ کر واپس گھر جاتے ہوئے فلیٹ کے اندر سے ہی لاپتہ ہوگیا تھا جس کی گمشدگی کا مقدمہ بلال کالونی پولیس نے والد کی مدعیت میں درج کیا تھا تاہم پولیس کی جانب سے اپارٹمنٹ کے زیر زمین ٹینکس ، اپارٹمنٹ کے تمام فلیٹس اور مشتبہ مقامات سمیت قریبی رشتے داروں کے گھروں کی بھی تلاشی لی گئی تھی جس میں صارم کا کوئی سراغ نہیں ملا تھا۔
پھر کمسن صارم کی 18 جنوری بروز ہفتے کو اپارٹمنٹ میں موجود پانی کے زیر زمین ٹینک سے مل گئی تھی، اینٹی وائلنٹ کرائم سیل پولیس کی بھاری نفری نے کمسن صارم کی لاش ملنے کے بعد اپارٹمنٹ کا دوبارہ سے معائنہ کیا اور سرچ آپریشن کے دوران اظہر نامی شخص کو حراست میں لے لیا جبکہ کچھ سامان بھی پولیس نے اپنے قبضے میں لیا ہے جس کا کیمیکل ایگزامن کرایا جا رہا ہے۔
کمسن صارم 3 بھائیوں میں دوسرے نمبر پر تھا جبکہ صارم کے دنیا سے چلے جانے کے بعد اس کے رہائشی اپارٹمنٹ میں اب تک سوگ کی فضا چھائی ہوئی ہے جبکہ ماں اور باپ کو تو یقین ہی نہیں آرہا کہ ان کا لخت جگر اس جہاں میں چلا گیا جہاں سے کسی کی واپسی ممکن نہیں ہے۔
.ذریعہ: Express News
پڑھیں:
فلسطینی قیدی پر تشدد کی ویڈیو افشا ہونے کے بعد اسرائیلی فوجی استغاثہ لاپتہ
اسرائیلی چینل 14 نے رپورٹ کیا کہ چیف آف اسٹاف نے انہیں اس شبہے میں عہدے سے ہٹا دیا کہ وہ فلسطینی قیدی پر حملے کی ویڈیو کے افشا میں ملوث تھیں، یہ ویڈیو سدی تیمان حراستی مرکز میں پیش آنے والے واقعے سے متعلق تھی۔ اسلام ٹائمز۔ عبرانی میڈیا نے خبر دی ہے کہ اسرائیلی فوج کی سابق فوجی استغاثہ (پراسیکیوٹر) یفات تومر یرو شالومی لاپتہ ہو گئی ہیں۔ یہ وہی افسر ہیں جنہوں نے حال ہی میں ایک فلسطینی اسیر پر تشدد کی ویڈیو افشا ہونے کے بعد اپنے عہدے سے استعفیٰ دے دیا تھا۔ عبرانی ذرائع ابلاغ کے مطابق یفات تومر یرو شالومی کے لاپتہ ہونے کے بعد اسرائیلی پولیس نے تلاش کی کارروائیاں شروع کر دی ہیں، وہ صبح کے وقت سے غائب ہیں اور ان کی گاڑی تل ابیب کے ساحل کے قریب سے ملی ہے۔
روزنامہ ہارٹز نے پولیس کے ایک ذریعے کے حوالے سے لکھا کہ استغاثہ کی جان کو خطرہ لاحق ہونے کا اندیشہ ہے۔ مزید یہ کہ ان کے گھر سے ایک خودکشی نوٹ بھی ملا ہے۔ اسرائیلی فوج کے ترجمان نے تصدیق کی ہے کہ چیف آف اسٹاف نے حکم دیا ہے کہ لاپتہ استغاثہ کی تلاش کے لیے فوج کے تمام وسائل استعمال کیے جائیں۔ یفات تومر یرو شالومی اسرائیلی فوج کی فوجی استغاثہ کی سربراہ تھیں۔ ان کو حال ہی میں ایال زامیر (چیف آف اسٹاف) کے حکم پر برطرف کر دیا گیا تھا۔
اسرائیلی چینل 14 نے رپورٹ کیا کہ چیف آف اسٹاف نے انہیں اس شبہے میں عہدے سے ہٹا دیا کہ وہ فلسطینی قیدی پر حملے کی ویڈیو کے افشا میں ملوث تھیں، یہ ویڈیو سدی تیمان حراستی مرکز میں پیش آنے والے واقعے سے متعلق تھی۔ وزیرِ جنگ نے بھی چیف آف اسٹاف کے فیصلے کی حمایت کرتے ہوئے کہا کہ فوجی استغاثہ جنرل اپنے عہدے پر واپس نہیں آئیں گی، کیونکہ وہ سدی تیمان کی ویڈیو کے انکشاف میں ملوث تھیں۔
ڈی جی این سی سی آئی اے وقار الدین سید کو عہدے سے ہٹا دیا گیا