ہر مشکل میں پاکستان کے ساتھ ہیں، نواف بن سعید
اشاعت کی تاریخ: 23rd, January 2025 GMT
اسلام آباد(آن لائن)سعودی سفیرنواف بن سعید المالکی سے چیئرمین مرکزی رؤیت ہلال کمیٹی مولانا سیدعبدالخبیر آزاد کی ملاقات ہوئی۔ ملاقات میں پاک سعودی دوستی و تعلقات،مذہبی ہم آہنگی،وحدت اُمت اور باہمی دلچسپی کے امور پر تبادلہ خیال کیاگیا۔مولانا سید عبدالخبیر آزادنے کہا کہ سعودی عرب سے پاکستان کی لازوال دوستی وتعلقات کوہ ہمالیہ سے بھی بلند ہیں،سعودی عرب نے ہر مشکل گھڑی میں وطن عزیز پاکستان کا ساتھ دیا اور دل کھول کر امداد کی، پاکستان سعودی عرب یک جان دو قالب کی مانند ہیں،ہم خادم الحرمین شریفین ملک سلمان بن عبدالعزیز حفظہ اللہ،امیرمحمد بن سلمان حفظہ اللہ اور سعودی عوام کا تہہ دل سے ممنون و مشکور ہیں۔ مولانا سیدعبدالخبیرآزادنے کہا کہ حال ہی میں حکومت پاکستان اور سعودی عرب کے درمیان جو تجارتی معاہدات ہوئے ہیں اس سے پاکستان کی معیشت مضبوط ہوگی،پاک سعودی دوستی و تعلقات میں سعودی سفیرنواف بن سعید المالکی حفظہ اللہ کا عظیم کردار ہے جسے ہم خراج تحسین پیش کرتے ہیں، خواتین کی تعلیم کے حوالے سے حال ہی میں بین الاقوامی کانفرنس کاانعقاد رابطہ عالم اسلامی اور حکومت پاکستان کا قابل تحسین عمل ہے۔سعودی سفیر نواف بن سعید المالکی نے کہا کہ ہم پاکستان کو اپنا دوسرا گھر سمجھتے ہیں،ہرمشکل گھڑی میں سعودی عرب پاکستان کے ساتھ ہے،دونوں ملکوں کے عوام کے دل ایک ساتھ دھڑکتے ہیں۔
.ذریعہ: Jasarat News
پڑھیں:
پاکستان میں ہیلتھ کا بجٹ گیارہ سو 56 بلین روپے ہے، سید مصطفی کمال
data-id="863a0a8" data-element_type="widget" data-widget_type="theme-post-content.default">
پاکستان کے وفاقی وزیر صحت سید مصطفی کمال نے سعودی دارالحکومت ریاض میں ریاض ہیلتھ کیئر لیڈرز فورم اور پاکستان ڈاکٹرز گروپ کی جانب سے تقریب میں سعودی عرب میں پاکستانی ڈاکٹرز سے اظہار خیال کرتے ہوئے کہا کہ پاکستان میں ہیلتھ کا بجٹ گیارہ سو 56 بلین روپے ہے ہماری کوشش ہے کہ میڈیکل کے شعبے میں اصلاحات لائیں جس سے پورے پاکستان کے لوگ بہتر انداز سے مستفید ہوسکیں۔ اس موقع پر وفاقی وزیر نے پاکستان ڈاکٹرز گروپ سعودی عرب کی کاوشوں کو سراہا کہ وہ سعودی عرب میں مقیم ہم وطنوں کو مفت طبی سہولیات بھی فراہم کر رہے ہیں اورپاکستان میں ہیلتھ کے شعبے میں بہتری لانے کا عزم رکھتے ہیں۔ ریاض سے وسیم خان کی رپورٹ کے مطابق وفاقی وزیرکا مزید کہنا تھا کہ موجودہ حکومت صحت کے مسائل کو حل کرنے کے لیے خصوصی توجہ دے رہی ہے ہمارا مقصد ہسپتالوں کو بہتر بنانے کے ساتھ ساتھ لوگوں کو بیماریوں سے بچاو کے حوالے سے اقدامات کرنا بھی ہے۔ تقریب میں دنیا بھر سے پاکستانی ڈاکٹرز، پروفیسرز اور ماہرین کی بڑی تعداد موجود تھی اس موقعہ پر ڈاکٹر ذکی الدین احمد ، ڈاکٹر عادل حیدر، ڈاکٹر اسد رومی اور پاکستان ڈاکٹرز گروپ کے صدر ڈاکٹر شہزاد احمد نے دنیا بھر میں میڈیکل کے شعبے میں نئی جدت، تجربات، تحقیق اور طریقہ علاج سمیت دیگر امور پر اظہار خیال کرتے ہوئے کہا کہ دنیا صحت مند معاشروں کو تشکیل دے رہی ہے اس لیے ضروری ہے کہ پاکستان میں بھی لوگوں کو بیماریوں سے بچانے کے لیے جدید میڈیکل سائنس کے اصولوں کو اپنایا جائے تاکہ ہماری موجودہ اور آئندہ نسلیں بیماریوں سے پاک معاشرے میں زندگی بسر کر سکیں۔
پاکستان نے بھارت کے 7 بالکل نئے خوبصورت طیارے مار گرائے، ٹرمپ