اسلام آباد میں رجسٹر گاڑیوں کی طلب ملک بھر میں زیادہ کیوں؟
اشاعت کی تاریخ: 23rd, January 2025 GMT
پنجاب حکومت کی جانب سے موٹر وہیکل آرڈیننس میں ایک ترمیم کی منظوری دی گئی ہے، جس کے تحت پنجاب کے رہائشیوں کو وفاقی دارالحکومت اسلام آباد میں گاڑیوں کی رجسٹریشن کروانے پر پابندی عائد کی جائے گی۔
مذکورہ ترمیم کچھ دن قبل صوبائی کابینہ کی جانب سے منظور کی گئی تھی، تاہم اسے قانون کا درجہ دینے کے لیے اب صوبائی اسمبلی کی منظوری ضروری ہوگی۔
یہ بھی پڑھیں: ٹوکن ٹیکس نادہندگان کی گاڑیوں کی رجسٹریشن منسوخ کرنے کا فیصلہ
واضح رہے کہ شہریوں کی ایک بڑی تعداد اسلام آباد سے گاڑیاں رجسٹر کروانے کے خواہاں ہوتے ہیں، ہر دوسرا شخص گاڑی خریدتے ہوئے یہ خیال رکھتا ہے کہ گاڑی اگر اسلام آباد نمبر مل جائے تو بہترین ہو جائے گا۔
پاکستان کے بڑے صوبوں کے عوام بھی اسلام آباد نمبر پلیٹ گاڑیاں لینے کے خواہشمند کیوں ہوتے ہیں اور انہیں اس کا کیا فائدہ ہوتا ہے؟ ان سوالوں کے ساتھ وی نیوز نے رابطہ کیا اسلام آباد کے ایکسائز اینڈ ٹیکسیشن ڈیپارٹمنٹ اسلام اباد سے تاکہ اس رجحان کو سمجھا جاسکے۔
مزید پڑھیں: اسلام آباد میں ای چالان کا نفاذ، عدم ادائیگی کی صورت میں کیا ہوگا؟
ایکسائز اینڈ ٹیکسیشن ڈیپارٹمنٹ اسلام آباد کے ڈائریکٹر بلال اعظم نے اس حوالے سے بات کرتے ہوئے کہا کہ اس کی سب سے پہلی وجہ یہ ہے کہ اسلام آباد ایکسائز اینڈ ٹیکسیشن ڈیپارٹمنٹ کی سروسز بہت بہترین ہیں۔
’ہم عوام کو ان کی دہلیز پر رجسٹریشن اور ٹرانسفر کی سہولت مہیا کر رہے ہیں، مزید برآں عوام الناس کی سہولت کے لیے آن لائن سہولت بھی میسر کی گئی ہے، رجسٹریشن اور ٹرانسفر کے بعد رجسٹریشن سرٹیفیکیٹ کی بروقت فراہمی کی وجہ سے شہری اسلام آباد ایکسائز سے رجسٹریشن کو ترجیح دیتے ہیں۔‘
اسلام آباد میں سالانہ بنیادوں پر کتنی گاڑیاں رجسٹرڈ ہوتی ہیں؟اس ضمن میں ڈائریکٹر ایکسائز اینڈ ٹیکسیشن ڈیپارٹمنٹ کا کہنا تھا کہ ایکسائز اینڈ ٹیکسیشن آفس اسلام آباد میں سال 2024 کے دوران 204508 گاڑیوں کی رجسٹریشن ہوئی جبکہ سال 2023 میں 205570 گاڑیوں کی رجسٹریشن کی گئی تھی، اسی طرح سال 2022 میں مجموعی طور پر 318871 گاڑیوں کی رجسٹریشن ہوئی تھی۔
اسلام آباد میں گاڑی رجسٹریشن کے لیے کیا درکار ہوتا ہے؟ایکسائز اینڈ ٹیکسیشن ڈیپارٹمنٹ کے سربراہ بلال اعظم کے مطابق اسلام آباد ایکسائز میں گاڑی کی رجسٹریشن کے لیے درخواست گزار کی بائیومیٹرک، شناختی کارڈ کی کاپی اور گاڑی کی خریداری کے کاغذات اور فارم ایف پر گاڑی کے کوائف کا ہونا لازمی ہوتا ہے۔
موٹر وہیکل آرڈیننس پنجاب میں ترمیم کا اسلام آباد ایکسائز ڈیپارٹمنٹ پر کیا اثر پڑے گا؟اس حوالے سے ڈائریکٹر ایکسائز اینڈ ٹیکسیشن ڈیپارٹمنٹ اسلام آباد بلال اعظم کا کہنا تھا کہ ان کے محکمے کا صوبائی آرڈیننس میں ترمیم سے کوئی تعلق نہیں ہے۔ اگر صوبہ پنجاب اپنی گاڑیوں کی رجسٹریشن کو محدود کر رہا ہے تو بیشک کرے، اسلام آباد کو اس سے فرق نہیں پڑتا۔
’ایکسائز اینڈ ٹیکسیشن ڈیپارٹمنٹ اسلام آباد گزشتہ کئی سالوں سے حکومت کی طرف سے مقررہ اہداف کو پورا کر رہا ہے اور آئندہ حکومت کی طرف سے مقرر کیے گئے اہداف کو بھی پورا کیا جائے گا۔‘
مزید پڑھیں: پنجاب میں گاڑیوں کی من پسند نمبر پلیٹ اسکیم کا اجرا
دارالحکومت کے سیکٹر جی9 مرکز میں گاڑیوں کی خریدوفروخت کے کاروبار سے وابستہ عمران لطیف کا کہنا تھا کہ کم و بیش تمام خریداروں کی ڈیمانڈ یہی ہوتی ہے کہ انہیں صرف اسلام آباد نمبر والی گاڑی چاہیے۔ ’اسلام آباد میں رہنے والوں کی یہ فرمائش تو سمجھ میں آتی ہے لیکن باقی صوبوں سے آئے شہریوں کا بھی یہی تقاضا ہوتا ہے کہ انہیں اسلام آباد نمبر کی گاڑی چاہیے۔‘
عمران لطیف کے مطابق اسلام آباد کی گاڑیاں صاف ستھری ہوتی ہیں، یہاں کی 15 سال چلی ہوئی گاڑی بھی باقی صوبوں میں چلی ہوئی 8 سے 10 سال پرانی گاڑی کے برابر ہوتی ہیں۔ ’۔۔۔کیونکہ اسلام آباد کا انفراسٹرکچر بہترین ہے۔ یہاں پر سڑکیں اچھی ہیں اور گاڑی ایوریج بھی اچھی دیتی ہے۔‘
مزید پڑھیں:پنجاب میں امپورٹڈ گاڑیاں خریدنا اب اور بھی مشکل کیوں؟
عمران لطیف کا کہنا ہے کہ اسلام آباد نمبر والی گاڑیاں اس لیے بھی لوگ ترجیح دیتے ہیں کیونکہ گاڑی بیچنے میں کوئی مسئلہ نہیں ہوتا، جتنے کی خریدی اتنے میں ہی یا اس سے زیادہ کی بیچی جاسکتی ہے۔ ’پہلے لاہور نمبر بھی قابل اعتبار ہوا کرتا تھا لیکن اب دو نمبریوں کی وجہ سے اس کی مانگ میں کمی آئی ہے۔‘
کار ڈیلرز کے مطابق اسلام آباد کی رجسٹریشن پلیٹ کی وجہ سے گاڑی کی قیمت میں تقریبا 1 لاکھ تک کا فرق پڑ جاتا ہے حالانکہ نمبر میں کچھ بھی نہیں ہوتا اور نہ ہی اس کی قانونی حثیت میں تبدیلی آتی ہے۔
مزید پڑھیں: ایمنسٹی اسکیم: کیا آپ بھی تھوڑے پیسے دیکر نان کسٹم پیڈ گاڑی خرید سکتے ہیں؟
کراچی کے شہری بھی اسلام آباد کی گاڑی لینا پسند کرتے ہیں کیونکہ یہاں گاڑی بہترین حالت میں مل جاتی ہے جبکہ کراچی میں سمندر کی نمی کی وجہ سے گاڑیوں کو زنگ لگنا شروع ہو جاتا ہے۔ جبکہ اسلام آباد کی گاڑیوں کا ایسا کوئی مسئلہ نہیں ہوتا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام اباد پنجاب رجسٹر گاڑیوں کراچی موٹر وہیکل آرڈیننس.ذریعہ: WE News
کلیدی لفظ: اسلام اباد رجسٹر گاڑیوں کراچی گاڑیوں کی رجسٹریشن اسلام آباد میں باد ایکسائز اسلام ا باد مزید پڑھیں کی وجہ سے میں گاڑی کہ اسلام کا کہنا کی گاڑی ہوتا ہے باد کی کے لیے
پڑھیں:
اسلام آباد میں ریسٹورنٹس اور فوڈ پوائنٹس کیلیے نئے ایس او پیز جاری
اسلام آباد میں ریسٹورنٹس اور فوڈ پوائنٹس کیلیے نئے ایس او پیز جاری WhatsAppFacebookTwitter 0 1 November, 2025 سب نیوز
اسلام آباد (آئی پی ایس )وفاقی دارالحکومت میں ریسٹورنٹس اور فوڈ پوائنٹس کے لیے نئے قواعد و ضوابط جاری کردیے گئے ہیں۔فوڈ اتھارٹی کی جانب سے جاری ایس او پیز کے مطابق ریسٹورنٹس کے شیف اور ویٹرز کے لیے کیپ کا استعمال لازمی قرار دیا گیا ہے جبکہ فوڈ سے ڈیل کرنے والے تمام عملے کے لیے سیفٹی کیپ استعمال کرنا لازمی ہوگا۔
ایس او پیز کے مطابق کیپ کا استعمال حفظان صحت کے اصولوں کو مدنظر رکھتے ہوئے لازمی قرار دیا گیا، خلاف ورزی کی صورت میں فوڈ پوائنٹ/ریسٹورنٹ فی الفور سیل ہوگا۔فوڈ اتھارٹی نے شہریوں سے اپیل کی ہے کہ وہ ان ریسٹورنٹس کی نشاندہی کریں جہاں پر عملہ بغیر کیپ کے کام کررہا ہے۔
ڈاریکٹر فوڈ اتھارٹی نے ایس او پیز جاری کرتے ہوئے ٹیموں کو مختلف ایریاز میں انسپکشنز کی ہدایت بھی جاری کردی۔انہوں نے کہا کہ فوڈ اتھارٹی ٹیمز ایس او پیز پر عمل درآمد کے لیے مختلف فوڈ پوائنٹس/ریسٹورنٹس کی سرپرائز انسپکشن کریں، شہری خلاف ورزی کرنے والے ریسٹورنٹس کے خلاف کاروائیوں میں ہمارا ساتھ دیں۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبراسلام آباد بار کونسل انتخابات،نتائج سامنے آ گئے،حامد خان گروپ صرف ایک سیٹ پر کامیاب اسلام آباد بار کونسل انتخابات،نتائج سامنے آ گئے،حامد خان گروپ صرف ایک سیٹ پر کامیاب سابق وزیراعلی سندھ آفتاب شعبان میرانی انتقال کرگئے،صدر مملکت کا اظہار تعزیت غزہ میں عالمی فورس کیلئے اقوام متحدہ کا مینڈیٹ ضروری ہے، اردن اور جرمنی کا موقف سپریم کورٹ آف پاکستان کے آئندہ عدالتی ہفتے کے بینچز تشکیل بیرون ممالک کا ایجنڈا ہمارے خلاف کام کررہا ہے: مولانا فضل الرحمان پی ٹی آئی کی سابق قیادت کا حکومتی وزرا اور فضل الرحمان سے ملاقاتوں کا فیصلہCopyright © 2025, All Rights Reserved
رابطہ کریں ہماری ٹیم
عہدِ حاضر میں مارکسزم کی معنویت (حصہ اول)