براہِ راست ٹھیکوں کا معاملہ، اپوزیشن لیڈر سٹی کونسل کی فریق بننے کی استدعا مسترد
اشاعت کی تاریخ: 28th, January 2025 GMT
بلدیہ عظمیٰ کراچی کی جانب سے براہِ راست ٹھیکے دیے جانے کے خلاف درخواست کی سماعت کے دوران سندھ ہائی کورٹ نے اپوزیشن لیڈر سٹی کونسل کی فریق بننے کی درخواست مسترد کر دی ہے۔
سندھ ہائی کورٹ میں براہِ راست ٹھیکے دیے جانے کے خلاف درخواست یونائٹیڈ فرینڈز کنٹریکٹرز ایسوسی ایشن نے دائر کر رکھی ہے۔
سٹی کونسل میں اپوزیشن لیڈر سیف الدین کے فریق بننے کی درخواست پر سماعت کے دوران اُن کے وکیل عثمان فاروق ایڈوو کیٹ نے کہا کہ عوامی مسئلے کے پیشِ نظر اپوزیشن لیڈر درخواست میں فریق بن کر دستاویز فراہم کرنا چاہتےہیں، کے ایم سی نے اپنے جواب میں 2 ارب روپے جاری کرنے کا اعتراف کیا ہے۔
سندھ ہائی کورٹ میں رہنما تحریک انصاف خرم شیر زمان کی درخواست پر الیکشن پٹیشن کی دوسرے ٹریبونل منتقلی کےخلاف سماعت ہوئی۔
سماعت کے دوران چیف جسٹس نے کہا کہ یہ درخواست براہِ راست ورک آرڈرز جاری کرنے کے خلاف ہے، اس نکتے پر مطمئن کریں اور اس کام کے لیے درخواست گزار کے وکیل اور سرکاری مشینری موجود ہے۔
عدالت نے اپوزیشن لیڈر سٹی کونسل کی فریق بننے کی درخواست مسترد کرتے ہوئے کیس کی مزید سماعت 3 فروری تک ملتوی کر دی۔
.ذریعہ: Jang News
کلیدی لفظ: اپوزیشن لیڈر فریق بننے کی کی درخواست سٹی کونسل
پڑھیں:
ڈکی بھائی جوا ایپ کیس میں اہم پیشرفت
لاہور ہائیکورٹ نے یوٹیوبر سعد الرحمٰن عرف ڈکی بھائی کی درخواست ضمانت سماعت کے لیے مقرر کردی۔
ایکسپریس نیوز کے مطابق جسٹس فاروق حیدر آج ڈکی بھائی کی ضمانت بعد ازگرفتاری پر سماعت کریں گے۔
سعد الرحمان عرف ڈکی بھائی نے جوئے کی ایپ کے پروموشن کے مقدمے میں درخواست ضمانت دائر کی تھی۔
درخواست میں موقف اختیار کیا گیا تھا کہ درخواست گزار کو بیرون ملک جاتے ہوئے این سی سی آئی اے نے ائیرپورٹ سے گرفتار کیا، این سی سی آئی اے نے کبھی نوٹس بھجوا کر طلب نہیں کیا۔
درخواست میں یہ بھی بتایا گیا کہ درخواست گزار جسمانی ریمانڈ پر دس روز تک این سی سی آئی اے کی تحویل میں رہے۔
پشاور میں ہسپانوی ثقافت کی جھلک، فلیمنکو رقص نے سماں باندھ دیا