خصوصی افراد اور ڈونرز کیلئے وہیل چیئر کے نشان والے تاحیات منفرد شناختی کارڈ کا اجرا
اشاعت کی تاریخ: 28th, January 2025 GMT
کراچی:
نادرا کی جانب سے خصوصی افراد اور اعضاء عطیہ کرنے والے افراد کے لیے منفرد شناختی کارڈز کا اجراء کیا جائے گا۔
ترجمان نادرا کے مطابق حکومت پاکستان نے قومی شناختی کارڈ کے قوانین مجریہ 2002 میں ترامیم کی منظوری دے دی۔ ترامیم کے تحت خصوصی افراد اور اعضاء عطیہ کرنے والے افراد کے لیے منفرد شناختی کارڈز کا اجراء کیا جائے گا، جس کا مقصد ان کی سہولتوں میں اضافہ اور شناخت کو مزید مؤثر بنانا ہے۔
ترجمان نادرا نے کہا کہ خصوصی افراد کے لیے تاحیات میعاد کے ساتھ ایک منفرد شناختی کارڈ جاری کیا جائے گا۔ یہ کارڈ پاکستان میں اور بیرون ملک مقیم پاکستانیوں کو وہیل چیئر کے لوگو کے ساتھ فراہم کیا جائے گا۔ خصوصی بچوں کے ب فارم یا جووینائل کارڈ پر بھی وہیل چیئر کا نشان شامل ہوگا۔
خصوصی افراد کے لیے متعلقہ وفاقی یا صوبائی اداروں میں اندراج کو ضروری قرار دیا گیا ہے۔ مزید برآں، اعضاء عطیہ کرنے والے افراد کو بھی تاحیات میعاد کے ساتھ ایک خصوصی کارڈ فراہم کیا جائے گا، جس پر وہیل چیئر اور ڈونر دونوں کے نشانات ہوں گے۔ اعضاء کے عطیہ کے لیے متعلقہ ڈونر رجسٹریشن اتھارٹیز میں اندراج ضروری ہوگا۔
ترجمان نادرا نے بتایا کہ قواعد میں ترامیم کا نوٹیفکیشن آئندہ گزٹ آف پاکستان میں شائع ہونے کے بعد نافذ العمل ہو گا، جس کے بعد یہ تبدیلیاں باقاعدہ طور پر لاگو کی جائیں گی۔
.ذریعہ: Express News
کلیدی لفظ: منفرد شناختی کارڈ افراد کے لیے خصوصی افراد کیا جائے گا وہیل چیئر
پڑھیں:
ڈی سی ایل سیزن 11، ٹی زیڈ اسپورٹس،عامر اسپورٹس کامیاب
data-id="863a0a8" data-element_type="widget" data-widget_type="theme-post-content.default">
251104-02-17
کراچی (پ ر) دمبہ گوٹھ سپر لیگ ڈی سی ایل سیزن11میں ٹی زیڈ اسپورٹس نے الرافع اسپورٹس کو شکست دے دی۔ ٹی زیڈ اسپورٹس کے کاشف جوکھیو نے شاندار نصف سنچری بنائی اور مین آف دی میچ ایوارڈ حاصل کیا ، ٹی زیڈ اسپورٹس کے اونر کی جانب سے ففٹی بنانے پر دس ہزار نقد انعام بھی دیا گیا۔ دوسرے میچ میں عامر اسپورٹس کی ٹیم نے میدان مار لیا۔ مین آف دی میچ کاشف معسود نے دھواں دھار اننگ کی بدولت حاصل کیا۔ مہمان خصوصی سماجی رہنما احمد چوہان، کامران خان ترین، شیخ ساجد کریم ، عبدالخالق پالاری، فیصل و دیگر نے خصوصی شرکت کی۔ جیلانی اسپورٹس اکیڈمی دمبہ گوٹھ میں شائقین کی بڑی تعداد اپنی ٹیموں کی حوصلہ افزائی کیلئے موجود تھی جیلانی اسپورٹس اکیڈمی دمبہ گوٹھ میں رات میں بھی عوام کی بڑی تعداد اپنے من پسند کھلاڑیوں کی کارکردگی دیکھنے کیلئے جمع تھی۔ چوکوں ، چھکوں کی برسات میں انعامات بھی بانٹے جارہے تھے۔ شائقین کی بڑی تعداد اپنی ٹیموں کی حوصلہ افزائی کیلئے موجود تھی۔ مہمان خصوصی سماجی رہنما احمد چوہان، کامران خان ترین، شیخ ساجد کریم نے کہا کہ کرکٹ کو فروغ دینے کیلئے کام کرتے رہیں گے، شہر سے دور دمبہ گوٹھ میں کرکٹ ٹورنامنٹ میں 18 ٹیموں کی شرکت خوش آئند ہے، نوجوانوں کو صلاحتیں دکھانے کے بھرپور مواقع مل رہے ہیں، الرافع اسپورٹس کے کپتان نے کہا کہ ڈی سی ایل میں تمام ٹیموں کو یکساں مواقع مل رہے ہیں، ہرمیچ ڈو اور ڈائی کے تحت کھیلا جارہا ہے، بہت مزہ آرہا ہے۔
ہم طالبان کو دوبارہ غاروں میں دھکیلنے کی صلاحیت رکھتے ہیں: وزیر دفاع خواجہ آصف