جامعہ کراچی اور گورنر انیشی ایٹو کے درمیان معاہدے پر دستخط
اشاعت کی تاریخ: 28th, January 2025 GMT
جامعہ کراچی اور گورنر انیشی ایٹو کے درمیان معاہدے پر دستخط ہوگئے۔
گورنر ہاؤس میں جامعہ کراچی اور گورنر انیشی ایٹو کے درمیان معاہدے پر دستخط کے موقع پر خطاب میں ایم کیو ایم پاکستان کے سربراہ اور وفاقی وزیر تعلیم خالد مقبول صدیقی نے کہا ہے کہ گورنر سندھ ملک کا مستقبل تعمیر کر رہے ہیں۔
انکا کہنا تھا کہ جس مقصد کےلیے پاکستان وجود میں آیا اسی پر گورنر سندھ کام کر رہے ہیں، ایم کیو ایم نے کبھی نہیں کہا کہ ہم گورنر ہاؤس میں یونیورسٹی بنائیں گے۔
خالد مقبول صدیقی نے کہا کہ سندھ میں تعلیم کا بجٹ سو فیصد وزیراعلیٰ سندھ کے پاس جاتا ہے، گورنر سندھ کے پاس سندھ کے بجٹ سے ایک روپیہ نہیں جاتا۔
گورنر سندھ کامران ٹیسوری نے تقریب سے خطاب میں کہا پریشان ہوتا تھا کہ یہاں کورس مکمل ہونے کے بعد کیا ہوگا، سوچتا تھا کہ جب بچوں سے سوال ہوگا کہ سرٹیفکیٹ کہاں ہے تو کیا جواب دیں گے۔
ایم کیو ایم کے رہنما امین الحق نے تقریب سے خطاب کرتے ہوئے کہا کہ چیئرمین ایم کیو ایم کی ہدایات پر کامران ٹیسوری دن رات کام کر رہے ہیں۔
انکا کہنا تھا کہ وہ وقت دور نہیں جب طلباء کو ان کی محنت کا صلہ ملے گا۔ وائس چانسلر کراچی یونیورسٹی خالد محمود عراقی تقریب سے خطاب کرتے ہوئے کہا کہ آج جامعہ کراچی اور گورنر انیشی ایٹو کے درمیان معاہدہ ہوا۔
انھوں نے کہا کہ یہاں سے پاس آؤٹ ہونے والوں کو جامعہ کراچی سے سرٹیفکیٹ ملے گا۔
.ذریعہ: Jang News
کلیدی لفظ: ایم کیو ایم گورنر سندھ کہا کہ تھا کہ
پڑھیں:
سندھ طاس معاہدے پر عالمی بینک کی حمایت پر وزیرِاعظم کا اظہارِ تشکر
وزیرِاعظم شہباز شریف نے سندھ طاس معاہدے پر پاکستان کے مؤقف کی اصولی حمایت کرنے پر عالمی بینک کا شکریہ ادا کرتے ہوئے اعادہ کیا کہ پاکستان بین الاقوامی قانون کی پاسداری اور علاقائی مسائل کے حل کے لیے بات چیت کے ذریعے کوششیں جاری رکھے گا۔
وزیر اعظم نے جمعرات کو مشرقِ وسطیٰ، شمالی افریقہ، افغانستان اور پاکستان کے لیے عالمی بینک کے علاقائی نائب صدر عثمان دیون سے اسلام آباد میں ملاقات کے دوران کہی، جس میں دو طرفہ تعاون، ترقیاتی اہداف اور طویل المدتی شراکت داری پر تبادلہ خیال کیا گیا۔
یہ بھی پڑھیں: سندھ طاس معاہدہ معطل کرنے کا بھارتی اقدام غیرقانونی قرار، پاکستان کا خیرمقدم
وزیرِاعظم نے کہا کہ بھارت کی یکطرفہ اور غیر قانونی کارروائیوں کے باعث اہم بین الاقوامی معاہدوں، جیسے کہ سندھ طاس معاہدہ، کو کمزور کرنے کی کوششوں کے تناظر میں پاکستان کے مؤقف کی حمایت قابلِ تحسین ہے۔
انہوں نے عالمی بینک کے ساتھ طویل مدتی شراکت داری پر دلی تشکر کا اظہار کیا، اور خاص طور پر عالمی بینک کے صدر اجے بانگا اور پاکستان کے سابق کنٹری ڈائریکٹر ناجی بنحسین کا پاکستان کے لیے نئے کنٹری پارٹنرشپ فریم ورک کو آگے بڑھانے میں کردار پر شکریہ ادا کیا۔
مزید پڑھیں: ثالثی عدالت کا فیصلہ پاکستانی مؤقف کی تائید، بھارت یکطرفہ سندھ طاس معاہدہ معطل نہیں کرسکتا، وزیراعظم
وزیرِاعظم نے کنٹری پارٹنرشپ فریم کے ذریعے توانائی، انسانی وسائل، موسمیاتی تبدیلی اور گورننس اصلاحات کے شعبوں میں ترقیاتی ترجیحات کے لیے عالمی بینک کے تذویراتی کردار کو سراہا، انہوں نے 2022 کے تباہ کن سیلابوں کے دوران عالمی بینک کی مدد پر بھی شکریہ ادا کیا، جس سے فوری امدادی سرگرمیاں شروع کرنے اور بحالی کے اقدامات ممکن ہوئے۔
اس موقع پر عثمان دیون نے پاکستان میں پُرتپاک میزبانی پر وزیرِاعظم کا شکریہ ادا کرتے ہوئے کہا کہ عالمی بینک پاکستان کے ساتھ اپنی دیرینہ شراکت داری کو مزید وسعت دینے کے لیے پرعزم ہے، انہوں نے پاکستان کی معاشی بحالی کے عمل کو سراہتے ہوئے مالیاتی استحکام و پائیدار ترقی کی طرف بڑھنے پر حکومت کی کوششوں کی تعریف کی۔
مزید پڑھیں: بھارت کو عالمی عدالت میں سبکی کا سامنا کرنا پڑا، سندھ طاس معاہدے سے نکل نہیں سکتا، وزیراعظم شہباز شریف
انہوں نے وزیرِاعظم شہباز شریف کی قیادت کو ادارہ جاتی اصلاحات، سرمایہ کاروں کا اعتماد بحال کرنے اور جامع معاشی ترقی کے فروغ میں اہم قرار دیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انسانی وسائل توانائی سندھ طاس معاہدے شہباز شریف عالمی بینک وزیر اعظم
اسحاق ڈار کی آسٹریلیا کی وزیرِ خارجہ سے ملاقات, اعلیٰ سطحی سیاسی روابط بڑھانے پر اتفاق