وزیراعظم کا سعودی شہزادہ محمد بن فہد کے انتقال پر اظہار افسوس
اشاعت کی تاریخ: 29th, January 2025 GMT
فائل فوٹو
وزیراعظم شہباز شریف نے سعودی عرب کے شہزادہ محمد بن فہد کے انتقال پر اظہار افسوس کیا ہے۔
وزیراعظم کا اپنے بیان میں کہنا ہے کہ شہزادہ محمد بن فہد کے انتقال کی خبر سن کر دکھ ہوا، انہوں نے پاکستانی عوام کی طرف سے شاہ سلمان بن عبدالعزیز، محمد بن سلمان سے اظہار تعزیت بھی کیا۔
شہباز شریف نے سعودی شاہی خاندان کے ارکان اور سعودی عوام کے ساتھ بھی اظہار تعزیت کیا ہے۔
وزیر اعظم کا کہنا ہے کہ شہزادہ محمد بن فہد کی سعودی عرب کے لیے شاندار خدمات کو ہمیشہ یاد رکھا جائے گا۔
واضح رہے کہ شہزادہ محمد بن فہد مشرقی صوبے کے سابق گورنر اور فہد بن عبدالعزیز مرحوم کے صاحبزادے تھے۔
ذریعہ: Jang News
کلیدی لفظ: شہزادہ محمد بن فہد
پڑھیں:
ٹرمپ کا سعودی ولی عہد محمد بن سلمان کے اعزاز میں عشائیہ، کونسی اہم شخصیات شریک ہوئیں؟
وائٹ ہاؤس میں امریکی صدر ڈونلڈ ٹرمپ کی جانب سے سعودی ولی عہد شہزادہ محمد بن سلمان کے اعزاز میں دیے گئے بلیک ٹائی ڈنر میں دنیا کی سیاست، کاروبار اور کھیل سے تعلق رکھنے والی غیر معمولی شخصیات نے شرکت کی۔
اس تقریب میں سب سے زیادہ توجہ عالمی فٹبال اسٹار کرسٹیانو رونالڈو نے حاصل کی، جو سعودی کلب النصر کی نمائندگی کرتے ہیں اور اس وقت سعودی پرو لیگ کے سب سے بڑے نام ہیں۔ فیفا کے صدر جیانی انفانٹینو بھی اس تقریب میں شریک تھے۔
یہ بھی پڑھیے: صدر ٹرمپ سے سعودی ولی عہد شہزادہ محمد بن سلمان کی ملاقات، سرمایہ کاری ایک ٹریلین ڈالر تک لے جانے کا اعلان
تقریب میں ٹیکنالوجی کی دنیا کے بڑے نام بھی موجود تھے، جن میں ایلون مسک نمایاں تھے۔ اس کے ساتھ ایپل کے سی ای او ٹِم کُک بھی ڈنر کا حصہ بنے، جو حال ہی میں سعودی عرب میں ایپل اسٹورز کھولنے کے اعلان کے بعد خطے کے ساتھ کاروباری تعلقات مزید بڑھا رہے ہیں۔
ٹیکنالوجی کمپنی ڈیل کے سربراہ مائیکل ڈیل نے بھی شرکت کی، جو سعودی عرب میں نئے ٹیک مراکز کھولنے اور آرامکو کے ساتھ تکنیکی تعاون کے منصوبوں کے باعث اس وقت سعودی مارکیٹ میں سرگرم ہیں۔ دنیا کی سب سے بڑی چپ ساز کمپنیوں کے سربراہان بھی محفل میں موجود تھے، جن میں نیویڈیا کے جینسن ہوانگ اور اے ایم ڈی کی لیسا سو شامل تھیں۔
مالیاتی دنیا کی سرکردہ شخصیات میں سٹی گروپ کی سربراہ جین فریزر نمایاں تھیں، جو حال ہی میں امریکا سعودی بزنس کونسل کی شریک چیئر بنی ہیں اور جن کا ادارہ سعودی عرب کے ساتھ کئی بڑے مالیاتی منصوبوں میں شامل ہے۔
یہ بھی پڑھیے: ٹرمپ نے سعودی عرب کو اہم نان نیٹو اتحادی کا درجہ دیدیا
تقریب میں عالمی سرمایہ کاری کے بڑے نام اسٹیفن اے شوارٹزمین بھی شریک تھے، جن کی کمپنی بلیک اسٹون برسوں سے سعودی سرمایہ کاری کے بڑے منصوبے چلا رہی ہے اور جن کے رئیاض سے تجارتی روابط انتہائی مضبوط ہیں۔
توانائی کے شعبے کی نمائندگی شیورون کے چیف ایگزیکٹو مائیک ورتھ نے کی، جن کے ادارے کی سعودی عرب میں کئی دہائیوں پر محیط شراکت داری ہے۔ تعمیرات کی دنیا میں نمایاں مقام رکھنے والے بیچٹل کے سی ای او برینڈن بیکٹل بھی تقریب کا حصہ تھے، جن کی کمپنی سعودی عرب میں سینکڑوں ترقیاتی منصوبوں پر کام کر چکی ہے۔
یہ بھی پڑھیے: سعودی ولی عہد محمد بن سلمان سے ملاقات باعثِ مسرت اور اعزاز تھی، وزیراعظم شہباز شریف کا خصوصی پیغام
امریکی آٹو انڈسٹری کی دو بڑی شخصیات جنرل موٹرز کی سربراہ میری بارا اور فورڈ موٹر کے ایگزیکٹو چیئرمین ولیم فورڈ جونیئر بھی شرکت کنندگان میں شامل تھے، جو سعودی مارکیٹ کی بڑھتی ہوئی اہمیت اور ٹرمپ انتظامیہ کی تجارتی پالیسیوں کے اثرات کے تناظر میں ڈنر میں موجود رہے۔ تقریب میں ٹرمپ خاندان کی نمائندگی ڈونلڈ ٹرمپ جونیئر نے کی، جو ٹرمپ آرگنائزیشن کے اہم رہنما ہیں اور سعودی عرب کے ساتھ رئیل اسٹیٹ اور دیگر کاروباری منصوبوں میں فعال کردار ادا کرتے رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایلون مسک ٹرمپ رونالڈو محمد بن سلمان
اسلام آباد، خودکش دھماکے کے بعد فیڈرل جوڈیشل کمپلیکس کھول دیا گیا