دودی خان سے شادی،راکھی ساونت نے بڑی بات کہہ دی
اشاعت کی تاریخ: 1st, February 2025 GMT
کراچی(شوبز ڈیسک)بھارت کی متنازع اداکارہ راکھی ساونت نے کہا ہے کہ انہوں نے پاکستانی اداکار و ماڈل دودی خان سے شادی کے لیے رضامندی ظاہر کی تو انہیں غدار کہا گیا، ان کے خلاف فتوے نکالے گئے۔
راکھی ساونت نے حال ہی میں بھارتی صحافی کو انٹرویو دیا، جس میں انہوں نے دودی خان سے تعلقات، دوستی اور شادی کے معاملے پر کھل کر بات کی۔
اداکارہ نے کہا کہ دودی خان بہادر انسان ہے، وہ پاکستانی ہے لیکن ان کے پاس یورپی ملک نیدرلینڈ کا پاسپورٹ ہے، وہ بھارت آ سکتے ہیں، پہلے بھی آ چکے ہیں۔
ان کے مطابق دودی خان بھارتیوں کی دھمکیوں اور ٹرولنگ سے ڈر گئے، انہیں لگا کہ اگر وہ راکھی ساونت سے شادی کے لیے بھارت جائیں گے تو بھارتی ان کی بینڈ بجا دیں گے۔
انہوں نے دعویٰ کیا کہ ان کے اور دودی خان کے درمیان دو، ڈھائی سال سے دوستی ہے اور جب انہوں نے پاکستانی اداکار کی پیش کش پر ان سے شادی کے لیے رضامندی ظاہر کی تو بھارتیوں کو مرچیں لگ گئیں۔
راکھی ساونت کا کہنا تھا کہ بھارتی پاکستان کے خلاف فلمیں بنا کر پیسے کمانا درست سمجھتے ہیں، فلموں میں پاکستان کو غلط اور خراب دکھایا جاتا ہے، وہاں کچھ نہیں ہوتا۔
انہوں نے یہ بھی سوال اٹھایا کہ جب پاکستانی خاتون سیما نے وہاں سے آکر بھارتی لڑکے سچن سے شادی کی تو سب بھارتی خوش ہوئے اور سیما کو دیش کو بہو سمجھنے اور کہنے لگے۔
اداکارہ کا کہنا تھا کہ اب وہ پاکستان کی بہو بننا چاہتی ہیں تو سب بھارتیوں کو آگ لگ گئی، انہیں مرچیں لگنے لگی ہیں۔
View this post on InstagramA post shared by Dodi Khan (@dodi_khan)
راکھی ساونت نے یہ دعویٰ بھی کیا کہ میڈیا میں غلط رپورٹنگ اور منفی پروپیگنڈے کی وجہ سے بھی دودی خان ان سے شادی کرنے سے پیچھے ہٹے ہیں۔
انہوں نے یہ سوال اٹھایا کہ متحدہ عرب امارات (یو اے ای) میں مقیم پاکستانی اور بھارتی افراد نے ایک دوسرے سے شادیاں کر رکھی ہیں لیکن وہاں کوئی کچھ نہیں بولتا۔
ان کے مطابق بیرون ممالک رہنے والے کروڑوں پاکستانیوں اور بھارتیوں نے ایک دوسرے سے شادیاں رچا رکھی ہیں لیکن صرف انہیں ٹارگٹ کیا گیا، انہیں غدار کہا گیا، ان کے خلاف فتوے نکالے گئے۔
View this post on InstagramA post shared by Awareness Now (@india.
خیال رہے کہ چند دن قبل پاکستانی اداکار و ماڈل دودی خان نے انسٹاگرام ویڈیو میں راکھی ساونت کو شادی کی پیش کش کی تھی۔
بعد ازاں دودی خان نے ایک اور ویڈیو میں بتایا کہ اب وہ لوگوں کی تنقید کی وجہ سے راکھی ساونت سے شادی نہیں کر سکتے، انہیں ٹرول کیا گیا لیکن وہ بھارتی اداکارہ کی شادی کسی دوسرے پاکستانی سے کروانے کو تیار ہیں۔
دودی خان کی جانب سے مکر جانے کے بعد اب راکھی ساونت نے کہا ہے کہ پاکستانی لڑکے سے شادی کے لیے رضامند ہونے پر بھارت میں بھی ان کے خلاف فتوے نکالے گئے، انہیں غدار کہا گیا۔
View this post on InstagramA post shared by Dodi Khan (@dodi_khan)
مزیدپڑھیں:مفت سولر پینل اسکیم میں درخواست کاسٹیٹس چیک کرنے کا طریقہ کار سامنے آگیا
ذریعہ: Daily Ausaf
کلیدی لفظ: راکھی ساونت نے سے شادی کے لیے ان کے خلاف انہوں نے
پڑھیں:
اراکین پارلیمنٹ عوام کے ووٹ سے آتے ہیں، انہیں عوامی مسائل کا علم ہونا چاہیے، جج سپریم کورٹ
اسلام آباد(ڈیلی پاکستان آن لائن)سپریم کورٹ کے جج جسٹس حسن اظہر رضوی نے سپر ٹیکس سے متعلق درخواستوں پر سماعت کے دوران ریمارکس دیئے ہیں کہ اراکین پارلیمنٹ عوام کے ووٹ سے آتے ہیں، انہیں پتا ہونا چاہیے کہ عوامی مسائل کیا ہیں۔
نجی ٹی وی چینل ایکسپریس نیوز کے مطابق سپریم کورٹ میں سپر ٹیکس سے متعلق درخواستوں پر سماعت ہوئی، جسٹس امین الدین خان کی سربراہی میں پانچ رکنی آئینی بینچ نے کیس کی سماعت کی۔
ٹیکس پیئر کے وکیل خالد جاوید نے دلائل کا آغاز کیا، جسٹس جمال خان مندوخیل نے استفسار کیا کہ پارلیمنٹ میں بل لانے کا طریقہ کار کیا ہے۔
پاکستان اور بھارت آج ایک اور کھیل کے میدان میں آمنے سامنے آئیں گے
وکیل ٹیکس پیئر نے مؤقف اپنایا کہ پالیسی میکنگ اور ٹیکس کلیکٹر دو مختلف چیزیں ہیں، ٹیکس کلیکٹر ایف بی آر میں سے ہوتے ہیں جو ٹیکس اکھٹا کرتے ہیں، پالیسی میکنگ پارلیمنٹ کا کام ہے، اگر میں پالیسی میکر ہوں تو میں ماہرین سے پوچھوں گا کہ کیا عوام کو اس کا فائدہ ہے یا نقصان۔
جسٹس حسن اظہر رضوی نے ریمارکس دیے کہ اراکین پارلیمنٹ عوام کے ووٹ سے آتے ہیں انہیں پتا ہونا چاہیے عوامی مسائل کیا ہیں، کیا آج تک کسی پارلیمنٹرین نے عوامی مسائل کو مدنظر رکھتے ہوئے تجاویز دی ہیں، جس کمیٹی کی آپ بات کر رہے ہیں اس میں بحث بھی ہوتی ہے یا جو بل آئے اسے پاس کر دیا جاتا ہے۔
سی پی پی اے نے نیپرا میں بجلی نرخ میں اضافے کی درخواست دے دی
خالد جاوید نے مؤقف اپنایا کہ قومی اسمبلی میں آج تک کسی ٹیکس ایکسپرٹ کو بلا کر ٹیکس کے بعد نفع نقصان پر بحث نہیں ہوئی، وزیر خزانہ نے کہا کہ وہ سپر ٹیکس کے حامی ہیں، قومی اسمبلی میں ایسی بحث نہیں ہو سکتی جو ایک کمیٹی میں ہوتی ہے۔
جسٹس حسن اظہر رضوی نے کہا کہ یہی سوال ہم نے ایف بی آر کے وکلاء سے پوچھا تھا، ایف بی آر کے وکلاء نے جواب دیا تھا مختلف چیمبرز آف کامرس سے ماہرین کو بلایا جاتا ہے، ایڈیشنل اٹارنی جزل نے بتایا کہ مختلف کمیٹیاں ہیں، لیکن کمیٹیوں کے کیا نتائج ہوتے ہیں یہ آج تک نہیں بتایا۔
ڈی پی ایل کی تاریخ میں توسیع خوش آئند، لیکن مسئلہ جوں کا توں ہے، کمرشل امپورٹرز، حکومت قوانین پر نظرثانی کرے،سلیم ولی محمد
جسٹس محمد علی مظہر نے ریمارکس دیے کہ اصول تو یہ ہے کہ ٹیکس نافذ کرنے سے پہلے ماہرین کی رائے ہونی چاہیے، جسٹس امین الدین خان نے کہا کہ یہ بات بھی سامنے ہونی چاہیے کہ اگر 10 فیصد ٹیکس لگ رہا ہے تو کتنے لوگ متاثر ہوں گے۔
سپر ٹیکس سے متعلق کیس کی سماعت کل ساڑھے نو بجے تک ملتوی کر دی گئی۔
مزید :
تعلیمی اداروں میں منشیات کیس؛ بچوں کے لنچ باکس چیک کرنے ہوں گے، اسلام آباد ہائیکورٹ