پیپلز پارٹی کی رکاوٹوں کے باوجود عوامی خدمت اورتعمیروترقی جاری رکھیں گے: منعم ظفر
اشاعت کی تاریخ: 1st, February 2025 GMT
کراچی: امیر جماعت اسلامی کراچی منعم ظفر خان نے کہا ہے کہ پیپلز پارٹی کی سندھ حکومت خواہ کتنی ہی رکاوٹیں ڈالے، اختیارات اور وسائل نہ دے،ہم اپنے 9ٹاؤنز میں عوامی خدمت اور تعمیر وترقی کا سفر جاری رکھیں گے، پارکوں و کھیلوں کے میدانوں کی بحالی، اوپن ائیر جم کے پروجیکٹ پر کام جاری رکھیں گے۔
منعم ظفر خان کا کہنا تھا کہ جماعت اسلامی کے ٹاؤن چیئرمین محدود وسائل اور اختیارات کے اپنے فرائض سر انجام دے رہے ہیں۔ امیر جماعت اسلامی پاکستان حافظ نعم الرحمن کے وژن اور وعدے کے مطابق اختیارات سے بڑھ کر کام کریں گے،پیپلز پارٹی کی صوبائی حکومت اٹھارہویں ترمیم کے بعد وسائل پر سانپ بن کر بیٹھی ہوئی ہے۔ سپریم کورٹ کے احکامات کے مطابق آئین کے آرٹیکل 14-A کے تحت اختیارات کو نچلی سطح پر منتقل کرنے پر تیار نہیں۔ان خیالات کا اظہار انہوں نے ہفتہ کو ٹاؤن میونسپل کارپوریشن نارتھ ناظم آباد کے تحت نارتھ ناظم آباد بلاک ایل میں نرسری و پھولوں کی نمائش کے افتتاح کے بعد میڈیا کے نمائندوں اور شرکاء سے خطاب کرتے ہوئے کیا۔
اس موقع پر ٹاؤن چیئر مین عاطف علی خان، وائس ٹاؤن چیئر مین ضیا جامعی و دیگر نے بھی خطاب کیا جبکہ نظام مت کے فرائض عرفان معطر نے انجام دیے،محکمہ باغات کے ڈائریکٹر نے منعم ظفر خان کو پھولوں کا ہار پہنایا اور گلدستہ پیش کیا۔اس موقع پر جماعت اسلامی کراچی کے سیکریٹری اطلاعات زاہد عسکری،جماعت اسلامی کے ذمہ داران عرفان حسن خان، یوسی چیئر مینز، کونسلرز اور علاقہ مکینوں کی بڑی تعداد موجود تھی۔
منعم ظفر خان نے کہا کہ ایم کیو ایم عرصہ دراز سے شہر پر قابض رہی اس نے کھیل کے میدانوں اور پارکوں پر قبضہ کیا، چائنا کٹنگ کی اور عوام کو دھوکا دیا۔ آج بھی وفاق میں حکومت کا حصہ ہے اور سندھ میں فرینڈلی اپوزیشن کا کردار ادا کر رہی ہے۔ کراچی کے عوام عوام ایم کیو ایم کو مسترد کر چکے ہیں، فارم 47کے ذریعے اسے زبردستی مسلط کیا گیا ہے۔
ان کا کہنا تھاکہ نارتھ ناظم آباد ٹاؤن کے چیئرمین اور ان کی پوری ٹیم قابل مبارکباد ہے جس نے 13 سال سے قبضہ شدہ جگہ کا قبضہ ختم کروا کے نرسری کی صورت میں آباد کیا۔ اس نرسری میں لگنے والے پھولوں سے علاقے میں خوشبو پھیلے گی اور دیگر پارکوں میں بھی پھول لگائے جائیں گے۔ عاطف علی خان نے کہا کہ ہم حلف اٹھانے کے فوراً بعد سے نارتھ ناظم آباد ٹاؤن کے مسائل حل کرنے میں مصروف ہیں۔ بلاک ایل کی اس نرسری میں جانوروں کا باڑہ اور گٹکا فیکٹری قائم تھی۔ ہم نے اہل محلہ کے لیے ایک بار پھر سے اس جگہ کو آباد کیا اور نرسری بنائی۔ ہم بیک وقت بہت سے پروجیکٹ میں کام کررہے ہیں لیکن پیپلز پارٹی کی صوبائی حکومت کام کرنے میں رکاوٹ بنی ہوئی ہے۔ اس کے باوجود کام کررہے ہیں اور عوام کے مسائل حل کرتے رہیں گے۔
اس موقع پر ضیاء جامعی نے کہا کہ نارتھ ناظم آباد بلاک ایل کی نرسری 06 ایکڑ کی زمین پر مشتمل ہے، گزشتہ 13 سال سے نرسری پر قبضہ کیا گیا تھا جسے ٹاؤن کی کوششوں سے ختم کروایا گیا،نرسری میں 20 ہزار سے زائد پودے لگائے ہیں۔ اسی نرسری سے دیگر پارکوں میں پودے لگائے جائیں گے۔
.ذریعہ: Jasarat News
کلیدی لفظ: پیپلز پارٹی کی جماعت اسلامی نے کہا
پڑھیں:
سرحد پار دہشتگردی: فیصلہ کن اقدامات جاری رکھیں گے: خواجہ آصف
اسلام آباد+ ہنگو+ پشاور (این این آئی+ نامہ نگار+ بیورو رپورٹ+ نوائے وقت رپورٹ) وزیر دفاع خواجہ آصف نے کہا ہے کہ پاکستان سرحد پار دہشتگردی کیخلاف فیصلہ کن اقدامات جاری رکھے گا۔ پاکستان کی افغان پالیسی قومی مفاد اور علاقائی امن کے لیے ہے۔ جھوٹے بیانات سے حقائق نہیں بدلیں گے۔ اعتماد عملی اقدامات سے بحال ہوتا ہے۔ انہوں نے کہا کہ اظہار رائے، تعلیم اور نمائندگی کے حقوق سلب کیے جا رہے ہیں۔ اندرونی تقسیم، بدامنی اور گورننس کی ناکامی چھپانے کیلئے وہ محض جوش خطابت، بیانیہ سازی اور بیرونی عناصر کے ایجنڈے پر عمل کر رہے ہیں۔ پاکستان اپنے شہریوں کے تحفظ اور سرحد پار دہشت گردی کے خاتمے کیلئے فیصلہ کن اقدامات جاری رکھے گا۔ اعتماد کی بنیاد صرف عملی اقدامات سے قائم ہو سکتی ہے۔ بیان میں کہا کہ پاکستان کی سکیورٹی پالیسیوں اور افغانستان سے متعلق جامع حکمت عملی پر قومی اتفاق رائے موجود ہے۔ پاکستان اور خصوصاً خیبر پی کے کے عوام افغان طالبان کی سرپرستی میں جاری بھارتی پراکسیوں کی دہشت گردی سے بخوبی واقف ہیں اور اس بارے میں کوئی ابہام نہیں۔ افغان طالبان کی غیر نمائندہ حکومت شدید اندرونی دھڑے بندی کا شکار ہے۔ اُدھر ہنگو کے علاقے دو آبہ میں ایس پی، ڈی ایس پی اور ایس ایچ او کے قافلے پر آئی ای ڈی حملے میں 3 اہلکار زخمی ہو گئے۔ پولیس کے مطابق دوآبہ میں ایس پی انویسٹی گیشن عبدالصمد، ڈی ایس پی ٹل مجاہد اور ایس ایچ او عمران الدین کے قافلے پر آئی ای ڈی سے حملہ کیا گیا۔ حملے کے بعد پولیس اور حملہ آوروں کے درمیان فائرنگ کا تبادلہ ہوا۔ حملے میں ایس ایچ او تھانہ دوآبہ عمران الدین، سب انسپکٹر جہاد علی اور ڈسٹرکٹ سپیشل برانچ کا اہلکار عابد زخمی ہوئے۔ زخمی اہلکاروں کو فوری طور پر ڈی ایچ کیو ہسپتال ہنگو منتقل کر دیا گیا۔ تمام اہلکاروں کی حالت خطرے سے باہر ہے۔ یاد رہے کہ چند روز قبل بھی ہنگو میں ہونے والے بم دھماکے میں ایس پی آپریشنز اسد زبیر تین پولیس اہلکاروں سمیت شہید ہو گئے تھے۔ دریں اثناء سکیورٹی ذرائع نے بتایا کہ خوارج کے خلاف شمالی وزیرستان میں پاک افغان سرحد کے قریب کارروائی خفیہ معلومات کی بنیاد پر عمل میں لائی گئی‘ اس دوران فائرنگ کے تبادلے میں 2 خوارج ہلاک 5 زخمی ہو گئے۔ ایک کا تعلق افغان طالبان سے ہے۔ کامیاب کارروائی میں مزید 2 خوارج کے ہلاک اور 4 سے 5 کے زخمی ہونے کی بھی اطلاعات ہیں۔ جبکہ فورسز کی جانب سے علاقے میں سرچ آپریشن اور سینیٹائزیشن آپریشن جاری ہے۔ سکیورٹی فورسز نے بلوچستان میں تخریب کاری کا منصوبہ ناکام بناتے ہوئے قلات میں 100 کلو وزنی بم کو ناکارہ بنا دیا۔ بڑے پیمانے پر تباہی پھیلانے کیلئے دھماکہ خیز مواد پل کے نیچے نصب کیا گیا تھا۔
پاکستان اور بنگلا دیش کا معاشی تعلقات مضبوط بنانے اور براہ راست پروازیں بحال کرنے پر اتفاق