’’شادی کے بعد اپنی بیوی کو چھپا تو نہیں سکتے‘‘، رجب بٹ
اشاعت کی تاریخ: 2nd, February 2025 GMT
پاکستانی یوٹیوبر اور سوشل میڈیا انفلوئنسر رجب بٹ ’’فیملی ولاگنگ‘‘ اور اپنے ساتھی ڈکی بھائی کی حمایت میں ایک ’’نامناسب‘‘ بات کہہ کر خود سوشل میڈیا صارفین کی تنقید کا نشانہ بن گئے ہیں۔
رجب بٹ نے ڈکی بھائی کا دفاع کرتے ہوئے کہا ہے کہ ’’شادی کے بعد اپنی بیوی کو چھپا تو نہیں سکتے‘‘۔ رجب کے اس بیان پر سوشل میڈیا پر تنقید کی جارہی ہے۔
رجب بٹ نجی چینل پر ایک ٹاک شو میں شریک تھے جہاں انھوں نے اپنی نمود و نمائش والی مہنگی شادی اور فیملی بلاگنگ پر ہونے والی تنقید کے حوالے سے کھل کر گفتگو کی۔
رجب بٹ اپنے فیملی ولاگز کےلیے مشہور ہیں اور ان کے یوٹیوب چینل پر 5.
رجب بٹ نے فیملی بلاگنگ کا دفاع کرتے ہوئے کہا کہ میں آپ کو ڈکی بھائی کی مثال دے سکتا ہوں۔ انھوں نے گیمنگ اور روسٹنگ کی جس میں وہ گالم گلوچ کرتے تھے تو یہ لوگوں کو اچھا نہیں لگا، اس لیے انھوں نے اسے چھوڑ دیا۔
جب ڈکی بھائی نے اپنے چھوٹے بھائی کے ساتھ روزانہ فیملی بلاگنگ شروع کی تو انھیں کامیابی ملی۔ لیکن شادی کے بعد وہ کیا کرسکتے ہیں؟ وہ اپنی بیوی کو چھپا تو نہیں سکتے، جو ان کے ساتھ ہے۔ لوگ ان سے نفرت کریں گے چاہے کچھ بھی ہو کیوں کہ وہ اعلیٰ ڈیجیٹل تخلیق کاروں میں سے نہیں ہے۔
رجب نے مزید کہا کہ جب ایک امیر آدمی کا سی اے پاس بے روزگار بیٹا ایک غریب آدمی کے سی اے فیل بیٹے کو لینڈ کروزر چلاتے ہوئے دیکھے گا تو اسے دکھ ہوگا، اور وہ اس پر تنقید کرے گا۔
نہوں نے کہا کہ اسی طرح، میرے ساتھ بھی ایسا ہی ہوا جب میں اعلیٰ درجے کے بلاگرز کی دوڑ میں شامل ہوا تو مجھ پر تنقید شروع ہوگئی۔ شادی سے پہلے میں نے اپنے دوستوں کے ساتھ ویڈیوز کیں تو لوگ اسے بہت پسند کر رہے تھے۔ شادی کے بعد میں نے اپنے دوستوں کے ساتھ ویڈیوز پوسٹ کیں کیونکہ میں نے اپنا زیادہ وقت دوستوں کے ساتھ گزارا تھا تو تنقید ہوئی کہ میں اپنی بیوی کو وقت نہیں دیتا۔ یہاں تک کہ اگر میں اپنی بیوی کو کسی بھی بلاگ میں دکھاتا ہوں تو وہ کہتے ہیں کہ اپنی بیوی کو دکھا کر فالوورز حاصل کررہا ہے۔ اب ہم کیا کرسکتے ہیں۔
رجب نے اپنی شادی پر بے جا نمودونمائش اور اسراف پر کی جانے والی تنقید پر وضاحت کرتے ہوئے کہا کہ میں نے ایک عام شادی کی۔ میری شادی کے چند فنکشنز تھے جن میں مایوں، مہندی، بارات اور ولیمہ کے فنکشنز شامل تھے۔ لیکن اگر میرے دوستوں نے میری شادی پر پیسے خرچ کرکے خوشی منانے کی خواہش پوری کی تو میں انہیں روک نہیں سکتا تھا، کیونکہ میری شادی کو لے کر ان کے بہت ارمان تھے۔
رجب بٹ نے مزید کہا کہ میں وہ نہیں تھا جو خود پر پیسے پھینک رہا تھا۔ میں کیا کرسکتا تھا؟ میں اپنے دوستوں کوروک نہیں سکتا تھا۔
یہ خبر بھی پڑھیں: حرا مانی کی رجب بٹ سے انوکھی اپیل، رجب نے بڑا تحفہ دینے کا اعلان کردیا
انہوں نے یہ بھی کہا کہ میں نے اس مقام کو حاصل کرنے کےلیے شب وروز محنت کی ہے۔ میں نے بھی صفر سے شروعات کی تھی اور آج بھی اپنی صحت اور وقت کی پروا کیے بغیر محنت کررہا ہوں۔ آخر ہمارے کام پر تنقید کرنے کے بجائے حوصلہ افزائی کیوں نہیں کی جاتی ہے جو زیادہ بہتر ہے۔
ذریعہ: Express News
کلیدی لفظ: شادی کے بعد سوشل میڈیا کہا کہ میں کے ساتھ
پڑھیں:
منور فاروقی نے دوسری شادی کے راز سے پردہ اٹھادیا
ممبئی(شوبز ڈیسک) بھارتی کامیڈین اور بگ باس 17 کے فاتح منور فاروقی کی ذاتی زندگی ہمیشہ سے ہی ان کی پیشہ ورانہ کامیابیوں سے زیادہ پوشیدہ رہی۔ لیکن حالیہ دنوں میں فرح خان کے کُکنگ ولاگ پر ان کے انٹرویو نے ان کی زندگی کا ایک نیا پہلو دکھایا۔
جہاں ایک طرف منور کی شادی کے بعد کی خوشیوں کا ذکر ہوا، وہیں دوسری طرف یہ سوال بھی اٹھا کہ آخر وہ کون سی خاص وجہ تھی جس کی وجہ سے منور نے اچانک اپنی زندگی میں اتنی بڑی تبدیلی کی؟ تو آج اس راز کے پردے کو اُٹھاتے ہیں اور بتاتے ہیں کہ وہ شخص کون تھا جس نے منور کی شادی کی راہ ہموار کی۔
منور فاروقی حال ہی میں معروف ہدایتکارہ اور کوریوگرافر فرح خان کے کُکنگ ولاگ میں مہمان بنے، جہاں انہوں نے پہلی بار اپنی ذاتی زندگی، اچانک شادی اور بدلتی زندگی کے بارے میں نہایت کھل کر گفتگو کی۔
ویڈیو کے دوران ہنسی مذاق، جذبات اور حیرت سے بھرپور لمحات نے نہ صرف منور کے مداحوں کو حیران کیا بلکہ ان کے دل بھی جیت لیے۔
جب فرح خان نے منور کے چہرے پر شادی کے بعد آنے والی چمک کو سراہا تو منور نے فوری جواب دیتے ہوئے کہا، ”زندگی میں جب سکون ہو تو نور آتا ہے۔“
ویڈیو میں ان کی خوشگوار کیمسٹری بھی دیکھنے کو ملی۔ فرح خان نے منور کو ”چھپا رستم“ قرار دیا اور کہا کہ ”میں نے تم جیسا رازدار انسان نہیں دیکھا۔ اچانک شادی کر لی اور کسی کو خبر تک نہ ہونے دی۔“
منور نے بتایا کہ،”جس خاتون سے شادی کی، ان سے بات ایک مہینہ پہلے ہی طے ہوئی تھی اور جب میں بگ باس گیا تو انہیں جانتا بھی نہیں تھا۔ اس لیے اس معاملے پر خاموشی اختیار کی۔“
منور فاروقی نے اپنی زندگی کے ایک نہایت جذباتی لمحے کا ذکر کرتے ہوئے بتایا کہ جب وہ بگ باس سے باہر آئے تو کام میں مصروف ہو گئے اور ان کا بیٹا میکائیل ان کی بہن کے ساتھ رہ رہا تھا۔
ایک دن جب وہ گھر واپس آئے اور میکائیل ایک ہفتے کے لیے ان کے ساتھ رہا، تو انہوں نے محسوس کیا کہ جتنی اسے ان کی ضرورت ہے، شاید اس سے زیادہ انہیں اس کی ضرورت ہے کیونکہ وہ مسلسل انہیں گلے لگاتا رہتا تھا۔
منور نے کہا کہ وہ پوری رات اس بارے میں سوچتے رہے کہ وہ اپنے بیٹے کو اپنے پاس رکھنے کے لیے کیا کر سکتے ہیں اور یہی لمحہ تھا جب انہوں نے شادی کا فیصلہ کیا۔
اگلے دن انہوں نے مہ جبین کوٹ والا سے پوچھا، ”کیا آپ مجھ سے شادی کرنے کے لیے تیار ہیں؟“ کیونکہ ان کی زندگی کی کہانی بھی ان کی جیسی تھی اور دونوں کی صورتحال ایک جیسی تھی۔ مہ جبین نے ان کی پیشکش قبول کی، اور یوں ان کی شادی ہوگئی۔
منور نے انکشاف کیا کہ ان کی اہلیہ مہ جبین کوٹ والا ایک مشہور میک اپ آرٹسٹ ہیں جن کی بھی پہلی شادی سے ایک 10 سالہ بیٹی ہے۔
منور نے مزید بتایا کہ وہ اب اپنی بیوی کے لیے کھانا بھی بناتے ہیں ،بگ باس سے پہلے مجھے چائے بنانی بھی نہیں آتی تھی، لیکن میں نے جِگنا اور رنکو کو دیکھ کر سیکھا۔ اب جب فرصت ملتی ہے تو بیوی کے لیے کچھ خاص پکاتا ہوں۔
یاد رہے کہ منور فاروقی کی پہلی شادی 2017 میں ہوئی تھی، جس سے ان کا ایک بیٹا میکائیل ہے۔ تاہم، 2020 میں وہ پہلی بیوی سے علیحدہ ہو گئے تھے۔
دوسری طرف، مہ جبین کوٹ والا بھی اپنی پہلی شادی سے ایک بیٹی کی ماں ہیں اور کئی بالی ووڈ اسٹارز کے ساتھ بطور میک اپ آرٹسٹ کام کر چکی ہیں، جن میں ورون دھون اور آر مادھون شامل ہیں۔
Post Views: 2
سپریم کورٹ نے ویڈیو لنک کی سہولت میں دور دراز علاقوں تک توسیع دے دی