پی ٹی آئی کا 8 فروری کو احتجاج ماضی کے احتجاجوں سے کیسے مختلف ہوگا؟
اشاعت کی تاریخ: 4th, February 2025 GMT
پاکستان تحریک انصاف (پی ٹی آئی) کے بانی چیئرمین عمران خان نےعام انتخابات کو ایک سال مکمل ہونے پر ملک بھر میں 8 فروری کو احتجاج کی کال دی ہے اور عوام سے ایک بار پھر سڑکوں پر نکلنے کی اپیل کی ہے۔
24 نومبر کے لانگ مارچ کے بعد یہ پہلا موقع ہوگا جب پی ٹی آئی ایک بار پھر سڑکوں پر نکلے گی اور عام انتخابات میں مبینہ دھاندلی کے خلاف احتجاج کرے گی۔
یہ بھی پڑھیں: 8 فروری کو کچھ نیا نہیں ہوگا، پرامن احتجاج ہوگا، شیخ وقاص اکرم
سابق وزیراعظم عمران خان نے خیبرپختنوخوا کے تمام ٹکٹ ہولڈرز اور ارکان اسمبلی کو صوابی میں جلسہ کرنے کی ہدایات کی ہیں جبکہ شمالی پنجاب کی تنظیم بھی صوابی جلسے میں شامل ہو کر احتجاج میں شرکت کرے گی۔
اسی طرح، پی ٹی آئی لاہور میں مینار پاکستان پر جلسہ کرنے کا ارادہ رکھتی ہے، تاہم اجازت نہ ملنے کی صورت میں لاہور کے مختلف علاقوں میں احتجاج کیا جائے گا، جبکہ پنجاب کے دیگر اضلاع میں بھی ضلعی سطح پر احتجاج کیا جائے گا۔
8 فروری کا احتجاج ماضی سے کیسے مختلف ہوگا؟پاکستان تحریک انصاف 24 نومبر کے بعد پہلی مرتبہ سڑکوں پر نکل رہی ہے اور اس بار احتجاج کی قیادت وزیراعلیٰ علی امین کے بجائے صوبائی صدر جنید اکبر خان کریں گے۔ جارح مزاج جنید اکبر کا 8 فروری کو پہلا امتحان ہوگا۔
پارٹی ذرائع کے مطابق، ماضی کے احتجاجوں کے برعکس اس بار پارٹی قیادت کی صوبے کے شمالی اضلاع اور وسطی اضلاع میں دلچسپی زیادہ ہے جس کی وجہ وزیراعلیٰ علی امین کے ساتھ اختلافات ہیں۔
یہ بھی پڑھیں: پی ٹی آئی کی جڑیں عوام میں ہیں، عمران خان کو مائنس نہیں کیا جا سکتا، رانا ثنااللہ کا اعتراف
ماضی میں وزیراعلیٰ علی امین گنڈاپور کو جنوبی اضلاع اور ہزارہ ریجن کی حمایت حاصل تھی جبکہ پشاور، نوشہرہ، مردان، چارسدہ اور مالاکنڈ ڈویژن کی قیادت کے علی امین کے ساتھ اختلافات کے باعث ان اضلاع سے عوام کی شرکت قدرے کم رہتی تھی۔
ذرائع کے مطابق، صوبائی صدر جنید اکبر کو مالاکنڈ ڈویژن اور دیگر شمالی اضلاع کے علاوہ پشاور، چارسدہ، مردان اور نوشہرہ کی مقامی قیادت کی حمایت حاصل ہے جس کی وجہ سے توقع کی جارہی ہے کہ 8 فروری کو صوابی کا جسلہ ماضی قریب کے جلسوں سے بڑا ہوگا۔
دوسری جانب، وزیراعلیٰ علی امین گنڈاپور کی ورکرز میں بڑھتی ہوئی غیر مقبولیت کے بعد نئی قیادت کی سربراہی میں احتجاج کارکنان کے لیے نئی امید کے طور پر دیکھا جارہا ہے، خاص طور پر پی ٹی آئی کی طلبہ تنظیم ماضی کے برعکس اس بار زیادہ متحرک نظر آرہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
8 فروری wenews احتجاج بانی پی ٹی آئی پاکستان تحریک انصاف پنجاب پی ٹی آئی جنید اکبر خیبرپختونخوا عمران خان کال لاہور وزیراعلیٰ علی امین گنڈاپور.ذریعہ: WE News
کلیدی لفظ: بانی پی ٹی ا ئی پاکستان تحریک انصاف پی ٹی ا ئی جنید اکبر خیبرپختونخوا کال لاہور وزیراعلی علی امین گنڈاپور پی ٹی ا ئی احتجاج کی جنید اکبر پی ٹی آئی فروری کو علی امین
پڑھیں:
پنجاب کے 17 اضلاع میں موجود صارف عدالتیں ختم کرنے کے لئے ترمیمی بل تیار
بعد از کابینہ منظوری صوبہ کے 17 اضلاع میں موجود صارف عدالتیں ختم کرنے کے لئے ترمیمی بل تیار کرلیا گیا، صارف عدالتیں بند کیے جانے کے بعد اختیارات ڈسٹرکٹ اینڈ سیشن کورٹس کو منتقل ہوں گے۔
رپورٹ کے مطابق صارف بعد از ترامیم ڈپٹی کمشنر کو بھی درخواست دائر کر سکیں گے، دی پنجاب صارف تحفظ (ترمیمی) بل پنجاب اسمبلی اجلاس میں پیش کردیا گیا۔
بل کے متن کے مطابق بعد از ترامیم منظوری ڈسٹرکٹ اینڈ سیشن کورٹس کو صارف عدالت کے اختیارات منتقل ہوں گے، لاہور ہائیکورٹ کی مشاورت سے اضلاع میں ایک یاں ایک سے زیادہ صارف عدالتیں قائم ہوں گی۔
بل کے متن کے مطابق لاہور ہائی کورٹ کی مشاورت سے ڈسٹرکٹ جج یاں ایڈیشنل ڈسٹرکٹ جج بطور صارف عدالت جج فرائض انجام دے گا، صارفین ڈپٹی کمشنر یاں حکومتی قائم کردہ کسی اور افسر کو شکایات درج کروا سکیں گے، متعلقہ افسر کے پاس صارف کی شکایت سن ملزم کو 1 لاکھ تک جرمانہ کرنے کا اختیار ہو گا۔
بل آج متعلقہ قائمہ کمیٹی کے سپرد ہوگا، کمیٹی دو ماہ میں رپورٹ پیش کرے گی، بعد از کمیٹی منظوری بل ایوان سے بزریعہ رائے شماری منظور کر گورنر پنجاب کو بھیجا جائے گا، گورنر پنجاب صارف عدالتیں بند کرنے کی ترامیم کی حتمی منظوری دیں گے۔
لاہور: عید قرباں سے قبل 6 مویشی منڈیوں کے قیام کا فیصلہ