بانی پی ٹی آئی نے خط میں 6 پوائنٹس کو ٹچ کیا، ہمایوں مہمند
اشاعت کی تاریخ: 5th, February 2025 GMT
لاہور:
رہنما تحریک انصاف ہمایوں مہمند کا کہنا ہے کہ اگر عمران خان نے خط لکھا ہے تو وہ یا تو الیکٹرانک کی صورت میں ہو گا یا ہارڈکاپی کی شکل میں ہو گا، اگر ہارڈ کاپی ہوگی تو ظاہر ہے کہ گورنمنٹ کا کوئی ادارہ جووہاں بیٹھا ہے وہی اس کو دے رہا ہو گا، اب جو گورنمنٹ کا ادارہ دیتا ہے تو کس طریقے سے دے رہا ہے، کیا ہے تو گورنمنٹ اس کو کر سکتی ہے۔
ایکسپریس نیوزکے پروگرام اسٹیٹ کرافٹ میں گفتگو کرتے ہوئے انھوں نے کہا کہ جو اس کے اندر چیزیں ہیں جو سوشل میڈیا پر آئی ہیں ان کو ہم دیکھیں تو انھوں نے بنیادی طور پر چھ پوائنٹس کو ٹچ کیا ہے اور یہ انھوں نے چیف آف آرمی اسٹاف کو لکھا ہے۔
رہنما مسلم لیگ (ن) رانا احسان افضل نے کہا کہ انھوں نے ویسے ہی اتنی تکلیف کی، سارے نکتے بتائے کیونکہ خط کا تو کوئی جواب ہی نہیں آیا، اس میں کسی نے دلچسپی نہیں دکھائی تو یہ ایویں بار بار دہرا رہے ہیں کہ خط میں کیا لکھا تھا، دیکھیں ہم تو دروازہ کھول کر بیٹھے ہوئے تھے اور ہم نے 31 جنوری تک انتظار بھی کیا کہ یہ آ جائیں پہلے خود انھوں نے 31 کی تاریخ دی پھر مذاکرات سے بھاگ گئے۔
رہنما پیپلزپارٹی رضا ہارون نے کہا کہ جن کو ذمے دار ٹھہرا رہے ہیں ان ہی سے بات کرنا چاہ رہے ہیں وہ، جب آپ خط لکھتے ہیں توآفیشل، سنجیدہ لوگ جس طرح کام کرتے ہیں، جو دفتری طریقہ کار ہے، جب آپ خط لکھتے ہیں تو اس کو ڈسپیچ کرتے ہیں، کوئی قاصد ہوتا ہے وہ قاصد خط کو ترسیل کرتا ہے۔
جس کو لکھا گیا ہے جو ریسیور ہے اس کو گھر جا کر ڈیلیور کرتا ہے، آپ اس کو لے کر اس پر گفتگو شروع کروا رہے ہیں جس پر پارٹی کا چیئرمین ٹی وی پر کھڑا ہو کر کہہ رہا ہے کہ نہ میں نے دیکھا اور نہ میں نے پڑھا، اس پر بحث کیسے کر سکتے ہیں؟۔
.ذریعہ: Express News
پڑھیں:
کراچی: سرکاری نمبر پلیٹ کے غلط استعمال پر سعود آباد گورنمنٹ اسپتال کے ایم ایس ڈاکٹر آغا عامر معطل
سندھ حکومت نے سرکاری نمبر پلیٹ کے غلط استعمال پر سخت نوٹس لیتے ہوئے سعود آباد گورنمنٹ اسپتال کے میڈیکل سپرنٹنڈنٹ (ایم ایس) ڈاکٹر آغا عامر کو فوری طور پر معطل کر دیا ہے۔
پرائیویٹ گاڑی پر سرکاری نمبر پلیٹ استعمال کی جا رہی تھیذرائع کے مطابق ڈاکٹر آغا عامر نے سرکاری کلٹس کار کی نمبر پلیٹ کو تبدیل کر کے اپنی ذاتی گاڑی پر نصب کر دیا تھا۔ نہ صرف یہ، بلکہ نمبر پلیٹ کو سبز رنگ کر کے ٹمپرنگ بھی کی گئی تاکہ اسے سرکاری گاڑی ظاہر کیا جا سکے۔
ٹول پلازہ پر گاڑی کو روکا گیا، جھوٹ بولنے کی کوشش ناکاممعاملہ اُس وقت سامنے آیا جب یہ پرائیویٹ گاڑی شاہراہ بھٹو ٹول پلازہ پر پہنچی، جہاں اسے روکا گیا۔ گاڑی ایک دوسرے شخص کے زیرِ استعمال تھی، جس نے خود کو ایم ایس ڈاکٹر آغا عامر ظاہر کیا اور ٹول ٹیکس دینے سے انکار کر دیا۔
ٹول پلازہ کے عملے نے مشکوک رویے پر گاڑی کی تصاویر لے کر اعلیٰ حکام کو روانہ کر دیں۔ تحقیق سے ثابت ہوا کہ یہ گاڑی اصل میں پرائیویٹ تھی اور اس پر غیر قانونی طور پر سرکاری نمبر پلیٹ نصب کی گئی تھی۔
چیف سیکرٹری سندھ کا فوری نوٹس، معطلی کا نوٹیفکیشن جاریواقعے کی اطلاع ملنے پر چیف سیکرٹری سندھ نے فوری کارروائی کرتے ہوئے ڈاکٹر آغا عامر کو ان کے عہدے سے معطل کرنے کا حکم دیا۔ اس حوالے سے باضابطہ نوٹیفکیشن بھی جاری کر دیا گیا ہے، جس میں معطل ایم ایس کو محکمہ صحت کو رپورٹ کرنے کی ہدایت کی گئی ہے۔
ڈاکٹر آغا عامر ایک سال قبل تعینات ہوئے تھےیاد رہے کہ ڈاکٹر آغا عامر کو گزشتہ سال ڈاکٹر پیر غلام نبی شاہ جیلانی کی جگہ ایم ایس گورنمنٹ اسپتال سعود آباد تعینات کیا گیا تھا۔
قانونی کارروائی کا امکانذرائع کے مطابق معاملے کی سنگینی کو دیکھتے ہوئے متعلقہ ادارے اس پر مزید قانونی کارروائی پر غور کر رہے ہیں، کیوں کہ یہ سرکاری اختیارات کے ناجائز استعمال اور جعلسازی کے زمرے میں آتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ڈاکٹر آغا عامر سعود آباد گورنمنٹ اسپتال کراچی
حکومت کا ایران،عراق اور شام جانے والے زائرین کے متعلق اہم فیصلہ