ملک بھر میں آج کشمیریوں سے اظہار یکجہتی کا دن منایا جا رہا ہے
اشاعت کی تاریخ: 5th, February 2025 GMT
اسلام آباد(ڈیلی پاکستان آن لائن) کشمیری عوام کی بھارتی تسلط و ظلم کیخلاف لازوال جدوجہد آزادی اور قربانیوں کا اعتراف، ملک بھر میں آج کشمیریوں سے اظہار یکجہتی کا دن منایا جا رہا ہے۔
یوم یکجہتی کشمیر پر حکومت پاکستان کی جانب سے آج ملک بھر میں عام تعطیل ہے، شہر شہر جلسے، جلوس، ریلیاں، سیمینار اور کانفرنسز کا انعقاد کر کے مسئلہ کشمیر کو عالمی سطح پر اجاگر کیا جا رہا ہے، دنیا بھر میں مقیم پاکستانی بھی کشمیری عوام سے یکجہتی کا اظہار کر رہے ہیں۔
کوہالہ پل کے مقام پر انسانی ہاتھوں کی زنجیر بنا کر مقبوضہ کشمیر کے عوام سے اظہار یکجہتی کیا گیا، سائرن بجا کر ایک منٹ کی خاموشی اختیار کی گئی۔
فٹبال کی دنیا کا بے تاج بادشاہ کرسٹیانو رونالڈو نے زندگی کی 40 بہاریں دیکھ لیں
اسلام آباد میں کشمیریوں سے اظہار یکجہتی کیلئے دفتر خارجہ سے ڈی چوک تک ریلی نکالی گئی جس میں وفاقی وزراء، دفترخارجہ کے حکام اور شہریوں کی بڑی تعداد اور سویٹ ہوم کے بچوں نے شرکت کی، شرکاء نے کشمیریوں کے ساتھ اظہار یکجہتی کیلئے پوسٹرز اور بینرز اٹھائے کشمیر بنے گا پاکستان کے فلک شگاف نعرے لگائے۔
ڈی چوک میں وفاقی وزیر توانائی مصدق ملک نے خطاب کرتے ہوئے کہا کہ کشمیر جنت نظیر وادی ہے جس کا قدرتی حسن لاجواب ہے، کشمیر کی ہر وادی، ہر درخت اور ہر جنگل جنت کا آئینہ ہے بھارت نے اپنے ظلم و جبر سے جنت جیسی وادی کو جہنم بنا کر رکھ دیا ہے۔
سعودی عرب اور پاکستان کے درمیان منی لانڈرنگ اور دہشت گردی کے خلاف تعاون کی منظوری
ان کا کہنا تھا کہ بھارت نے حق خود ارادیت، زندہ رہنے کا حق کشمیریوں سے چھین لیا، بھارت کی بربریت کی وجہ سے پورا ریجن تباہی کی طرف چلا گیا، ہم بھارت کے خلاف سراپا احتجاج ہیں اور کشمیری بھائیوں سے اظہار یکجہتی کرتے ہیں۔
مصدق ملک نے کہا کہ مقبوضہ کشمیر کے عوام کو حق خودارادیت دینے کا وقت آگیا ہے، کشمیر کی آزادی تک جدوجہد جاری رہے گی۔
کراچی میں بھی کشمیریوں سے اظہار یکجہتی کیلئے پیپلزچورنگی سے مزار قائد تک واک کی گئی، وزیرتعلیم سندھ سید سردار علی شاہ نے شرکت کی، طلباء کی بڑی تعداد کشمیری پرچم تھامے واک میں شامل ہوئی۔
ٹرمپ کے غزہ کا کنٹرول لینے کے اعلان پر آسٹریلوی وزیراعظم کا سخت ردعمل
پشاور میں کشمیریوں سے اظہار یکجہتی کیلئے ریلی نکالی گئی جس میں گورنر خیبرپختونخوا نے شرکت کی اور مظلوم کشمیریوں کے ساتھ کھڑے رہنے کے عزم کا اعادہ کیا، اس موقع پر فیصل کریم کنڈی نے خطاب کرتے ہوئے کہا کہ آج ہم سب ایک جگہ کشمیری عوام کے ساتھ یکجہتی کیلئے اکٹھے ہوئے ہیں، کشمیر کے مسئلے پر خاموشی افسوسناک ہے، مسلم امہ کو بھی اس پر غور کرنا پڑے گا، پاکستان کا ہر ادارہ کشمیر کے عوام کے ساتھ ہے۔
دوسری جانب مقبوضہ کشمیر میں پاکستان سے اظہار تشکر کے پوسٹرز لگا دیئے گئے جس پر وزیراعظم شہبازشریف، آرمی چیف جنرل عاصم منیر، وزیراعظم آزاد کشمیر کی تصاویر آویزاں ہیں۔
پرنس کریم آغا خان کی بصیرت اور سخاوت لازوال رہے گی، شہباز شریف
اس کے علاوہ گلگت بلتستان اسمبلی میں کشمیریوں کے حق میں متفقہ قرارداد منظور کر لی گئی، کشمیری عوام کے حق خود ارادیت کی بھرپور حمایت کا اعادہ کیا گیا، قرارداد میں بھارتی حکومت کی جانب سے مقبوضہ جموں و کشمیر میں جاری مظالم کی مذمت کی گئی، قرارداد میں اقوام متحدہ سے کشمیری عوام کو ان کی حق خودارادیت دینے کا مطالبہ کیا گیا۔
5 فروری ہر سال پاکستان میں یوم یکجہتی کشمیر کے طور پر منایا جاتا ہے، آج کشمیر بارود کی بو میں ڈوبا ہوا ہے جہاں ظلم اور جارحیت کے سائے منڈلا رہے ہیں، بھارت نے مقبوضہ جموں وکشمیر میں سات دہائیوں کے دوران 6 لاکھ سے زائد کشمیریوں کو شہید کیا ہے، اقوام متحدہ کی قراردادوں پر عملدرآمد کیلئے کشمیری آج بھی جدوجہد آزادی میں مصروف ہیں۔
روس سے جنگ، یوکرین کا 45 ہزار سے زائد فوجیوں کی ہلاکت کا دعویٰ
بھارت نے آزادی مانگنے کی پاداش میں کشمیریوں پر عرصہ حیات تنگ کر رکھا ہے، حالیہ 34 برسوں کے دوران مقبوضہ کشمیر میں 96 ہزار سے زائد کشمیری شہید کئے گئے، دوران حراست 7 ہزار 375 بے گناہ کشمیری لقمہ اجل بنے ہیں اور 1 لاکھ 7 ہزار 974 بچے شفقت پدری سے محروم ہوئے ہیں۔
05 اگست 2019ء کو مقبوضہ ریاست جموں وکشمیر کی خصوصی حیثیت ختم کر دی گئی، گزشتہ 5 سالوں کے دوران بھارت نے 966 کشمیری شہید کئے ہیں، 25 ہزار سے زائد کشمیریوں کو پابند سلاسل کیا گیا ہے، جن میں 2 ہزار 455 شہریوں کو دوران حراست شہید بھی کر دیا گیا۔
نا م نہاد جمہوریت کا دعویدار بھارت ریاستی دہشتگردی سے باز نہیں آرہا اور جنوری 2025 میں مزید 11 کشمیری شہید کئے گئے ہیں، گھر گھر محاصرے کے دوران جنوری کے مہینے میں ہی 37 بے گناہ شہریوں کو حراست میں بھی لیا گیا ہے اور گھر بھی جلائے جا رہے ہیں۔
صدر آزاد کشمیر بیرسٹر سلطان محمود چودھری نے کہا کہ مقبوضہ جموں و کشمیر میں بھارت ریاستی دہشتگردی کر رہا ہے، بھارت اب پوری دنیا میں بے نقاب ہو چکا ہے، بھارت دنیا کے دیگر ممالک میں بھی دہشت گردی کر رہا ہے، کینیڈا، امریکا سمیت دیگر ممالک نے بھی اس کی مذمت کی۔
ان کا کہنا تھا کہ بھارت سے آزادی کیلئے کشمیری کسی بھی قربانی سے دریغ نہیں کریں، عالمی برادری کشمیری عوام کو اقوامِ متحدہ کی قراردادوں کے مطابق ان کا حقِ خودارادیت دلوائے۔
بیرسٹر سلطان محمود نے کہا کہ اندرون و بیرون ملک مقیم پاکستانی اور کشمیری آج مقبوضہ کشمیر کے عوام سے بھرپور انداز میں یکجہتی کا اظہار کریں اور انہیں یہ یقین دلا دیں کہ بھارت کشمیریوں کے جذبہ حریت کو اپنے توپ و تفنگ سے زیر نہیں کر سکتا۔
دوسری جانب وزیراعظم آزاد کشمیر چودھری انوارالحق نے یومِ یکجہتی کشمیر کے موقع پر اپنے ویڈیو پیغام میں کہا کہ یہ دن عوام کے پاکستان اور اہلیان جموں و کشمیر کے لازوال رشتوں اور ہم آہنگی کی پہچان ہے۔
ان کا کہنا تھا کہ مظلوم کشمیری بھائیوں کی جدوجہد آزادی میں ہر لمحہ ان کے ساتھ کھڑے ہیں، وہ دن دور نہیں جب کشمیری عوام آزادی کی نعمت سے ہمکنار ہوں گے، اہل پاکستان نے ہر مشکل گھڑی میں کشمیریوں کا ساتھ دیا، حکومت پاکستان کی جانب سے سفارتی، سیاسی اور اخلاقی حمایت پر شکرگزار ہیں۔
چودھری انوار الحق نے کہا کہ بھارت کے ریاستی جبر کے خلاف سینہ سپر ہیں، بھارت نے مقبوضہ کشمیر کو فوجی چھاؤنی میں تبدیل کر دیا، بھارتی بربریت کے خلاف دنیا اقدام کرے، اقوامِ متحدہ مقبوضہ کشمیر میں بھارتی جارحیت کا نوٹس لے۔
ذریعہ: Daily Pakistan
کلیدی لفظ: کشمیریوں سے اظہار یکجہتی کشمیر کے عوام میں کشمیریوں کشمیریوں کے کشمیری عوام یکجہتی کا نے کہا کہ کے دوران کشمیر کی بھارت نے کہ بھارت کے ساتھ کے خلاف عوام کے کیا گیا رہا ہے
پڑھیں:
وزیراعظم شہباز شریف کی ایرانی صدر مسعود پزشکیان سے ملاقات، قطر سے یکجہتی کا اظہار
وزیراعظم محمد شہباز شریف نے اسلامی جمہوریہ ایران کے صدر ڈاکٹر مسعود پزشکیان سے ہنگامی عرب۔اسلامی سربراہی اجلاس کے موقع پر ملاقات کی۔
قطر کے دارالحکومت دوحہ میں ہونے والی اس ملاقات میں نائب وزیراعظم و وزیر خارجہ سینیٹر اسحاق ڈار، آرمی چیف فیلڈ مارشل سید عاصم منیر، وزیر دفاع خواجہ محمد آصف اور وزیر اطلاعات و نشریات عطااللہ تارڑ بھی شریک تھے۔
یہ بھی پڑھیے: قطر پر اسرائیلی حملہ: پاکستان، سعودی عرب اور ایران کی شدید مذمت
وزیراعظم نے قطر پر اسرائیلی جارحیت کی شدید مذمت کرتے ہوئے کہا کہ امت مسلمہ کو ایسے حالات میں اتحاد کا مظاہرہ کرنا چاہیے۔ دونوں رہنماؤں نے قطر کے ساتھ مکمل یکجہتی کا اظہار کیا اور اسرائیلی جارحیت کے مقابلے میں مسلم دنیا کے اتحاد پر زور دیا۔
وزیراعظم نے کہا کہ دوحہ عرب۔اسلامی سربراہی اجلاس نے اسرائیلی جارحیت کے خلاف مسلم دنیا کا مضبوط اور متحد پیغام دیا ہے۔ انہوں نے گزشتہ ماہ ایرانی صدر کے پاکستان کے دورے کو یاد کرتے ہوئے پاک۔ایران تعلقات کو تمام شعبوں میں مزید وسعت دینے کے عزم کا اعادہ کیا۔
اس موقع پر وزیراعظم نے ایرانی سپریم لیڈر آیت اللہ علی خامنہ ای کے لیے نیک تمناؤں اور احترام کا پیغام بھی پہنچایا۔
یہ بھی پڑھیے: وزیراعظم شہباز شریف کی ایرانی صدر ڈاکٹر مسعود پزشکیان سے ملاقات
ایرانی صدر مسعود پیزشکیان نے مسئلہ فلسطین پر پاکستان کے دوٹوک مؤقف کو سراہتے ہوئے کہا کہ وہ وزیراعظم شہباز شریف کے ساتھ مل کر پاک۔ایران تعلقات کو مزید مضبوط بنانے کے خواہاں ہیں۔
دونوں رہنماؤں نے اس عزم کا اظہار کیا کہ خطے کی تیزی سے بدلتی ہوئی صورتحال کے پیش نظر قریبی رابطے جاری رکھیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسرائیل ایران دوحہ قطر مسعود پزشکیان
عمران خان کی 7 مقدمات میں درخواست ضمانت پر سماعت 13 ستمبر تک ملتوی