5 بار کونسلز نے جوڈیشل کمیشن اجلاس کیخلاف ہڑتال کی کال مسترد کردی
اشاعت کی تاریخ: 9th, February 2025 GMT
پاکستان کی پانچ بار کونسلز نے جوڈیشل کمیشن کے اجلاس کے خلاف ہڑتال کی کال مسترد کردی۔
اسلام آباد سے سپریم کورٹ بار، پنجاب، خیبر پختونخوا، بلوچستان اور سندھ بار کونسلز نے مشترکہ اعلامیہ جاری کردیا۔
اعلامیے میں بار کونسلز نے جوڈیشل کمیشن کی مکمل حمایت کا اعلان کیا اور جوڈیشل کمیشن کے اجلاس کے خلاف ہڑتال کی کال مسترد کردیا۔
بار کونسلز نے کہا کہ قانونی برادری میں تقسیم پیدا کرنے کی سازش ناکام ہوگی، عدلیہ کی آزادی پر کوئی سمجھوتہ نہیں ہوگا۔
اعلامیے میں مزید کہا گیا کہ 26ویں آئینی ترمیم آئین کا حصہ ہے، ہر شہری کو اس کی پاسداری کرنی ہوگی۔ ہڑتال کے فیصلے کا اختیار صرف منتخب نمائندوں کو حاصل ہے۔
بار کونسلز کے اعلامیے میں یہ بھی کہا گیا کہ وکلا برادری کو قانون کی حکمرانی اور عدلیہ کی آزادی کےلیے متحد رہنا ہوگا۔
پاکستان بار کونسل اور دیگر بار ایسوسی ایشنز کا موقف ہے قانون کی حکمرانی مقدم ہے۔
.ذریعہ: Jang News
کلیدی لفظ: بار کونسلز نے جوڈیشل کمیشن
پڑھیں:
ایئر کینیڈا کے فضائی میزبانوں کی ہڑتال، سروس معطل
ایئر کینیڈا کے فضائی میزبان (فلائٹ اٹینڈنٹس) ہفتے کے روز ہڑتال پر چلے گئے جس کے نتیجے میں کمپنی کی سروس معطل ہو گئی ہے اور روزانہ ایک لاکھ 30 ہزار مسافروں کے لیے سفری سیزن میں مشکل کھڑی ہو گئی ہے۔
یہ بھی پڑھیں: ’کینیڈا کی سڑک پر ’ٹریفک جام‘ کا مزہ‘
ایئر کینیڈا کے 10 ہزار فلائٹ اٹینڈنٹس کی نمائندگی کرنے والی کینیڈین یونین آف پبلک ایمپلائیزنے ایک بیان میں کہا ہے کہ ہم اب باضابطہ طور پر ہڑتال پر جا چکے ہیں۔
کینیڈین فضائی کمپنی روزانہ تقریباً ایک لاکھ 30 ہزار مسافروں کو سفر کی سہولت فراہم کرتی ہے۔ کمپنی نے پہلے ہی خبردار کر دیا تھا کہ ممکنہ ہڑتال سے قبل وہ بتدریج اپنی پروازوں کو معطل کرنا شروع کر دے گی۔
جمعے کی شب 8 بجے تک ایئر لائن نے اعلان کیا کہ اس نے 623 پروازیں منسوخ کر دی ہیں جس سے ایک لاکھ سے زائد مسافر متاثر ہوئے۔
یونین کا کہنا ہے کہ وہ صرف تنخواہوں میں اضافے کا مطالبہ نہیں کر رہی بلکہ ایسے زمینی کام جیسے کہ مسافروں کی بورڈنگ کے دوران کی جانے والی ڈیوٹی کا بھی معاوضہ چاہتی ہے جس کا فی الحال کوئی حساب نہیں ہوتا۔
یونیورسٹی آف ٹورنٹو کے سینٹر فار انڈسٹریل ریلیشنز کے سربراہ رافیل گومز کا کہنا ہے کہ دنیا بھر میں یہ عام رواج ہے کہ فلائٹ اٹینڈنٹس کو صرف ہوا میں گزارے گئے وقت کا معاوضہ دیا جاتا ہے۔
انہوں نے مزید کہا کہ یونین نے اس مسئلے پر ایک مؤثر عوامی مہم چلائی ہے جس سے عوامی تاثر یہ بنا ہے کہ ملازمین کے ساتھ ناانصافی ہو رہی ہے۔
مزید پڑھیے: ٹرمپ کا کینیڈا پر 35 فیصد محصولات عائد کرنے کا اعلان
انہوں نے کہا کہ ایک عام مسافر جسے انڈسٹری کے اصولوں کا علم نہیں یہ سوچ سکتا ہے کہ میں بورڈنگ کے دوران انتظار کر رہا ہوں اور ایک فلائٹ اٹینڈنٹ میری مدد کر رہا ہے لیکن اسے اس وقت کی تنخواہ نہیں دی جا رہی۔
ایئر کینیڈا نے جمعرات کو بتایا کہ اس معاہدے کے تحت سنہ 2027 تک ایک سینیئر فلائٹ اٹینڈنٹ کی اوسط سالانہ تنخواہ 87،000 کینیڈین ڈالر (تقریباً 65,000 امریکی ڈالر) ہوگی۔
تاہم یونین نے ایئر کینیڈا کی اس پیشکش کو یہ کہہ کر مسترد کر دیا کہ یہ مہنگائی کی شرح اور مارکیٹ ویلیو سے کم ہے۔
یونین نے حکومت اور ایئر لائن کی جانب سے آزادانہ ثالثی (arbitration) کے ذریعے مسئلہ حل کرنے کی پیشکش کو بھی مسترد کر دیا ہے۔
رافیل گومز کا کہنا تھا کہ اگرچہ فلائٹ اٹینڈنٹس ہڑتال پر ہیں لیکن وہ توقع نہیں رکھتے کہ یہ ہڑتال طویل عرصے تک جاری رہے گی۔
مزید پڑھیں: کینیڈا: پاکستانی کی 100 ڈالر ٹپ نے بھارتی نوجوان کی زندگی بدل دی
انہوں نے کہا کہ گرمیوں کا سیزن ہے اور ایئر لائن نہیں چاہتی کہ وہ کروڑوں ڈالر کا نقصان برداشت کرے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایئر کینیڈا ایئر کینیڈا ہڑتال کینیڈا
مودی اور پیوٹن کا ٹیلی فونک رابطہ، یوکرین صورتحال اور تجارتی تعلقات پر گفتگو