حماس نے غزہ قرارداد مسترد کردی، اسرائیل کے خلاف ہتھیار ڈالنے سے انکار
اشاعت کی تاریخ: 18th, November 2025 GMT
فلسطین کی مزاحمتی تنظیم حماس نے غزہ قرارداد مسترد کردی۔
اپنے بیان میں حماس ترجمان کا کہنا تھا کہ سیکیورٹی کونسل کی غزہ سے متعلق قرارداد فلسطینیوں کے حقوق اور مطالبات پورے نہیں کرتی۔
حماس رہنما کے مطابق یہ قرارداد غزہ پر بین الاقوامی سرپرستی مسلط کرتی ہے، غزہ میں بین الاقوامی فورس کی تعیناتی اسے غیرجانبدار نہیں رہنے دے گی۔
حماس ترجمان کا کہنا ہے کہ اسرائیل کے خلاف ہر طرح کی مزاحمت کو جائز سمجھتے ہیں، ہتھیار ڈالنے کو مسترد کرتے ہیں۔
واضح رہے کہ سلامتی کونسل میں صدر ٹرمپ کے غزہ منصوبے کی حمایت میں قرارداد منظور کرلی گئی ہے۔
قرارداد کے حق میں پاکستان سمیت 13 ممالک نے ووٹ دیا جبکہ روس اور چین نے ووٹنگ میں حصہ نہیں لیا۔
قرارداد میں غزہ کے لیے بین الاقوامی استحکام فورس کی تعیناتی اور غزہ میں عبوری حکومت کے قیام کے نقاط بھی شامل ہیں۔
خبر ایجنسی کے مطابق بین الااقوامی استحکام فورس میں انڈونیشیا، آذربائیجان سمیت مسلم ممالک شامل ہوں گے، جو متحدہ کمانڈ کے تحت غزہ میں قیامِ امن، شہریوں کے تحفظ اور امدادی راہداریوں کی نگرانی کریں گے۔
اسرائیل مرحلہ وار غزہ سے انخلا کرے گا، جب کہ تربیت یافتہ فلسطینی پولیس سرحدی علاقوں میں ذمہ داریاں سنبھالے گی۔
.ذریعہ: Daily Mumtaz
پڑھیں:
تحریک لبیک لائرز ونگ نے آئینی ترمیم مسترد کردی، وکلاء تحریک کی حمایت
data-id="863a0a8" data-element_type="widget" data-widget_type="theme-post-content.default">
حیدرآباد (اسٹاف رپورٹر) تحریک لبیک لائرز ونگ سندھ کے صدر سلیمان سروری ایڈوکیٹ مختلف ضلعوں کے ذمہ داران منظور تنولی ایڈوکیٹ, ذولفقار علی چانڈیو ایڈوکیٹ،عبدالستار جنجہی ایڈوکیٹ, سانول خان چاچڑ ایڈوکیٹ, خلیل امجد ایڈوکیٹ, مشتاق ابڑو ایڈوکیٹ نے ایک مشترکہ بیان میں 26,27 اور مجوزہ 28 ویں آئینی ترامیم کو یکسیر مستردکرتے ہوئے کہا ہے کہ متنازعہ آئینی ترامیم آئین پاکستان پر دہشت گردی کے مترادف ہیں۔ بیان میں مزید کہا گیا کہ سیاست دان, حکمراں اور اداروں کے سربراہ تمام اسوقت ملک پاکستان کی بجائے اپنے اپنے مفادات کی خاطر آئین پاکستان سے چھیڑ چھاڑ کررہے ہیں اسوقت کوئی پاکستان کے لیئے نہیں سوچ رہا سیاستدان ہوں حکمراں ہوں یا اپوزیشن سب اپنے سیاہ کارناموں کو چھپانے کے لیئے آئین پاکستان کی بلی چڑھانے میں لگے ہوئے ہیں بیان میں کہا گیا کہ آئین پاکستان کے پرخچے اُڑا کر پاکستان و اسلام مخالف طاقتوں کے ایجنڈے کی تکمیل کی جا رہی ہے مگر یاد رکھا جائے کہ آئینِ پاکستان کو مسخ کرنے والوں کو تاریخ کبھی معاف نہیں کرے گی۔ بیان میں اعلان کیا گیا کہ تحریک لبیک لائرز ونگ متنازعہ آئینی ترامیم کے خلاف شروع ہونیوالی وکلاء تحریک کی مکمل حمایت کرتا ہے بلکہ سندھ بھر میں موجود لبیک لائرز ونگ کے ممبران وکلاء اس وکلاء تحریک میں عملی طور پر شامل ہونگے۔
چین نے کلین نیوکلیئر انرجی کے حصول میں امریکا کو پیچھے چھوڑ دیا