فرانسیسی کمپنیوں کی سندھ میں سرمایہ کاری میں دلچسپی
اشاعت کی تاریخ: 10th, February 2025 GMT
کراچی:
فرانس کی کمپنیوں نے سندھ میں مختلف شعبوں میں سرمایہ کاری میں دلچسپی ظاہر کی ہے جبکہ وزیراعلیٰ سندھ سید مراد علی شاہ نے کہا ہے کہ پاکستان میں دہشت گردی اندرونی معاملہ نہیں بلکہ بیرونی سازش کے تحت کروائی جا رہی ہے۔
یہ بات انہوں نے فرانس کے سفیر نکولس گالے سے وزیراعلیٰ ہاؤس میں ملاقات کے دوران کہی۔ اس موقع پر وزیراعلیٰ سندھ کے پرنسپل سیکریٹری آغا واصف اور فرانس کے قونصل جنرل الیگزس شاٹاٹنسکی بھی موجود تھے۔
ملاقات کے دوران دونوں ممالک کے درمیان دوطرفہ تعلقات اور باہمی دلچسپی کے امور پر تفصیلی گفتگو ہوئی۔ وزیراعلیٰ سندھ نے سنہ 2022ء کے سیلاب سے متاثرین کی بحالی کے حوالے سے پیش رفت پر روشنی ڈالی۔
انہوں نے بتایا کہ سیلاب متاثرین کے 21 لاکھ گھروں کی تعمیر تیزی سے جاری ہے جبکہ زراعت کے لیے زرعی زمینوں اور آبپاشی کے نظام کو بحال کیا جا چکا ہے۔
وزیراعلیٰ سندھ نے کہا کہ پاکستان کی معیشت بہتری کی جانب گامزن ہے، تاہم گزشتہ معاشی صورتحال کے باعث ترقیاتی پروگرام متاثر ہوئے۔
انہوں نے مزید کہا کہ اب معاشی صورتحال بہتر ہو رہی ہے، جس کا فائدہ پورے ملک کو ہوگا۔ ملاقات میں زرعی ٹیکس پر بھی بات چیت ہوئی۔
وزیراعلیٰ سندھ نے کہا کہ آئی ایم ایف زراعت پر بھی ٹیکس لگانا چاہتا تھا، لیکن صوبے میں زرعی ٹیکس پہلے سے نافذ تھا۔ انہوں نے بتایا کہ زرعی ٹیکس 15 فیصد سے بڑھا کر 45 فیصد کر دیا گیا ہے، جو کاشتکاروں پر بڑا بوجھ پڑے گا۔
دہشتگردی اور سکیورٹی صورتحال پر گفتگو کرتے ہوئے وزیراعلیٰ سندھ نے کہا کہ پاکستان میں دہشتگردی اندرونی معاملہ نہیں بلکہ بیرونی سازش کے تحت کروائی جا رہی ہے۔
انہوں نے کہا کہ ملک میں دہشتگردی پر کافی حد تک قابو پا لیا گیا ہے اور سکیورٹی ادارے اپنا بھرپور کردار ادا کر رہے ہیں۔ انہوں نے مزید کہا کہ سندھ میں امن و امان کی صورتحال بہت بہتر ہے، جو سرمایہ کاروں کے لیے بہت مفید ہے۔
وزیراعلیٰ سندھ نے کہا کہ سندھ حکومت نے پبلک پرائیوٹ پارٹنرشپ (پی پی پی) کے تحت بہت اہم منصوبے بنائے ہیں اور مزید منصوبے جاری ہیں۔ انہوں نے فرانسیسی کمپنیوں کو واٹر ڈیسیلینیشن کے شعبے میں سرمایہ کاری کی دعوت دی۔
فرانس کے سفیر نے فرانسیسی کمپنیوں کی سندھ میں سرمایہ کاری میں دلچسپی ظاہر کی۔
وزیراعلیٰ سندھ سید مراد علی شاہ نے کہا کہ سندھ حکومت مختلف منصوبوں کی فہرست فرینچس فیر کو فراہم کرے گی، تاکہ فرانسیسی کمپنیوں کو سندھ میں لایا جا سکے۔
فرانسیسی سفیر نے وزیراعلیٰ سندھ کو یو این اوشین کانفرنس میں شرکت کی دعوت دی، جو 9 تا 13 جون 2025ء تک فرانس میں منعقد ہوگی۔
.
ذریعہ
ذریعہ: Express News
کلیدی لفظ: فرانسیسی کمپنیوں میں سرمایہ کاری سندھ نے کہا کہ انہوں نے
پڑھیں:
پاکستان اور آذربائیجان نے دیرینہ دوستی مزید مضبوط بنانے کے عزم کا اعادہ کردیا
پاکستان اور آذربائیجان نے دیرینہ دوستی مزید مضبوط بنانے کے عزم کا اعادہ کردیا WhatsAppFacebookX 0 24 July, 2026 سب نیوز
اسلام آباد(سب نیوز)آذربائیجان کے سفیر خضر فرہادوف نے وفاقی وزیر برائے قومی غذائی تحفظ و تحقیق رانا تنویر حسین سے الوداعی ملاقات کی۔
ملاقات کے دوران پاکستان اور آذربائیجان کے درمیان آزمودہ اور برادرانہ تعلقات کو تجارت، سرمایہ کاری، سیاحت، تعلیم، رابطہ کاری اور عوامی خدمات کی فراہمی کے شعبوں میں مزید مضبوط بنانے پر زور دیا گیا۔
دونوں جانب سے حالیہ برسوں کے دوران دوطرفہ تعلقات میں ہونے والی نمایاں پیش رفت کا جائزہ لیا گیا، جس میں اعلیٰ سطحی روابط میں اضافہ، عوامی سطح پر تعلقات کا فروغ، فضائی رابطوں میں بہتری، سیاحت میں وسعت اور اقتصادی تعاون میں اضافہ شامل ہے۔
ملاقات میں سرمایہ کاری، عوامی خدمات، تعلیم اور علاقائی رابطہ کاری کے شعبوں میں تعاون کو مزید گہرا کرنے کے نئے مواقع پر بھی تبادلہ خیال کیا گیا۔
ملاقات میں دونوں ممالک کے درمیان سفری روابط میں تیزی سے ہونے والے اضافے کو بھی اجاگر کیا گیا۔ آذربائیجان کا سفر کرنے والے پاکستانی شہریوں کی تعداد میں اضافہ ہو رہا ہے، جبکہ سیاحت، تعلیم اور کاروباری سرگرمیوں کے فروغ کے لیے فضائی رابطوں کو مزید بہتر بنانے کی کوششیں بھی جاری ہیں۔
دونوں جانب سے اس عزم کا اعادہ کیا گیا کہ مضبوط سیاسی تعلقات کو وسیع تر اقتصادی اور ترقیاتی شراکت داری میں تبدیل کیا جائے گا، جس سے دونوں ممالک کے عوام کو عملی اور ٹھوس فوائد حاصل ہوں۔
فریقین نے تجارت، سرمایہ کاری، تعلیم، سیاحت اور عوامی خدمات میں جدت کے شعبوں میں مسلسل تعاون کی اہمیت پر بھی زور دیا۔
ملاقات کا اختتام پاکستان اور آذربائیجان کے تعلقات کو مزید مضبوط بنانے اور باہمی اعتماد، احترام اور دیرینہ دوستی کی مضبوط بنیاد پر دوطرفہ تعاون کو آگے بڑھانے کے مشترکہ عزم کے ساتھ ہوا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookX پچھلی خبرکیوبا کے سفارتخانے میں فوٹو نمائش کے ذریعے فیڈل کاسترو کی صد سالہ تقریبات کا انعقاد اگلی خبرعطاء اللّٰہ خان عیسیٰ خیلوی کا اپنی قبر تیار کرنے کا انکشاف اسپیکر قومی اسمبلی سردار ایاز صادق کی ڈپٹی سیکرٹری وزارتِ خزانہ عائشہ جاوید کو بین الاقوامی اعزاز پر مبارکباد کیوبا کے سفارتخانے میں فوٹو نمائش کے ذریعے فیڈل کاسترو کی صد سالہ تقریبات کا انعقاد چینی وزیر خارجہ سے ملاقات، علاقائی امن کے لیے پاکستان کی سفارتی کوششوں کو سراہنے پر اسحاق ڈار کا اظہارِ تشکر برطانوی ہائی کمیشن میں گلاسگو 2026 دولتِ مشترکہ کھیلوں کے آغاز کی تقریب پاکستان کے زرمبادلہ میں اضافے کے لیے سرمایہ کاری ناگزیر، قونصلیٹ ہر ممکن تعاون کرے گا: قونصل جنرل سید مصطفیٰ ربانی وزیراعظم نے لیفٹیننٹ جنرل عامر رضا کو فور اسٹار جنرل کے عہدے پر ترقی دے دیCopyright © 2026, All Rights Reserved
رابطہ کریں ہماری ٹیم
بھارت سے جنگ اور افغانستان میں کارروائی خارج ازامکان نہیں، وزیردفاع