شہید مقبول بٹ اور شہید افضل گورو کو خراج عقیدت پیش کرنے کے لئے اسلام آباد میں سیمینار کا انعقاد
اشاعت کی تاریخ: 11th, February 2025 GMT
ذرائع کے مطابق سمینار میں مقررین نے شہید افضل گورو اور شہید مقبول بٹ کو شاندار خراج عقیدت پیش کرتے ہوئے کہا کہ پھانسیوں، غیر قانونی نظربندیوں اور دیگر ظالمانہ ہتھکنڈوں سے کشمیریوں کے جذبہ آزادی کو ہرگز دبایا نہیں جا سکتا۔ اسلام ٹائمز۔ کل جماعتی حریت کانفرنس کی آزاد جموں و کشمیر شاخ نے ممتاز کشمیری رہنمائوں شہید محمد مقبول بٹ اور شہید محمد افضل گورو کو ان کے یوم شہادت پر خراج عقیدت پیش کرنے کے لئے اسلام آباد میں اپنے دفتر میں ایک سیمینار منعقد کیا جس کی صدارت کنونیر غلام محمد صفی نے کی۔ ذرائع کے مطابق سمینار میں مقررین نے شہید افضل گورو اور شہید مقبول بٹ کو شاندار خراج عقیدت پیش کرتے ہوئے کہا کہ پھانسیوں، غیر قانونی نظربندیوں اور دیگر ظالمانہ ہتھکنڈوں سے کشمیریوں کے جذبہ آزادی کو ہرگز دبایا نہیں جا سکتا۔ انہوں نے کہاکہ شہید محمد مقبول بٹ اور شہید محمد افضل گورو سمیت شہدائے کشمیر کے ادھورے مشن کو ہر صورت پورا کیا جائیگا ۔ مقررین نے کہا کہ شہداء کشمیریوں کے حقیقی ہیرو اور تحریک آزادی کا عظیم اثاثہ ہیں۔ بھارت نے تحریک آزادی میں نمایاں کردار ادا کرنے پر محمد افضل گورو کو 9 فروری 2013ء کو جبکہ محمد مقبول بٹ کو 11 فروری 1984ء کو نئی دہلی کی بدنام زمانہ تہاڑ جیل میں پھانسی دی تھی۔ انہیں پھانسی کے بعد جیل کے احاطے میں ہی دفن کیا گیا۔ مقررین نے کہا کہ محمد مقبول بٹ اور محمد افضل گورو کو پھانسی دینا انصاف کا قتل تھا۔ انہوں نے کہا کہ شہید محمد مقبول بٹ اور شہید افضل گورو کی پھانسی بھارتی عدلیہ اور اس کے پورے نظام انصاف پر ایک طمانچہ ہے۔ انہوں نے کہا کہ وہ دن دور نہیں جب مظلوم کشمیری آزادی کی صبح دیکھیں گے۔ مقررین نے عالمی برادری اور انسانی حقوق کے بین الاقوامی اداروں پر زور دیا کہ وہ محمد مقبول بٹ اور محمد افضل گورو کی میتوں کو کشمیریوں کے حوالے کرنے کیلئے بھارت پر دبائو ڈالیں۔ انہوں نے کہا کہ مقبوضہ جموں و کشمیر کے عوام ایک جائز مقصد کیلئے دلیرانہ جدوجہد کر رہے ہیں جس کے لیے وہ سات دہائیوں سے بے مثال قربانیاں دے رہے ہیں۔
انہوں نے کہا کہ کشمیری شہداء کو خراج عقیدت پیش کرنے کا بہترین طریقہ یہ ہے کہ ان کے مشن کو جاری رکھا جائے۔ سیمینار میں دیگر لوگوں کے علاوہ سینئر حریت رہنما محمود احمد ساغر، مشتاق احمد بٹ، سید فیض نقشبندی، میر طاہر مسعود، شمیم شال، سید اعجاز رحمانی، جاوید اقبال بٹ، راجہ خادم حسین، حاجی محمد سلطان، نثار مرزا، زاہد صفی، امتیاز وانی، میاں مظفر، شیخ عبدالماجد، محمد اشرف ڈار، منظور احمد ڈار، سید گلشن، عدیل مشتاق وانی، ثناء اللہ ڈار، عبدالمجید لون، خورشید میر، رئیس میر، عبدالمجید میر اور قاضی عمران نے بھی شرکت کی۔
ذریعہ: Islam Times
کلیدی لفظ: مقبول بٹ اور شہید محمد مقبول بٹ اور انہوں نے کہا کہ خراج عقیدت پیش محمد افضل گورو شہید افضل گورو افضل گورو کو کشمیریوں کے شہید محمد
پڑھیں:
ون وے کی خلاف ورزی کرنے پر کتنے ماہ قید اور جرمانے کی سزا ہو سکتی ہے؟
اسلام آباد ٹریفک پولیس نے ٹریفک قوانین کی سنگین خلاف ورزیوں کے خلاف سخت کارروائی کا آغاز کردیا ہے۔ اور ’ون وے‘ کی خلاف ورزی پر اب صرف چالان نہیں بلکہ فوجداری مقدمات بھی درج کیے جا رہے ہیں، ون وے کی خلاف ورزی پر ایک دن میں 66 سے زیادہ مقدمات جبکہ 141 گاڑیاں اور موٹر سائیکل مختلف تھانوں میں بند کردیے گئے۔
وی نیوز نے یہ جاننے کی کوشش کی کہ ون وے کی خلاف ورزی کرنے والوں کے خلاف کس دفعہ کے تحت مقدمہ درج ہوتا ہے اور اس میں کتنی سزا اور جرمانہ ہو سکتا ہے۔
یہ بھی پڑھیں: اسلام آباد میں بغیر لائسنس گاڑی چلانے پر اب ایف آئی آر درج ہوگی، بڑا فیصلہ کرلیا گیا
اسلام آباد ٹریفک پولیس کے مطابق ون وے کی خلاف ورزی کرنے والوں کے خلاف تعزیراتِ پاکستان کی دفعہ 279 کے تحت مقدمات درج کیے جا رہے ہیں۔ یہ دفعہ ان افراد پر لاگو ہوتی ہے جو عوامی سڑکوں پر لاپرواہی یا خطرناک انداز میں گاڑی چلاتے ہیں اور کسی دوسرے کی جان کو خطرہ میں ڈالتے ہیں۔
قانون کے مطابق دفعہ 279 کے تحت مجرم کو کم از کم 2 ماہ قید اور زیادہ سے زیادہ 2 سال قید کی سزا دی جا سکتی ہے، جبکہ جرمانے کے حوالے سے عدالت کی صوابدید ہے کہ وہ کتنا بھاری جرمانہ کرے۔
ماضی میں مختلف کیسز میں ملزمان کو ایک ہزار روپے سے 4 ہزار روپے تک کی سزائیں ہوئی ہیں۔ ملزمان کو قید اور جرمانہ بیک وقت بھی دیا جا سکتا ہے البتہ یہ دفعہ قابل ضمانت ہے اور ملزم کو ضمانت پر رہائی مل جاتی ہے۔
یہ بھی پڑھیں: اسلام آباد ٹریفک پولیس کا ون وے خلاف ورزیوں کے خلاف کریک ڈاؤن، 249 مقدمات درج
اسلام آباد ٹریفک پولیس نے شہریوں سے اپیل کی ہے کہ ٹریفک قوانین کی پاسداری نہ صرف آپ کی بلکہ دوسروں کی زندگیوں کے تحفظ کے لیے بھی ضروری ہے۔ ون وے کی خلاف ورزی سنگین جرم ہے اور اس پر کوئی رعایت نہیں دی جائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسلام آباد ٹریفک پولیس ٹریفک قوانین جرمانہ خلاف ورزی قید ون وے خلاف ورزی وی نیوز
زیلنسکی نے ٹرمپ پر سنگین الزام عائد کردیا، امریکا سے تعلقات متاثر ہونے کا خدشہ