پانی کے معاملے پراپوزیشن لیڈرکوغیرذمہ دارانہ بیان بازی سے گریز کرنا چاہئے،وفاقی وزیر ریاض حسین پیرزارہ
اشاعت کی تاریخ: 11th, February 2025 GMT
اسلام آباد (اُردو پوائنٹ اخبارتازہ ترین - اے پی پی۔ 11 فروری2025ء) وفاقی وزیر برائے ہائوسنگ ریاض حسین پیرزارہ نے کہا ہے کہ پانی کے معاملے پراپوزیشن لیڈر کو غیر ذمہ دارانہ بیان بازی سے گریز کرنا چاہئے۔
(جاری ہے)
منگل کوقومی اسمبلی کے اجلاس میں اظہارخیال کرتے ہوئے ریاض حسین پیرزارہ نے کہاکہ معاہدہ سندھ طاس کے تحت ستلج سے بہاولپور کاپانی بند کر دیا گیا تھا، پانی کامعاملہ سنجیدہ ہے جس کے حوالے سے فیصلے مشترکہ مفادات کونسل میں ہوتے ہیں۔
انہوں نے کہاکہ دیامیربھاشا ڈیم میں پنجاب کے حصے کےپانی سے بہاولپورکوپانی دینے کامطالبہ کیاگیاہے۔وفاقی وزیر نے کہاکہ اس معاملے پر غیرذمہ دارانہ بیان بازی اورعوام کوگمراہ کرنے سے گریز کرنا چاہئے۔انہوں نے کہاکہ بہاولپورکا ایک دریا بند کر دیا گیاہے اور ہم اپنے حق کامطالبہ خود کر سکتے ہیں۔\932.ذریعہ: UrduPoint
کلیدی لفظ: تلاش کیجئے نے کہاکہ
پڑھیں:
حکومت بجلی، گیس و توانائی بحران پر قابوپانے کیلئے کوشاں ہے،احسن اقبال
نارووال (نمائندہ خصوصی )وفاقی وزیر منصوبہ بندی احسن اقبال نےکہا ہے کہ جس جذبے سے ہماری افواج دہشت گردی کےخلاف جنگ میں جانوں کا نذرانہ دے رہی ہیں، ملکی معاشی بہتری کے لیے کردار ادا نہ کیا تویہ فورسز کی قربانیوں کے صلے میں ان سے زیادتی ہوگی۔وفاقی وزیر منصوبہ بندی احسن اقبال کا نارووال میں تقریب سے خطاب کرتے ہوئےکہنا تھا کہ پاکستان کی معیشت بحالی کی جانب گامزن ہے، ہمیں بھرپور جذبے سے ملکی معیشت کی بہتری کے لیے کردار ادا کرنا ہے، حکومت کی کوشش ہےکہ ملک میں بجلی، گیس اور توانائی کے بحران پر قابو پائیں۔
انہوں نے کہا کہ جب ہمیں حکومت ملی تھی تو اُس وقت معیشت سمیت تمام شعبہ جات تباہ حال تھے، رفتہ رفتہ ان سب میں بہتری آرہی ہے۔احسن اقبال نے مزید کہا کہ معشیت بہتر ہوتے ہی بجلی کے شعبے میں نرخوں میں کمی کو ممکن بنائیں گے، گیس کی قیمتیں بھی کم کرنا ہوں گی۔ساتھ ہی وزیراعظم اور حکومت کی خواہش ہے کہ ٹیکسوں کی شرح میں کمی لائیں، تاہم اس کے لیے ضروری ہے کہ ٹیکس چوری کے خلاف ہم سب کو مل کر جہاد کرنا ہوگا۔
جو لوگ ٹیکس ادا کرتے ہیں اُن کی زمہ داری ہے کہ وہ حکومت کے ساتھ مل کر ٹیکس چوروں کی نشاندہی کریں، اگر ٹیکس چوری نہیں رکے گی تو تنخواہ دار طبقے پر مزید بوجھ بڑھے گا۔وفاقی وزیر منصوبہ بندی کا کہنا تھا کہ ٹیکس کے بغیر حکومت ترقیاتی کام نہیں کر سکتی، حکومت کے پاس پیسے چھاپنے کی کوئی مشین نہیں ہوتی، ٹیکس سے ہی ترقیاتی اور دیگر کام کرنے ہوتے ہیں، پاکستان میں اس وقت ٹیکس ٹو جی ڈی پی کی شرح 10.5 ہے، ہمارے جیسے دیگر ممالک میں یہ شرح 16 سے 18 فیصد تک ہے۔
عمران خان سے ملاقات نہ ہونے پر وزیراعلیٰ پختونخوا کا توہین عدالت کی درخواست دینے کا اعلان