جناح اسپتال، جناح سندھ یونیورسٹی کو جواب جمع کرانے کا حکم
اشاعت کی تاریخ: 12th, February 2025 GMT
—فائل فوٹو
سندھ ہائیکورٹ نے جناح اسپتال، جناح سندھ یونیورسٹی کو جواب جمع کرانے کا حکم دے دیا۔
سندھ ہائیکورٹ میں جناح اسپتال سندھ حکومت کے حوالے کرنے کے خلاف درخواست پر سماعت ہوئی۔
دورانِ سماعت وکیل نے مؤقف اپنایا کہ وفاق نے 25 سالوں کے لیے پورا جناح اسپتال سندھ حکومت کے حوالے کردیا، اسپتال اور یونیورسٹی ملکیت سمیت 25 سال کے لیے سندھ حکومت کو دے دیا گیا ہے، قانون کے مطابق وفاق صوبوں کو کسی ادارے کا مخصوص فنکشن دے سکتی ہے پورا ادارہ نہیں۔
وکلاء نے آج سندھ ہائی کورٹ بار کے صدر کے خلاف احتجاج ریکارڈ کرایا ہے۔
درخواست گزار نے کہا کہ ہم نے وفاق اور سندھ حکومت کے معاہدے کو چیلنج کیا ہے، سپریم کورٹ کا فیصلہ ہے کہ یہ ادارہ وفاق کا ہے۔
عدالت نے دلائل سننے کے بعد درخواست کی سماعت 4 ہفتوں کے لیے ملتوی کردی۔
.ذریعہ: Jang News
کلیدی لفظ: جناح اسپتال سندھ حکومت
پڑھیں:
واجبات کی دوسری قسط 3 سے 15 نومبر تک لازمی جمع کرادی جائے، وزارت حج
data-id="863a0a8" data-element_type="widget" data-widget_type="theme-post-content.default">
اسلام آباد:۔ وزارت مذہبی امور نے سرکاری اسکیم کے درخواست گزاروں سے کہا ہے کہ وہ اپنے حج واجبات کی دوسری قسط 6لاکھ 50ہزار روپے 3 سے 15نومبر تک اپنے متعلقہ بنک میں جمع کرا کر کمپیوٹرائزڈ رسید حاصل کریں، دوسری قسط بروقت جمع نہ کرانے کی صورت میں حج درخواست منسوخ تصور ہوگی، آن لائن ادائیگی والے عازمین حسب سابق آن لائن پورٹل استعمال کرسکتے ہیں۔
جمعہ کو وزارت مذہبی امور کے ترجمان عمر بٹ نے کہا کہ حج 2026ءکے جو درخواست گزار واجبات کی پہلی قسط جمع کرا چکے ہیں وہ دوسری قسط 3تا 15نومبر 2025ءتک جمع کراسکتے ہیں۔
ایسے افراد جو مکة المکرمہ میں ڈبل بیڈ فیملی روم کی اختیاری سہولت حاصل کرنا چاہتے ہیں وہ 2لاکھ روپے فی کس اضافی جمع کرائیں گے، جبکہ ٹرپل بیڈ فیملی روم کی اختیاری سہولت حاصل کرنے کے لیے 67ہزار روپے فی کس جمع کرانے ہوں گے، یہ دونوں سہولیات صرف مکة المکرمہ میں ہی دستیاب ہوں گی، بعد میں حج پیکج تبدیل کرنا ممکن نہیں ہوگا، لہٰذا دوسری قسط جمع کراتے وقت پیکج کا انتخاب کیا جاسکتا ہے۔
انہوں نے کہا کہ دوسری قسط جمع کراتے وقت بنک سے کوائف کی تصحیح اور پیکج کی تبدیلی صرف شارٹ سے لانگ حج کے حوالے سے کرائی جاسکتی ہے جبکہ لانگ سے شارٹ حج پیکج کی تبدیلی کے لیے بذریعہ بنک وزارت مذہبی امور میں درخواست بھجوانا ہوگی، جسے صرف دستیابی کی صورت میں ہی منظور کیا جائے گا۔
انہوں نے کہا کہ دوسری قسط جمع کرانے سے قبل اپنی متعلقہ بنک برانچ سے اپنے کوائف میں کسی قسم کی درستگی کرائی جاسکتی ہے، گروپنگ کے مسائل شناختی کارڈ نمبرکی درستگی کے لیے وزارت کے متعلقہ حج آفیسر، انچارج آئی ٹی سیل کو تحریری درخواست بھی بھجوانا ہوگی۔
انہوں نے مزید کہا کہ دوسری قسط بروقت جمع نہ کرانے کی صورت میں حج درخواست منسوخ تصور ہوگی،کسی بھی مرحلے پر حج داخلہ منسوخ کرانے کی صورت میں وزارت مذہبی امور ضوابط کے مطابق کٹوتی کی مجاز ہے، منسوخ شدہ درخواستوں کی بقیہ رقم درخواست گزار کے متعلقہ بنک اکاﺅنٹ میں واپس بھجوائی جائے گی۔
راولپنڈی میں استاد کا طالبعلم پر تشدد، کتاب نہ لانے پر بازو توڑ دیا