نوابشاہ،محکمہ فوڈ کا غیر معیاری ہوٹلوں ،دودھ ڈیریوں پر چھاپے
اشاعت کی تاریخ: 13th, February 2025 GMT
نوابشاہ (نمائندہ جسارت)نوابشاہ میں غیر معیاری ہوٹلوں اور دودھ کی ڈیریوں پر چھاپے سرکاری احکامات اور معیار کو برقرار نہ رکھنے کے خلاف عوامی شکایت پر چھاپے مارے جارہے ہیں بڑے پیمانے پر ناقص اور ممنوعہ اشیا کا استعمال عوام کی صحت کے ساتھ کھیلنے کے مترادف ہے محکمہ فوڈ سندھ شہید بے نظیر آباد کے ڈپٹی فوڈ سیفی افسر نعمت اللہ گولاچی نے اپنی ٹیم کے ہمراہ چھاپے مارنے کے بعد مختلف ہوٹلوں ریسٹورنٹ اور بیکریوں پر بھاری جرمانے عائد کرتے ہوئے کہا کہ شہر بھر کے ہوٹلز دودھ کی ڈیریاں اور بیکری والے انسانی جانوں کے ساتھ کھیل رہے ہیں ایسی اشیا کا استعمال کر رہے ہیں جو سختی سے ممنوع ہیں اور صرف چند پیسوں کے لیے یہ سب کچھ کیا جارہا ہے صفائی کے فقدان کے ساتھ ساتھ زائد المیعاد اشیا کے استعمال کی وجہ سے شہری بیماریوں کاشکار ہو رہے ہیں عوام ان ہوٹلز اور بیکریوں پر جائیں جو سرکاری معیار اور قوانین کو بروئے کار لا رہی ہیں تاکہ پیسہ اور صحت دونوں محفوظ رہ سکیں۔ انہوں نے مزید کہا کہ شہر بھر میں چھاپے مارے جاتے رہیںگے اور کسی بھی صورت عوام کی صحت سے کھیلنے کی اجازت نہیں دی جائے گی اگرچہ اس وقت ہم پرمختلف قوتوں کا دبائو ہے لیکن ہم ہر کام آئین قانون اور عوام کے صحت پر کسی قسم کا دبائو برداشت نہیں کریں گے۔ ہم شہریوں سے التماس کرتے ہیں کہ وہ ہمارا ساتھ دیں جہاں شکایت ملے ہمیں آگاہ کریں تاکہ ایسے عناصر کی سرکوبی کی جا سکے۔
.ذریعہ: Jasarat News
پڑھیں:
عوامی حقوق کی تحریک خالصتاً ایک عوامی اور پرامن جدوجہد ہے، ذیشان حیدر
اسلام آباد میں منعقدہ آل پارٹیز کانفرنس کے بعد اپنا ردعمل دیتے ہوئے ذیشان حیدر نے کہا کہ تحریک انصاف 29 ستمبر کو عوام کے ساتھ مل کر بھرپور احتجاج کرے گی تاکہ دنیا کو دکھایا جا سکے کہ یہ تحریک صرف اور صرف عوامی حقوق، سستے آٹے، بجلی اور شفاف حکمرانی کے لیے ہے۔ اسلام ٹائمز۔ پاکستان تحریک انصاف آزاد کشمیر نے واضح کیا ہے کہ عوامی حقوق کی تحریک خالصتاً ایک عوامی اور پرامن جدوجہد ہے، جسے کرپٹ سیاسی مافیا اپنی بقا اور مراعات بچانے کے لیے سازشوں اور پروپیگنڈا کے ذریعے بدنام کرنے کی کوشش کر رہا ہے، اسلام آباد میں منعقدہ آل پارٹیز کانفرنس کے بعد اپنا ردعمل دیتے ہوئے ذیشان حیدر نے کہا کہ (APC) میں تحریک انصاف شامل نہیں تھی اور یہ باعثِ اطمینان ہے کہ سابق وزیراعظم سردار عبدالقیوم نیازی اور دیگر قیادت نے اس بے ایمانی اور خطرناک پروپیگنڈا کا حصہ بننے سے انکار کیا، کرپٹ موروثی قیادت کا یہ دعویٰ کہ بھارت آزاد کشمیر میں عوامی تحریک کو منظم کر رہا ہے دراصل عوامی جدوجہد کو بدنام کرنے اور ریاستی اداروں کو الجھانے کی سازش ہے۔ یہ تاثر دینا کہ آزاد کشمیر کے عوام اپنی محرومیوں پر آواز اٹھا کر کسی بھارتی ایجنڈے کو آگے بڑھا رہے ہیں عوام کی توہین ہے۔ فوج بھی ہماری ہے اور ملک بھی ہمارا ہے فوج کے ساتھ یکجہتی ہمارے خون میں شامل ہے، مگر کرپٹ ٹولہ عوامی احتجاج کو فالس فلیگ آپریشن میں بدلنے کی سازش کر رہا ہے، جیسا کہ 9 مئی کے واقعات میں کیا گیا تھا۔ انہوں نے اعلان کیا کہ تحریک انصاف 29 ستمبر کو عوام کے ساتھ مل کر بھرپور احتجاج کرے گی تاکہ دنیا کو دکھایا جا سکے کہ یہ تحریک صرف اور صرف عوامی حقوق، سستے آٹے، بجلی اور شفاف حکمرانی کے لیے ہے۔ تحریک انصاف آزاد کشمیر نے حکومت پاکستان سے مطالبہ کیا ہے کہ وہ بروقت مداخلت کرے اور اس عوامی تحریک کے جائز مطالبات تسلیم کرتے ہوئے کرپٹ سیاسی مافیا کو مزید سازشوں سے روکے، عوامی ایکشن کمیٹی درحقیقت عوام کی آواز ہے اور تحریک انصاف اس کے ساتھ چٹان کی طرح کھڑی ہے۔
سندھ میں سیلاب سے نقصانات؛ حکومت اور جائیکا کا متاثرہ کسانوں کیلیے اقدامات کا اعلان