سڑک کنارے ہوٹلوں کیخلاف بلارعایت کارروائی کا فیصلہ
اشاعت کی تاریخ: 4th, November 2025 GMT
data-id="863a0a8" data-element_type="widget" data-widget_type="theme-post-content.default">
251104-02-22
کراچی (اسٹاف رپورٹر) کمشنر کراچی سید حسن نقوی کی زیر صدارت ان کے دفتر میں فٹ پاتھوں اور روڈ سائیڈز پر قائم چائے خانوں اور ریسٹورنٹس کیخلاف جاری مہم کی کارکردگی کا جائزہ لیا گیا۔ اجلاس میں بتایا گیا کہ 27 اکتوبر سے شروع ہونے والی مہم میں گزشتہ ایک ہفتہ کے دوران 167چائے خانوں اور کھانے پینے کے مراکزکو سربمہر کیا گیا ہے۔ ڈپٹی کمشنرز نے اجلاس کو بریفنگ دی بتایا کہ جن ہوٹلوں کو بند کیا گیا ہے ان کی مانٹرنگ کی جارہی ہے۔ فیصلہ کیا گیا کہ قانونی کارروائی کے بغیر کسی ٹی شاپ یا ہوٹل کو ڈی سیل نہیں کیا جائے گا۔ اپنی دکانوں کو ڈی سیل کرنے پر مالک کو گرفتار کیا جائے گا اور جرمانہ عاید کیا جائے گا۔ اجلاس میں فیصلہ کیا گیا کہ ڈپٹی کمشنرز تمام بند چائے خانوں اور ہوٹلوں کو ڈی سیل کرنے کے فیصلہ تک سختی سے مانٹرنگ کریں گے۔ ڈپٹی کمشنرزبند ہوٹلوں کو کھولنے کی اجازت منظوری کے بغیر نہیں دیں گے۔ اجلاس نے ہوٹلوں کو کھولنے کے لیے قواعد کے مطابق کاروبار کرنے کے حلف نامہ لینے اور بھاری جرمانہ کے بعد ڈی سیل کرنے کی تجویز پر غور کیا گیا۔ فیصلہ کیا گیا کہ تمام ڈپٹی کمشنرز انہیں ڈی سیل کرنے کے لیے اپنی رپورٹ کمشنر کراچی کو پیش کریں گے۔ رپورٹ اور تجاویز مطلوبہ قواعد اور پالیسی کے مطابق تیار کی جائیں گی۔ اجلا س میں ایڈیشنل کمشنر کراچی ون غلام مہدی شاہ ایڈیشنل کمشنر ٹو، اسد اللہ کھوسو تمام ڈپٹی کمشنرز، اسسٹنٹ کمشنر ہیڈ کوارٹرز رابعہ سید، اسسٹنٹ کمشنر جنرل حاظم بھنگوار نے شرکت کی جبکہ تمام اسسٹنٹ کمشنرز نے وڈیو لنک کے ذریعے شرکت کی۔ اجلاس میں مختلف علاقوں میں ڈپٹی کمشنرز کو رہ جانے والے چائے خانوں اور روڈ سائیڈ ہوٹلوں کی نشاندہی کی گئی۔ فیصلہ کیا گیا کہ ڈپٹی کمشنرز مہم جاری رکھیں گے۔ بتایاگیا کہ شہر میں مختلف علاقوں میں روڈ سائیڈاور فٹ پاتھوں پر قائم ہوٹلز اور چائے خانے بڑی تعداد میں قائم ہیں۔ فیصلہ کیا گیا کہ رہ جانے والے تمام روڈ سائیڈ چائے خانوں اور ریسٹورنٹس کے خلاف بلا رعایت کارروائی کی جائے گی۔ اسسٹنٹ کمشنر ہیڈ کوارٹرز رابعہ سید نے بند ہوٹلوں اور چائے خانوں کی تفصیلات سے آگاہ کیا۔ انہوں نے بتایا کہ ضلع جنوبی میں ایک ہفتہ میں 22 مراکز بند کیے گئے جن میں سول لائن سب ڈویثر ن میں 12‘ گارڈن میں سات، صدر میں ایک اور رام باغ سب ڈویژن میں تین بند کیے گئے ہیں۔ ضلع شرقی میں 37 روڈ سائی چائے خانے اور ہوٹلز بند کیے گئے ہیں جن میں فیروز آباد سب ڈویژن میں 18‘ گلشن اقبال میں 13‘ گلزار ہجری میں چے بند کیے گئے۔ ضلع وسطی میں 74 ہوٹلز اور چائے خانے بند کیے گئے ہیں جن میں گلبر گ سب ڈویژن میں 29‘ ناظم آباد میں 17‘ نارتھ ناظم آباد میں 17 اور لیاقت آباد میں گیارہ بند کیے گئے ہیں۔ ضلع کورنگی میں 32‘ کورنگی میں 9‘ شاہ فیصل میں پانچ، ماڈل کالونی میں چار اور لانڈھی میں 14 بند کیے گئے ہیں جبکہ ضلع کیماڑی میں دو چائے خانے بند کیے گئے ہیں۔
ذریعہ: Jasarat News
کلیدی لفظ: فیصلہ کیا گیا کہ بند کیے گئے ہیں چائے خانوں اور ڈپٹی کمشنرز ڈی سیل کرنے چائے خانے ہوٹلوں کو
پڑھیں:
ٹریفک قوانین کی خلاف ورزی اور نادہندگان کیخلاف مؤثر کارروائی کیلئے “ون ایپ” متعارف
علی ساہی: ٹریفک قوانین کی خلاف ورزی، ٹیکس نادہندگان اور دھواں چھوڑنے والی گاڑیوں کے خلاف مؤثر کارروائی کے لیے جدید “ون ایپ” تیار کر لی گئی۔
ذرائع کے مطابق ایپ کے ذریعے 9 محکمے ایک پلیٹ فارم پر یکجا کر دیے گئے ہیں جن میں ٹریفک پولیس، ایکسائز، پی ایچ پی، محکمہ ٹرانسپورٹ، ڈسٹرکٹ گورنمنٹ، ماحولیات، سیف سٹیز اور دیگر ادارے شامل ہیں۔
پائلٹ پراجیکٹ کے طور پر ایپ پیر سے ایک ضلع میں شروع کی جائے گی,ایپ میں 11 مختلف ماڈیولز کے تحت گاڑیوں کی چیکنگ ممکن ہوگی,نمبر پلیٹ کی تصویر اپ لوڈ کرتے ہی گاڑی کی تمام تفصیلات فوری سامنے آ جائیں گی,اب تک 3 لاکھ سے زائد موبائل نمبرز سسٹم میں رجسٹر کیے جا چکے ہیں۔
بھارتی نژاد دنیا کی معروف کمپنی کو اربوں کا چونا لگا کر فرار
ویڈیو یا تصویر اپ لوڈ ہوتے ہی متعلقہ شہری کو ای چالان اور بار کوڈ میسج بھجوایا جائے گا,ایپ کے ذریعے چوری شدہ، دھواں چھوڑتی یا ٹوکن ٹیکس نادہندہ گاڑیوں کی فوری نشاندہی ممکن ہو گی۔
ٹریفک حکام کے مطابق ایپ کو پنجاب انفارمیشن ٹیکنالوجی بورڈ (PITB) کے تعاون سے تیار کیا گیا ہے۔
ڈی آئی جی ٹریفک وقاص نزیر کی نگرانی میں تیار کی گئی “ون ایپ” کو وزیراعلیٰ کے افتتاح کے بعد رواں ماہ باضابطہ طور پر لانچ کر دیا جائے گا۔
پاکستان اور جنوبی افریقہ کے درمیان فیصلہ کن ٹی ٹونٹی میچ آج ہوگا
صدر، وزیراعظم،وفاقی وزیر داخلہ کی ترکیہ کے 102ویں یومِ جمہوریہ پر مبارکباد