راکھی ساونت پاکستانی پولیس اہلکار سے شادی کی خواہش مند
اشاعت کی تاریخ: 14th, February 2025 GMT
ممبئی(شوبز ڈیسک)متنازع بھارتی اداکارہ راکھی ساونت نے شادی کے لیے نئی شرط اور خواہش کا اظہار کردیا ہے۔
بولی وڈ کی متنازع اداکارہ راکھی ساونت حال ہی میں ’دی 21 ایم ایم شو‘ میں نظر آئیں جس میں انہوں نے پاکستان آنے اور اپنی شادی سے متعلق بات کی۔
انہوں نے بتایا کہ وہ ایک ایونٹ میں شرکت کے لیے لاہور آئی تھیں جہاں انہیں بہت مزہ آیا۔
اداکارہ نے دعویٰ کیا کہ بولی وڈ میں ’آئٹم سانگ‘ کی بنیاد رکھنے والی میں ہی ہوں۔
شادی کے حوالے سے بات کرتے ہوئے انہوں نے بتایا کہ میرے والد نہیں ہیں، بس ایک بھائی ہے جو ہرگز نہیں چاہتا کہ میں پاکستان کی بہو بنوں۔
راکھی ساونت کا کہنا تھا کہ میرے والد چاہتے تھے کہ میں ایک پولیس والے سے شادی کروں۔
انہوں نے بھارت سے ہونے والی تنقید کا جواب دیتے ہوئے کہا کہ ’اگر میں پاکستان میں شادی کرنا چاہتی ہوں تو اس میں برائی ہی کیا ہے۔‘
بولی وڈ اداکارہ کا شکوہ کرتے ہوئے کہنا تھا کہ کہ پاکستانی لڑکوں نے ان کا دل توڑ دیا۔
انہوں نے پاکستانی ماڈل دودی خان کو مخاطب کرتے ہوئے کہا کہ ’پہلے آپ نے مجھے شادی کی آفر کی بعد میں یوٹرن لے لیا۔‘
ان کے مطابق پاکستانی ماڈل شادی کا جوڑا اور انگوٹھی لے کر دبئی جانے والے ہیں۔
بولی وڈ اداکارہ کا کہنا تھا کہ دودی خان نے انہیں بتایا کہ وہ بےحد امیر ہیں۔ تاہم اداکارہ کا کہنا ہے کہ وہ کسی مفتی سے شادی کی خواہش مند تھیں۔
ان کا کہنا تھا کہ ویسے تو مجھے قوی صاحب بھی پسند ہیں، تاہم ان کا وزن تھوڑا زیادہ ہے۔
انہوں نے مفتی قوی کو مخاطب کرتے ہوئے کہا کہ ’قوی صاحب، آپ اچھے ہیں لیکن اگر وزن کم کرلیں تو زیادہ اچھا ہوجائے گا۔‘
راکھی ساونت نے شادی کے لیے نئی خواہش کا اظہار کرتے ہوئے بتایا کہ ’پاکستانی پولیس اہلکار بہت ہینڈسم لگتے ہیں۔‘
ان کا پولیس والوں مخاطب کرتے ہوئے کہنا تھا کہ ’کیا پاکستان میں کوئی پولیس والا میرا ہاتھ تھامنے کے لیے تیار ہے۔‘
ساتھ ہی اداکارہ نے شرط رکھتے ہوئے کہا کہ جو آدمی ان کا سارا قرض چکائے گا، انہیں عزت دے گا وہ اس سے شادی کریں گی۔
مزیدپڑھیں:ملک میں گندم نایاب ہونے والی ہے؟
ذریعہ
ذریعہ: Daily Ausaf
کلیدی لفظ: راکھی ساونت کہنا تھا کہ ہوئے کہا کہ کرتے ہوئے بتایا کہ انہوں نے کا کہنا کے لیے
پڑھیں:
پولیس بہترین کارکردگی کے ذریعے اپنے تاثر کو بہتر بناسکتی ہے، وزیراعلیٰ سندھ
پاسنگ آؤٹ پریڈ کی تقریب سے خطاب کرتے ہوئے مراد علی شاہ کا کہنا تھا کہ ملک دہشتگردی جیسے مسائل سے دوچار ہے، ہمارے جوانوں نے بہت قربانیاں دیں ہیں، کچے کے علاقے کچھ عرصے پہلے تک بحران سے دوچار تھے، یقین دہانی کرواتا ہوں کہ ان شہداء کا خون رائیگاں نہیں جائے گا، پولیس کی کارکردگی کو مزید بہتر بنانا سندھ حکومت کی اولین ترجیح ہے۔ اسلام ٹائمز۔ وزیراعلیٰ سندھ مراد علی شاہ کا کہنا ہے کہ عوام کا تحفظ، انصاف کی فراہمی اور قانون شکن عناصر کو عدالتوں کے کٹہرے میں لانا پولیس فورس کی بنیادی ذمہ داری ہے۔ سعید آباد پولیس ٹریننگ سینٹر میں 132ویں پاسنگ آؤٹ پریڈ کی تقریب سے خطاب کرتے ہوئے وزیراعلیٰ سندھ کا کہنا تھا آج 300 سے زائد خواتین اپنی ٹریننگ مکمل کررہی ہیں، مجھے خواتین کی کامیابی پر بہت خوشی ہوئی کہ ایک تازہ دم دستہ عوام کی خدمت کےلیے تیار ہے، شہریوں کو پر امن زندگی دینے کی ذمے داری اب آپ پر عائد ہوتی ہے۔ مراد علی شاہ کا کہنا تھا کہ ملک دہشتگردی جیسے مسائل سے دوچار ہے، ہمارے جوانوں نے بہت قربانیاں دیں ہیں، کچے کے علاقے کچھ عرصے پہلے تک بحران سے دوچار تھے، یقین دہانی کرواتا ہوں کہ ان شہداء کا خون رائیگاں نہیں جائے گا، پولیس کی کارکردگی کو مزید بہتر بنانا سندھ حکومت کی اولین ترجیح ہے۔
وزیراعلیٰ سندھ نے مزید کہا کہ پولیس کی فلاح و بہبود ہمیشہ سے میری اولین ترجیح رہی ہے، مستقبل میں بھی پولیس کے تمام مسائل کو بہتر اور ترجیحی انداز میں حل کیا جائے گا، پاس آؤٹ ہونے والے جوان فیلڈ میں جا کر سندھ پولیس کا نام مزید روشن کریں گے۔ مراد علی شاہ نے یہ بھی کہا کہ پولیس اپنی بہترین کارکردگی کے ذریعے ہی اپنے امیج (تاثر) کو بہتر بنا سکتی ہے، عوام کا تحفظ، انصاف کی فراہمی اور قانون شکن عناصر کو عدالتوں کے کٹہرے میں لانا پولیس فورس کی بنیادی ذمہ داری ہے، سندھ حکومت پولیس فورس کو جدید خطوط پر استوار کرنے کے لیے پرعزم ہے۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم