وفاقی وزیر خزانہ سعودی عرب روانہ ‘العلا کانفرنس فار ایمرجنگ مارکیٹ اکانومیز"میں شرکت کریں گے
اشاعت کی تاریخ: 15th, February 2025 GMT
اسلام آباد(اردوپوائنٹ اخبارتازہ ترین-انٹرنیشنل پریس ایجنسی۔15 فروری ۔2025 )وفاقی وزیر خزانہ سینیٹر محمد اورنگزیب پہلی اعلی سطحی سالانہ”العلا کانفرنس فار ایمرجنگ مارکیٹ اکانومیز“میں شرکت کے لیے سعودی عرب روانہ ہوگئے ہیںوزیر خزانہ اپنے سعودی ہم منصب محمد الجدان کی خصوصی دعوت پر سعودی عرب کے قدیم تاریخی شہر العلا میں 16 فروری سے شروع ہونے والی دو روزہ کانفرنس میں شرکت کریں گے .
(جاری ہے)
کانفرنس میں مجموعی طور پر 9نشستیں ہوں گی جن میں 200 شرکا اور 36مقررین شریک ہوں گے کانفرنس میں 48ممالک کو مدعو کیا گیا ہے کا نفرنس میں وزیر خزانہ محمد اورنگزیب کی خصوصی شرکت ان پالیسی اقدامات کے تناظر میں ہے جن کی بدولت حالیہ وقتوں میں غیر یقینی اور غیر مستحکم علاقائی اور عالمی ماحول کے باوجود پاکستانی معیشت میں استقلال اور مثبت سازگار تبدیلیاں رونما ہوئیں.
وزیر خزانہ محمد اورنگزیب کانفرنس کے دوران ابھرتی ہوئی پر استقلال منڈیوں کا راستہ کے موضوع پر ایک اعلی سطحی پینل مباحثے میں شریک ہوں گے آئی ایم ایف کی ایم ڈی کرسٹالینا جارجیوا پینل مباحثے کی میزبانی کریں گی مباحثے میں وزیر خزانہ محمد اورنگزیب اور ان کے مصر، برازیل اور ترکیہ کے ہم منصب وزرا شریک ہوں گے. العلا کانفرنس فار ایمرجنگ مارکیٹ اکانومیزابھرتی ہوئی منڈیوں اور ترقی پذیر معیشتوں کی سوچ اور فکر کی بنیاد پر ایک مضبوط اور پائیدار عالمی معیشت کی تعمیر کے لئے ہر سال سعود عرب میں منعقد کی جائے گی العلا شہر میں منعقدہ افتتاحی کانفرنس میں منتخب ملکوں کے وزرائے خزانہ، مرکزی بینکوں کے گورنرز اور پالیسی سازوں کے علاوہ تعلیمی اداروں، بین الاقوامی اداروں اور نجی شعبے کے ماہرین شرکت کر رہے ہیں. کانفرنس میں بدلتی دنیا میں استقلال کی تعمیر اور طاقت بھری اٹھان کے موضوع پر ابھرتی منڈیوں اور ترقی پذیر معیشتوں کی جانب سے خطرات سے نمٹنے اور عالمی معاشی چیلنجوں سے نبردآزما ہونے کے لیے موزوں معاشی اور مالیاتی پالیسیوں پر بحث کی جائے گی یہ کانفرنس ایسے وقت میں منعقد کی جا رہی ہے جب دنیا گہرے اور مسلسل اقتصادی جھٹکوں، تجارتی تناﺅ، جغرافیائی سیاست اور تنگ مالی حالات سے نبرد آزماہے کانفرنس کی بدولت عالمی راہنماﺅں کو ملکی، علاقائی اور عالمی اقتصادی حالات و واقعات پر بحث و تمحیص اور عالمی سطح پر درپیش چیلنجوں کے حل کے لیے تبادلہ خیالات کے لیے منفرد پلیٹ فارم دستیاب ہو گا.ذریعہ: UrduPoint
کلیدی لفظ: تلاش کیجئے محمد اورنگزیب کانفرنس میں اور عالمی کے لیے
پڑھیں:
وفاقی وزیر عطااللہ تارڑ کو کراٹے کمبیٹ فائٹر شاہ زیب رند سے معذرت کیوں طلب کرنا پڑی؟
وفاقی وزیر اطلاعات و نشریات عطا اللہ تارڑ نے کوئٹہ سے تعلق رکھنے والے عالمی شہرت یافتہ کراٹے کمبیٹ فائٹر شاہ زیب رند سے کیے گئے حکومتی وعدے پورے نہ ہونے پر معذرت کا اظہار کیا ہے
عطااللہ تارڑ نے سماجی رابطے کے پلیٹ فارم ’ایکس‘ پر ایک پوسٹ میں لکھا ہے:
’ہم اس افسوسناک اور بلاجواز تاخیر پر دلی معذرت خواہ ہیں۔ اس معاملے میں کچھ غلط فہمی پیدا ہوئی جس کے باعث تاخیر ہوئی، جس پر ہمیں انتہائی افسوس ہے اور ہم اس سے ہونے والی تکلیف کے لیے معذرت کرتے ہیں۔‘
Dear Shahzeb, @RindhShahzaib
There seems to be some miscommunication. We sincerely apologise for this unjustified delay, sportsmen like you are our real heroes and we value your achievements. You have brought great honour to the country and made us all proud. The Prime Minister…
— Attaullah Tarar (@TararAttaullah) July 26, 2025
انہوں نے کہا کہ ہمارے کھلاڑی قوم کا فخر اور ہمارے اصل ہیرو ہیں، جنہوں نے اپنی محنت، لگن اور کارکردگی سے ملک کا نام روشن کیا اور پوری قوم کو فخر کا احساس دلایا۔ ہم آپ کی خدمات کو دل سے سراہتے ہیں۔
وفاقی وزیر اطلاعات نے لکھا کہ وزیراعظم نے اس غیر ضروری تاخیر کا سختی سے نوٹس لیا ہے اور فوری طور پر معاملہ حل کرنے کی ہدایات جاری کر دی ہیں، ان شاءاللہ جلد یہ مسئلہ مکمل طور پر حل ہو جائے گا۔ وزیراعظم نے مزید ہدایت کی ہے کہ آئندہ اس قسم کی کوتاہی کسی صورت برداشت نہیں کی جائے گی۔
یہ بھی پڑھیے کراٹے کمبیٹ کے 3 مرتبہ عالمی چیمپیئن شاہ زیب رند وزیراعظم سے نالاں کیوں؟
پوسٹ کے آخر میں عطا اللہ تارڑ نے ایک بار پھر اس تاخیر اور پریشانی پر معذرت کی اور کہا کہ وہ اپنے قومی ہیروز کو ان کا جائز مقام دینے کے لیے پرعزم ہیں۔
یاد رہے کہ گزشتہ روز کوئٹہ سے تعلق رکھنے والے عالمی شہرت یافتہ کراٹے کمبیٹ فائٹر شاہ زیب رند نے ایک ویڈیو پیغام میں وزیراعظم شہباز شریف سے وعدہ پورا نہ کیے جانے پر شکوہ کیا تھا۔
ویڈیو پیغام میں شاہ زیب نے تیسری مرتبہ کراٹے کمبیٹ مقابلوں میں عالمی چیمپئن بننے پر پوری قوم کو مبارک باد پیش کی ہے۔
انہوں نے کہا کہ یہ کامیابی میں اپنے وطن کے اُن لوگوں کے نام کرتا ہوں جنہوں نے ہمیشہ میری حوصلہ افزائی کی۔ میں ان تمام دعاؤں کا شکر گزار ہوں جن کی بدولت آج میں اس مقام پر ہوں۔
یہ بھی پڑھیں: ارشد ندیم کا والہانہ استقبال اور مجھے نظرانداز کیا گیا، عالمی کراٹے چیمپیئن شاہ زیب رند کا شکوہ
تاہم انہوں نے افسوس کا اظہار کرتے ہوئے کہا کہ گزشتہ برس بھارت سے جیت کر واپس آنے پر وزیراعظم نے انہیں وزیراعظم ہاؤس بلا کر انعامی رقم دینے کا وعدہ کیا تھا، جو تاحال پورا نہیں ہو سکا۔
شاہ زیب کے مطابق، ان کے والد نے بارہا وزیراعظم آفس سے رابطہ کرنے کی کوشش کی، مگر کوئی مثبت جواب نہ ملا۔
مزید پڑھیںـ: صدر مملکت سے عالمی کراٹے کومبیٹ چیمپیئن شپ کے فاتح شاہ زیب رند کی ملاقات، 10 کروڑ روپے کے چیک کا تحفہ
شاہ زیب رند نے کہا کہ وہ گزشتہ 6 ماہ سے امریکا میں اپنی ٹریننگ جاری رکھے ہوئے ہوں، لیکن حکومت کی جانب سے وعدہ کی گئی رقم کا ایک روپیہ بھی نہیں ملا۔
انہوں نے امید ظاہر کی کہ ان کا پیغام وزیراعظم تک پہنچے گا اور ان کی آواز سنی جائے گی۔ ’میں جو بھی کر رہا ہوں، اپنے ملک کے لیے کر رہا ہوں، ہمیشہ سے خواب تھا کہ اپنے وطن کا پرچم دنیا بھر میں بلند کروں۔‘
مزید پڑھیں: امریکا میں فتحیاب مکسڈ مارشل آرٹس چیمپیئن شاہ زیب کا وطن واپسی پر پُرتپاک استقبال
یاد رہے کہ شاہ زیب رند نے عالمی سطح پر پاکستان کی نمائندگی کرتے ہوئے کئی مواقع پر کامیابی حاصل کی ہے اور ملک کا نام روشن کیا ہے، مگر حکومتی عدم توجہی کا شکوہ اُن جیسے کھلاڑیوں کے حوصلے کو متاثر کرتا ہے۔
شاہ زیب رند حال ہی میں لائٹ ویٹ کیٹیگری میں برازیل کے فائٹر لوئز روچا کو ہرا کر تیسری بار عالمی چیمپیئن بنے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
شاہ زیب رند وزیراعظم شہباز شریف وفاقی وزیر اطلاعات عطا تارڑ
ٹک ٹاک اکاؤنٹ ڈیلیٹ کرنے سے انکار پر باپ نے بیٹی کو قتل کر دیا