’’ویلنٹائن ڈے سے میرا کیا لینا دینا بھائی؟‘‘، سلمان خان کا مزاحیہ کلپ وائرل
اشاعت کی تاریخ: 15th, February 2025 GMT
ویلنٹائن ڈے کے موقع پر بالی ووڈ سپر اسٹار سلمان خان کی ایک پرانی ویڈیو ایک بار پھر سوشل میڈیا پر وائرل ہورہی ہے۔ جس میں وہ ویلنٹائن سے متعلق ایک سوال کا انتہائی مزاحیہ اور غیر متوقع جواب دے ہیں۔
وائرل ویڈیو میں ایک صحافی سلمان خان سے پوچھتا ہے کہ وہ ویلنٹائن ڈے کےلیے کیا خاص منصوبہ بندی کر رہے ہیں؟
سلمان خان نے اس سوال کا انتہائی مزاحیہ اور بے تکلفانہ جواب دیتے ہوئے کہا کہ ’’ویلنٹائن ڈے سے میرا کیا لینا دینا بھائی؟ یا کیا میرا ہی لینا دینا ہے ویلنٹائن ڈے سے؟‘‘ یہ جواب سن کر وہاں موجود سب لوگ ہنس پڑے۔
View this post on InstagramA post shared by being_amer_salmaniac_hyd (@being_amer_salmaniac_hyd)
سلمان خان نے مزید کہا کہ ’’آپ سب کو ویلنٹائن ڈے کی بہت بہت مبارک ہو۔ محفوظ رہیں۔‘‘
سلمان خان کا یہ جواب ان کی معروف مزاحیہ اور بے فکر شخصیت کے عین مطابق ہے۔ برسوں سے، جب بھی ان سے محبت اور تعلقات کے بارے میں پوچھا جاتا ہے، وہ ہمیشہ مزاحیہ جواب دیتے ہیں۔ ان کا یہ سیدھا سادہ اور تفریحی رویہ ان کے مداحوں کو بہت پسند آتا ہے، جس کی وجہ سے ایسی ویڈیوز بار بار وائرل ہوتی رہتی ہیں۔
یہ ویڈیو اب سوشل میڈیا پر بڑے پیمانے پر شیئر کی جا رہی ہے، اور مداح سلمان خان کے حسِ مزاح کی تعریف کر رہے ہیں۔ کئی لوگ ان کے الفاظ کو میمز کے طور پر استعمال کر رہے ہیں تاکہ ویلنٹائن ڈے کے بارے میں اپنے جذبات کا اظہار کر سکیں۔ کچھ مداحوں نے مذاق میں کہا کہ سلمان خان ویلنٹائن ڈے کے لیے ’’سنگل لوگوں کے سرکاری سفیر‘‘ ہیں۔
.ذریعہ: Express News
پڑھیں:
ٹرمپ ایران اسرائیل تنازع میں آگ پر تیل ڈالنے کا کام کر رہے ہیں، چین
چینی وزارت خارجہ کے ترجمان گوو جیاکُن نے پریس کانفرنس میں کہا کہ کشیدگی کم کرنے کے بجائے شعلوں کو ہوا دینا، تیل ڈالنا، دھمکیاں دینا اور دباؤ بڑھانا صرف تنازع کو مزید بھڑکائے گا۔ اسلام ٹائمز۔ چینی حکام نے کہا ہے کہ امریکی صدر ڈونلڈ ٹرمپ پر ایران اور اسرائیل کشیدگی میں تیل ڈالنے کا کام کر رہے ہیں۔ چین نے امریکی صدر پر الزام عائد کرتے ہوئے کہا کہ ایران اور اسرائیل کے درمیان بڑھتے ہوئے تنازع میں آگ پر تیل ڈالنے کا کام کر رہے ہیں۔ چینی وزارت خارجہ کے ترجمان گوو جیاکُن نے پریس کانفرنس میں کہا کہ کشیدگی کم کرنے کے بجائے شعلوں کو ہوا دینا، تیل ڈالنا، دھمکیاں دینا اور دباؤ بڑھانا صرف تنازع کو مزید بھڑکائے گا اور اس کا دائرہ وسیع کرے گا۔ واضح رہے کہ چینی وزارت خارجہ کے ترجمان کی جانب سے مذکورہ بیان امریکی صدر کی ایرانی شہریوں کو تہران خالی کرنے کی دھمکی کے بعد سامنے آیا ہے۔ امریکی صدر نے گزشتہ روز سوشل میڈیا پر پوسٹ شیئر کرتے ہوئے خبردار کیا تھا کہ ایرانی شہری فوری طور پر تہران سے انخلاء کریں۔
شکار پور: مسلح افراد نے گاڑی پر فائرنگ کرکے 4 افراد کو موت کے گھاٹ اتار دیا